Levítico 8:4 - Q'eqchi Bible

⁴ Laj Moisés kixb'aanu li kiyehe'k re xb'aan li Qaawa', ut li komonil ke'ch'utlaak sa' rokeb'aal li Loq'laj Muheb'aal.

Li Santil hu

⁴ Ut laj Moisés quixba̱nu joꞌ quiyeheꞌ re xban li Dios. Quixchꞌutubeb li tenamit saꞌ li oqueba̱l re li tabernáculo.

Levítico 8:4 ပူးပေါင်းရင်းမြစ်များ

1 Corintios 15:3

Xb'een xb'een xinnumsi cheru li k'aru xink'ul ajwi' laa'in: naq li Kriist kikamk xb'aan li qamaak, jo' ak yeeb'il chaq resil chi junxilaj xb'aan li Santil Hu;

1 Corintios 11:23

Xb'aan naq li xink'ul laa'in rik'in li Qaawa', a'an ajwi' li xink'ut cheru: naq li Qaawa' Jesus, chiru li q'oqyink yo wi' chi q'axtesiik, kixchap li wa,

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Deuteronomio 12:32

“Chepaab' ut chek'anjela ru li xexintaqla wi' chi maak'a' teetiq ru chi moko teerisi.

Levítico 8:35

Jo'kan naq laa'ex tento texkanaaq chi kutan ut chiru li q'oqyink sa' rokeb'aal li Loq'laj Muheb'aal, chiru wuqub' kutan. Teepaab' li xchaq'rab' li Qaawa' ut ink'a' texkamq, xb'aan naq a'an a'in linchaq'rab'inkil”.

Levítico 8:29

Toja' naq laj Moisés kixxok li re xmaqab' li karneer ut kixninq'ehi chiru li Qaawa' li ok cho'q aj tij. Li xcha'al li karneer li ki'oksimank re ok cho'q aj tij, a'an li kitz'aqk laj Moisés, jo' chanru kiyehe'k re xb'aan li Qaawa'.

Levítico 8:17

Ab'an li rela' li saaj wakax, naraj naxye, li xtz'uumal, xtib'el ut li natz'eqmank, kixk'ateb' chirix li xmuheb'aaleb' li tenamit, jo' chanru kiyehe'k re xb'aan li Qaawa'.

Levítico 8:13

Kixb'oqeb' li ralal xk'ajol laj Aharón ut kixtiqib'eb' rik'in jut-aq', kixb'ak' chi kaw li xk'aamal xsaheb' ut kixk'e xlanb'al xjolomeb', jo' chanru kiyehe'k re xb'aan li Qaawa'.

Levítico 8:9

Kixk'e li xlanb'al xjolom, ut sa' xb'een a'an chi xpeekem kixlochob' jun perel yiib'anb'il rik'in oor, a' li loq'laj reetalil li xk'anjel, jo' chanru kiyehe'k re xb'aan li Qaawa'.

Éxodo 39:29

jo'kan ajwi' li xk'aamal xsa'eb' pikb'ileb' ru rik'in b'aqb'il liin li jwal chaab'il, rik'in kaqinoq' ut moraad, kaqjorinkil noq', jo' tz'aqal kitaqlaak wi' laj Moisés xb'aan li Qaawa'.

Éxodo 39:26

jun ch'ina kanpaan ut jun granaad, jun chik ch'ina kanpaan ut jun granaad. Jo'kan ke'xb'aanu taq'a, sa' chixjunil li re li t'ikr li na'oksimank re xb'aanunkil li loq'laj k'anjel, jo' tz'aqal kitaqlaak wi' laj Moisés xb'aan li Qaawa'.

Éxodo 39:21

Chirix chik a'an ke'xb'ak' x'argoyil li pektoral chiru x'argoyil li efod rik'in jun k'aam kaqmoqin xb'onol, re naq li pektoral tkanaaq sa' xb'een xk'aamal li efod ut ink'a' taa'elq chiru, jo' tz'aqal kitaqlaak wi' laj Moisés xb'aan li Qaawa'.

Éxodo 39:7

Chirix chik a'an laj Besalel kixk'eheb' sa' xb'een xteleb' li efod, jo'aqeb' li pek taajultiko'q wi' re li Qaawa' eb' li ralal xk'ajol laj Israel, kama' kichaq'rab'iik wi' laj Moisés xb'aan li Qaawa'.

Éxodo 39:5

Juntaq'eet rik'in li efod li xyiib'ankil li k'aam najit'e'k wi' li efod, junelikaj ru chixjunil: yiib'anb'il rik'in oor, kaqinoq' ut moraad, kaqjorinkil noq' ut b'aqb'il liin li jwal chaab'il, jo' kitaqlaak wi' laj Moisés xb'aan li Qaawa'.

Éxodo 39:1

Rik'in kaqinoq' ut moraad, rik'in kaqjorinkil noq' ut chaab'il liin ke'xyiib' li raq'eb' laj tij li te'raq'u naq te'k'anjelaq sa' li Loq'laj Na'ajej. Ke'xyiib' ajwi' li xloq'laj aq' laj Aharón, jo' kitaqlaak wi' laj Moisés xb'aan li Qaawa'.

Levítico 8:3

ut taach'utub'eb' chixjunil li komonil sa' rokeb'aal li Loq'laj Muheb'aal”.

Levítico 8:5

Toja' naq laj Moisés kixye re li komonil: “A'an a'in li xye li Qaawa' naq taab'aanumanq”.