Levítico 8:14 - Q'eqchi Bible

¹⁴ Toja' naq laj Moisés kixtaqla xk'amb'al chaq li saaj wakax li namayejamank chirix li maak, ut laj Aharón rochb'eeneb' li ralal xk'ajol ke'xk'e li ruq'eb' sa' xb'een xjolom li saaj wakax.

Li Santil hu

¹⁴ Chirix aꞌan laj Moisés quixcꞌam chak li toro li toj sa̱j li ta̱mayeja̱k re xtzꞌa̱manquil xcuybal lix ma̱queb. Ut laj Aarón ut eb li ralal queꞌxqꞌue li rukꞌ saꞌ xjolom li xul.

Levítico 8:14 ပူးပေါင်းရင်းမြစ်များ

Ezequiel 43:19

Eb' laj Leví, ralal xk'ajoleb' laj Sadok, li neke'nach'ok wik'in chi k'anjelak chiwu, taak'e junaq saaj wakax cho'q xmayejeb' chirix li maak -chan li Qaawa'-.

1 Pedro 3:18

Xb'aan naq li Kriist, jun wa ajwi' kikamk re xtojb'al rix li maak, li tiik xch'ool chirixeb' li ink'a' tiikeb' xch'ool, re qak'amb'al rik'in li Yos. Li Kriist kikamsiik sa' li xjunxaqalil, ab'an kiyoob'tesiik sa' musiq'ejil yu'am.

2 Corintios 5:21

Li Kriist ink'a' xnawom ru li maak, ut A'an kik'ehe'k cho'q maak xb'aan li Yos sa' qak'ab'a', re naq sa' xk'ab'a' li Kriist toowanq sa' li tiikil ch'oolej nachalk rik'in li Yos.

Romanos 8:3

Naraj naxye, li k'aru ch'a'aj xb'aanunkil chiru xChaq'rab' laj Moisés xb'aan naq na'aaleek li tz'ejwalej, a'an li ki'uxk xb'aan li Yos: kixtaqla chaq li Ralal jo' qech winqilal na'aaleek, ut a'an kixk'am qach'och'el qasululel, re risinkil li maak. Chi jo'kan li Yos kixraq aatin sa' xb'een li maak

Isaías 53:10

Li Qaawa' xraj xrahob'tesinkil ut xtawasinkil rik'in rahilal, ut laj k'anjel tiik xch'ool xmayeja rib' re xtojb'al rix li maak. Jo'kan naq taanajto'q roq li xyu'am, toxrileb' li ralal xk'ajol ut sa' xk'ab'a' A'an taatz'aqloq ru li rajom li Yos.

Salmos 66:15

Tinyeechi'i aawe naab'al li kames ch'oolaninb'ileb' chi us, rochb'een xb'ook li k'atb'il karneer; tinmayeja chawu eb' li b'ooyx ut li teelom chib'aat.

Levítico 16:21

tixk'e li ruq' sa' xb'een xjolom li xul ut tixxooto chixjunil li xmaakeb' laj Israel, chixjunil li xyib'aleb' ru xna'leb' ut li xnimob'resinkil rib'eb'. Chi jo'kan tixk'eheb' li maak sa' xb'een xjolom li chib'aat, ut tixxaqab' jun poyanam re xk'amb'al ut xkoq'b'al sa' li chaqich'och'.

Levítico 16:6

Toja' naq tixyeechi'i li saaj wakax jo' tz'aqal xmayej chirix li maak, re naq taakuye'q xmaak jo'wi' xmaakeb' li xjunkab'al.

Levítico 8:2

“B'oq chaq laj Aharón ut eb' li ralal xk'ajol, ut k'am chaq li t'ikr li neke'roksi eb' laj tij, li aseeyt re osob'tesink, junaq saaj wakax li namayejamank chirix li maak, li wiib' chi karneer ut li xchakachil li kaxlan wa maak'a' xyu,

Levítico 1:4

ut tixk'e ajwi' li ruq' sa' xb'een xjolom li xul. Chi jo'kan li xul k'ulb'ilaq xb'aan li Qaawa' re naq kuyb'il sachb'ilaq li xmaak li ani xyeechi'ink re.

Levítico 4:15

b'arwi' eb' li xcheekelal li komonil te'xk'e li ruq' sa' xb'een li xjolom li ch'ina wakax, li wank chiru li Qaawa', ut aran ajwi' te'xyok' li xkux.

Números 8:12

Eb' laj Leví te'xk'e li ruq'eb' sa' xb'een xjolomeb' li wakax, ut laa'at taamayeja li jun chirix li kuyuk maak ut li jun chik taamayeja chi k'atb'il re xsachb'al li xmaakeb' laj Leví chiru li Qaawa'.

Ezequiel 43:20

Chirix chik a'an taaxok kach'inaq li kik' ut taakirkisi chiruheb' li xukub', sa' xkaaxukuutil li xmeexul li artal jo' ajwi' chiru li xb'oolil. Chi jo'kan taach'ajob'resi chixjunil li artal chirix li maak.

Ezequiel 44:27

Sa' li kutan naq te'ok wi' chik chiru li neb'aal wank chisa', re xb'aanunkil li xk'anjeleb', tento te'mayejaq chirix li maak. Laa'in, li Qaawa', xinyehok re a'in.