Levítico 9:4 - Q'eqchi Bible

⁴ Te'xchap ajwi' junaq teelom wakax ut junaq karneer re xkamsinkil chiru li Qaawa' cho'q mayej re k'amok ib' sa' usilal. Xk'amaqeb' ajwi' chaq mayej k'aj puq'b'ilaq rik'in aseeyt, xb'aan naq li Qaawa' tixk'ut rib' chiruheb' sa' li kutan a'in”.

Li Santil hu

⁴ Teꞌxqꞌue ajcuiꞌ jun li cuacax ut jun li te̱lom carner re teꞌxmayeja re xcꞌambal ribeb saꞌ usilal riqꞌuin li Ka̱cuaꞌ. Teꞌxmayeja chiru li Ka̱cuaꞌ rochben li cꞌaj junajinbil riqꞌuin aceite. Teꞌxba̱nu chi joꞌcan xban nak chiru li cutan aꞌin tixcꞌutbesi rib li Ka̱cuaꞌ chiruheb, chan.

Levítico 9:4 ပူးပေါင်းရင်းမြစ်များ

Éxodo 29:43

Aran tinwanq laa'in rik'ineb' laj Israel, ut li na'ajej a'an santob'resinb'ilaq xb'aan linloq'al.

Levítico 9:23

Chirix chik a'an laj Moisés ut laj Aharón ke'ok sa' li Loq'laj Muheb'aal ut, naq ke'elk chaq, ke'rosob'tesiheb' laj Israel. Toja' naq li Qaawa' kixk'ut rib' rik'in xnimal xloq'al chiruheb' chixjunil li tenamit:

Levítico 9:6

Toja' naq laj Moisés kixye: “A'an a'in li xtaqlahom li Qaawa'. B'aanuhomaq, ut li Qaawa' tixk'ut rib' cheru rik'in xnimal xloq'al”.

Ezequiel 43:2

ut kiwil naq li xloq'al li xYos laj Israel yo chaq chi chalk sa' xjayal releb'l saq'e: nach'oxoxnak li xyaab' jo' li b'ut'iha', ut li ruuchich'och' kisaqeno'k ru xb'aan li xloq'al.

Números 16:19

Laj Koré kixch'utub'eb' li xkomon chire rokeb'aal li Loq'laj Na'ajej chi xwech'b'al laj Moisés ut laj Aharón. Toja' naq kik'utunk xloq'al li Qaawa' chiruheb' chixjunil li komonil,

Números 14:10

Toja' naq chixjunil li komonil ke'ok raj chi xteninkileb' chi pek, ab'an li xloq'al li Qaawa' kixk'ut rib' chiruheb' chixjunil laj Israel sa' li Loq'laj Na'ajej.

Levítico 2:1

“Wi junaq tixk'am chaq xmayej k'aj chiru li Qaawa', tento tixk'am chaq li xchaq'alil ru k'aj triiw, tixk'e aseeyt ut pom sa' xb'een.

Éxodo 24:16

Li xloq'al li Qaawa' kihilank sa' xb'een li tzuul Sinaí, ut li choql kimuquk re chiru waqib' kutan. Sa' li xwuq li kutan li Qaawa' kixb'oq chaq laj Moisés toj sa' xyi li choql.

Éxodo 19:11

ut kawresinb'ilaqeb' re li rox kutan, xb'aan naq sa' li rox kutan tinkub'e'q chaq laa'in li Qaawa', sa' xb'een li tzuul Sinaí, chiru chixjunileb' li poyanam.

Éxodo 16:10

Toj yo ajwi' chi raatinankil chixjunileb' laj Israel, naq ke'ilok sa' xjayal li chaqich'och', ut k'utaamil chiruheb' sa' choql li xnimal xloq'al li Qaawa'.

Levítico 9:3

Ye reheb' laj Israel naq xchapaqeb' jun chib'aat cho'q mayej chirix li maak, jun saaj wakax ut jun karneer aj junq chihab' xyu'ameb' ut maak'a'aqeb' reek', re naq te'yeechi'imanq cho'q k'atb'il mayej.

Levítico 9:5

Eb' laj Israel ke'xk'am toj chiru li Loq'laj Muheb'aal li k'aru kixpatz' laj Moisés ut chixjunil li komonil ke'nach'ok aran ut ke'wank chi xaqxo chiru li Qaawa'.

Levítico 3:1

“Wi ani tixchap chaq sa' xyanqeb' li xketomq junaq ixqi wakax malaj ut teelom wakax re xyeechi'inkil chiru li Qaawa' jun li mayej re k'amok ib' sa' usilal rik'in li Yos, li xul taayeechi'imanq tento naq maak'a'aq reek'.

Ezequiel 43:27

A'in taa'uxmanq chiru wuqub' kutan, ut chalen chik sa' xwaqxaq li kutan, eb' laj tij te'xtikib' xyeechi'inkil li k'atb'il mayej sa' xb'een li artal jo' ajwi' te'mayejaq chirix li k'amok ib' sa' usilal. Ut laa'in tink'ul leemayej chi anchal linch'ool”, chan li Qaawa'.