Levítico 8:30 - Q'eqchi Bible

³⁰ Laj Moisés kixchap ajwi' kach'in li aseeyt re yuluk ut li kik' li wank sa' xb'een li artal, ut kixrachrachi sa' xb'eeneb' laj Aharón ut eb' li ralal xk'ajol, jo' ajwi' sa' xb'een li raq'eb' jo' aj tij. Kama'an naq kirosob'tesiheb' laj Aharón jo'wi' eb' li ralal xk'ajol, ut li raq'eb' jo' aj tij.

Li Santil hu

³⁰ Chirix aꞌan laj Moisés quixchap caꞌchꞌin li quicꞌ li cuan saꞌ li artal ut quixchap ajcuiꞌ caꞌchꞌin li aceite ut quixrachrachi saꞌ xbe̱n laj Aarón ut chiru li rakꞌ. Quixrachrachi ajcuiꞌ saꞌ xbe̱neb li ralal ut chiru li rakꞌeb. Joꞌcaꞌin nak quixkꞌaxtesi re li Ka̱cuaꞌ laj Aarón ut eb li ralal ut quixkꞌaxtesi re li Ka̱cuaꞌ li rakꞌeb.

Levítico 8:30 ပူးပေါင်းရင်းမြစ်များ

Números 3:3

A'an a'in li xk'ab'a'eb' li ralal xk'ajol laj Aharón li sik'b'ileb' ru ut xaqab'anb'ileb' chi k'anjelak cho'q aj tij.

Éxodo 30:30

“Taayul ajwi' laj Aharón rochb'eeneb' li ralal ut taaq'axtesiheb' we chi k'anjelak cho'q aj tij chiwu.

Éxodo 29:21

Chirix chik a'an taaxok b'ayaq li kik' li wank sa' xb'een li artal jo' ajwi' aseeyt re yuluk, ut taarachrachi sa' xb'een laj Aharón ut sa' xb'een li raq', rochb'eeneb' li ralal xk'ajol ut li raq'eb'. Chi jo'kan q'axtesinb'ilaq we li ralal ut li raq'eb'.

Apocalipsis 7:14

Kinchaq'ok chiru: “Wa', laa'at nakatnawok re”, chankin re. Ut a'an kixye: “A'aneb' a'in li xe'chalk chaq sa' li xnimal rahilal; xe'xpuch' li raq'eb' ut xe'xsaqob'resi sa' li xkik'el li Karneer.

1 Juan 2:27

Ab'an toj wank eerik'in li Santil Musiq'ej li xexxsantob'resi wi' li Jesus ut ink'a' na'ajmank ru naq ani taatzoloq eere, xb'aan naq li Musiq'ej li santob'resinb'ilex wi', a'an natzolok eere chirix chixjunil, ut a'an yaal, maawa' tik'ti'. Jo'kan naq wanqex junelik rik'in li Jesus jo' chanru tzolb'ilex wi' xb'aan.

1 Pedro 1:2

jo' ki'alaak chaq sa' xch'ool li Yos Yuwa'b'ej, rik'in li santob'resink naxb'aanu li Musiq'ej, re xpaab'ankil li Jesukriist ut re xk'ulb'al leech'ajob'resinkil rik'in li xkik'el. Chiwanq taxaq eerik'in li usilal ut li tuqtuukilal chi numtajenaq.

Hebreos 2:11

Xb'aan naq laj santob'resinel ut eb' li santob'resinb'ileb' jun ajwi' li xYuwa'eb'. Jo'kan naq li Jesus ink'a' naxutaanak chi xyeeb'al was wiitz'in reheb',

Isaías 61:3

Ut laa'in tento tink'e xkorooneb' laj Sión li ra wankeb', ruuchil li cha; tinhoy li sununkil b'an sa' xb'eeneb', jo' ruuchil li tz'uyink; tento teb'intiqib' rik'in chaab'il aq'ej, jo' ruuchil li rahil ch'oolej. “Xche'el li tiikilal” chik te'xk'ab'a'in, awb'ileb' xb'aan li Qaawa' re xk'utb'al li xloq'al.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Levítico 10:3

Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

Éxodo 28:2

Taayiib' chi chaab'il li raq' laj Aharón laawas, re naq chik'utunq li xloq'al ut li xwankilal.

Levítico 7:36

Li Qaawa' kixye naq taak'eemanq reheb' a'in, chalen sa' li kutan kixxaqab'eb' wi' cho'q aj tij. A'in kixchaq'rab'i wi' eb' laj Israel, jo' jun chaq'rab' teneb'anb'il sa' xb'eeneb' chi junelik.

Levítico 7:35

Sa' xyanqeb' li mayej nayeechi'imank sa' xk'ab'a' li Qaawa', a'an a'in li xk'ihal re laj Aharón ut eb' li ralal xk'ajol, chalen sa' li kutan naq li Qaawa' kixxaqab'eb' cho'q aj tij chiru.

Levítico 8:12

Chirix chik a'an laj Moisés kixhoy sa' xb'een xjolom laj Aharón li aseeyt re osob'tesink, kixyul ut kixxaqab' cho'q aj tij.