San Lucas 1:15 - Q'eqchi Bible

¹⁵ xb'aan naq nimaq xwankil rub'el roq rub'el ruq' li Qaawa'. Ink'a' taa'uk'uq b'iin chi moko yalaq k'a' chi ha'il nakaltesink. Nujenaqaq chi Santil Musiq'ej chalen sa' xsiyajik rik'in li xna',

Li Santil hu

¹⁵ La̱ cualal li ta̱yoꞌla̱k ta̱qꞌuehekꞌ xcuanquil xban li Dios. Aꞌan incꞌaꞌ ta̱ucꞌak vino chi moco li haꞌ li nacaltesin. Ut ac cua̱nk chak li Santil Musikꞌej riqꞌuin nak toj ma̱jiꞌak nayoꞌla.

San Lucas 1:15 ပူးပေါင်းရင်းမြစ်များ

Jeremías 1:5

“Naq toj maji' nakatsiyaak chaq rik'in laana', laa'in ak xinsik' chaq aawu; naq toj maji' nakatyo'laak, ak santob'resinb'ilat chaq inb'aan ut ak xaqab'anb'ilat cho'q xpropeet eb' li tenamit”, chan li Yos.

Efesios 5:18

Mexkalaak rik'in b'iin xb'aan naq a'an nak'amok sa' li jo'maajo'il na'leb', nujob'resihomaq b'an eerib' rik'in li Musiq'ej.

Gálatas 1:15

A'ut li Yos li kisik'ok wu chalen chaq sa' linsiyajik rik'in linna' ut kinxb'oq xb'aan xnimal rusilal, kixk'ul xch'ool xk'utb'al chiwu li Ralal, re naq tinpuktesi resil sa' xyanqeb' li maawa'eb' aj Judiiy. Toja' naq ink'a' koxinpatz' inna'leb' re junaq winq

Hechos 2:4

Ut chixjunileb' ke'nujak chi Santil Musiq'ej ut ke'ok chi aatinak sa' jalan jalanq chi aatinob'aal, jo' chanru ke'k'ehe'k wi' chi aatinak xb'aan li Musiq'ej.

San Lucas 7:33

Xk'ulunk laj Jwan aj kub'sihomha' li ink'a' nawa'ak chi moko na'uk'uk b'iin, ut xeye: «Aj tza wank rik'in».

Josué 4:14

Sa' li kutan a'an li Qaawa' kixnimob'resi xloq'al laj Josué chiruheb' chixjunil laj Israel; ut eb' li tenamit ke'x'oxloq'i laj Josué jo' naq ke'x'oxloq'i chaq laj Moisés chiru chixjunil li xyu'am.

San Lucas 7:28

Ninye eere naq maajun reheb' li yo'lajenaq rik'in ixq naxq'ax ru laj Jwan aj kub'sihomha'. Ab'an li q'axal kach'in sa' li xnimajwal awab'ejihom li Yos, a'an nim chik chiru a'an.

1 Crónicas 17:8

Xinwank aawik'in yalaq b'ar xkohat, ut xinsacheb' ru chixjunileb' li xik' xe'ilok aawe. Ut laa'in tink'e chi nimaak laak'ab'a' jo'eb' li ninqeb' xwankil sa' ruuchich'och'.

Josué 3:7

Toja' naq li Qaawa' kixye re laj Josué: “Chalen anaqwan tinnimob'resi laawankil chiruheb' chixjunil laj Israel. Chi jo'kan te'xnaw naq wankin aawik'in jo' naq kinwank rik'in laj Moisés.

Zacarías 9:15

Li Nimajwal Yos tixkoleb' li ralal xk'ajol, ut eb' a'an te'xputz'i eb' li neke'jok'i'b'k; te'xsach ruheb' li xik' neke'ilok reheb', te'ruk' li xkik'eleb' jo' li b'iin toj reetal te'k'ojlaaq xch'ool, jo' naq nanujak chi kik' li xsek'ul li mayej sa' xb'een li artal.

Salmos 22:9

ut neke'xye: “Xkawuuk xch'ool rik'in li Qaawa', chi'ach'ab'aaq xb'aan. Wi q'axal narahe'k, chikole'q anaqwan!”, chankeb'.

1 Crónicas 29:12

Aawik'in nachalk li b'ihomal ut li loq'al. Laa'at nakatjolomink re chixjunil. Sa' laawuq' wank li wankilal ut li kawilal, laa'at nakak'e chi nimank ut chi kawuuk chixjunil. Laa'at li xtoonal chixjunil!

Génesis 48:19

A'ut li xyuwa' ink'a' kixk'ul xch'ool ut kixye: “Ninnaw, at walal, ninnaw: a'an ajwi' nimaq xwankil. Ab'anan li riitz'in q'axal chik nimaq xwankil chiru, ut eb' li ralal xk'ajol a'anaqeb' xnimal ru tenamit”.

Génesis 12:2

Aawik'in twisi jun xnimal ru tenamit. Tatwosob'tesi ut tinnimob'resi laak'ab'a'. Laa'at tatkanaaq cho'q xyo'leb'aal li usilal.

San Juan 5:35

Laj Jwan a'an chaq li saqenk lochlo li nakutanob'resink, ut laa'ex xeraj saho'k jun k'amokaq rik'in li xsaqenk.

Levítico 10:9

“Naq laa'at malaj eb' laawalal tex'ok sa' li Loq'laj Muheb'aal, ink'a' tex'uk'uq b'iin chi moko ha' nakaltesink. Mare wachik texkamq. A'an jun chaq'rab' li wank xwankil chi junelik, li tento teepaab' laa'ex ut eb' leeralal eek'ajol toj chaalel.

Jeremías 35:6

Eb' a'an ke'xye we: “Laa'o ink'a' nokoo'uk'ak b'iin, xb'aan naq laj Jonadab, ralal laj Rekab, li qaxe'toonil yuwa', kixye qe chi jo'ka'in: «Maajun wa tex'uk'aq b'iin laa'ex, chi moko eb' leeralal eek'ajol.

San Lucas 1:14

A'anaq xnimal xsahil aach'ool, ut naab'aleb' te'saho'q sa' xch'ool rik'in li xyo'lajik,