Levítico 7:36 - Q'eqchi Bible

³⁶ Li Qaawa' kixye naq taak'eemanq reheb' a'in, chalen sa' li kutan kixxaqab'eb' wi' cho'q aj tij. A'in kixchaq'rab'i wi' eb' laj Israel, jo' jun chaq'rab' teneb'anb'il sa' xb'eeneb' chi junelik.

Li Santil hu

³⁶ Saꞌ li cutan nak li Ka̱cuaꞌ quixsiqꞌueb ru chi cꞌanjelac chokꞌ aj tij, li Ka̱cuaꞌ quixye nak eb laj Israel junelic teꞌxqꞌue li tib aꞌan reheb laj tij.

Levítico 7:36 ပူးပေါင်းရင်းမြစ်များ

Levítico 8:12

Chirix chik a'an laj Moisés kixhoy sa' xb'een xjolom laj Aharón li aseeyt re osob'tesink, kixyul ut kixxaqab' cho'q aj tij.

Levítico 8:30

Laj Moisés kixchap ajwi' kach'in li aseeyt re yuluk ut li kik' li wank sa' xb'een li artal, ut kixrachrachi sa' xb'eeneb' laj Aharón ut eb' li ralal xk'ajol, jo' ajwi' sa' xb'een li raq'eb' jo' aj tij. Kama'an naq kirosob'tesiheb' laj Aharón jo'wi' eb' li ralal xk'ajol, ut li raq'eb' jo' aj tij.

Levítico 3:17

“A'an a'in jun chaq'rab' twanq chi junajwa cho'q reheb' li jar teep chi tenamit chaalel, yalaq b'ar wanqeb': ink'a' taatzekamanq li xeeb' chi moko li kik'”.

1 Samuel 2:28

Sa' xyanqeb' chixjunileb' li xteepal laj Israel kinsik' ru laajunkab'al, re naq a'anaqeb' aj tij chiwu, re te'mayejaq sa' xb'een lin'artal, jo'wi' te'k'atoq pom ut te'xk'am li efod chiwu. Kink'e ajwi' reheb' laaxe'toonil yuwa' naq te'tz'aq sa' chixjunileb' li xmayejeb' laj Israel.

Éxodo 27:21

Laj Aharón rochb'eeneb' li ralal te'iloq re chiru li Qaawa', sa' xMuheb'aal li ch'utam, junpak'al li t'ilkem li wank chi xk'atq li xLoq'laj Kaaxil li Sumwank, chalen ewu toj eq'la. A'in jun chaq'rab' xaqxooq xwankil chi junelik cho'q reheb' li ralal xk'ajol laj Israel.