Levítico 7:37 - Q'eqchi Bible

³⁷ A'an a'in li chaq'rab' chirix li k'atb'il mayej, li mayej k'aj, li mayej chirix li maak ut li xtojb'al rix li maak, li mayej re ok cho'q aj tij ut li mayej re k'amok ib' sa' usilal.

Li Santil hu

³⁷ Aꞌan aꞌin li chakꞌrab chirix li cꞌatbil mayej, li mayej cꞌaj, li mayej re xtojbal rix lix ma̱queb, li mayej re xtzꞌa̱manquil xcuybal nak nequeꞌxkꞌet junak reheb li chakꞌrab ut li mayej re xkꞌaxtesinquileb laj tij chi cꞌanjelac chiru li Ka̱cuaꞌ, joꞌ ajcuiꞌ li mayej re xcꞌambal ribeb saꞌ usilal riqꞌuin li Ka̱cuaꞌ.

Levítico 7:37 ပူးပေါင်းရင်းမြစ်များ

Éxodo 29:1

“Jo'ka'in taab'aanu rik'ineb' naq taaq'axtesiheb' we cho'q aj tij. Taachap jun ch'ina wakax ut wiib' karneer chi maak'a' reek'eb'.

Levítico 6:20

“A'an a'in li mayej te'xq'axtesi laj Aharón ut eb' li ralal xk'ajol chiru li Qaawa', naq te'osob'tesiiq cho'q aj tij: te'xk'e cho'q mayej k'aj kaahib' liib'r li xchaq'alil ru k'aj triiw. Ut te'xq'axtesi jun yiijach eq'la ut li jun yiijach chik te'xq'axtesi ewu. Tento te'xb'aanu a'in rajlal kutan.

Levítico 1:1

Li Qaawa' kixb'oq laj Moisés sa' li Loq'laj Muheb'aal, ut kixye re chi jo'ka'in:

Éxodo 29:22

“Toja' naq taachap xxeeb'ul li karneer a'in: li xye, li xeeb' li wank chirix li xk'amk'ot, li wank chi xk'atq li xsaaseb', xkab'ichaleb' li xkenq' ut li xeeb' li wank chirixeb', jo' ajwi' li ra' li wank sa' xnim, xb'aan naq a'an mayejanb'il karneer sa' xk'ab'a' li rokikeb' cho'q aj tij.

Levítico 5:7

“Wi ink'a' tz'aqal xtumin re xloq'b'al junaq ch'ina karneer, tento tixk'am chiru li Qaawa' wiib'aq mukuy malaj ut wiib'aq k'ook'ob' re xtz'aamankil xkuyb'al li xmaak. Jun tixk'e re xtojb'al rix li xmaak ut li jun chik cho'q xk'atb'il mayej.

Levítico 8:22

Chirix chik a'an laj Moisés kixye naq che'xk'am chaq li karneer jun chik, a' li taak'anjelaq re ok cho'q aj tij, ut laj Aharón rochb'eeneb' li ralal xk'ajol ke'xk'e li ruq'eb' sa' xb'een xjolom.

Levítico 8:23

Toja' naq laj Moisés kixset chi xkux, kixxok kach'in li xkik'el ut kixyul chi rub'el xxik laj Aharón, a' li wank sa' xseeb'al, kixyul ajwi' chiru xna' ru'uj ruq' ut chiru li xna' ru'uj roq, a' li wank sa' xseeb'al.