Levítico 7:30 - Q'eqchi Bible

³⁰ Rik'in ruq' tento tixk'am toj chiru li Qaawa' li k'atb'il mayej, li xmaqab' jo'wi' li xeeb' li lanlo wi' xmaqab' li xul, re xninq'ehinkil li xq'axtesinkil, chiru li Qaawa'.

Li Santil hu

³⁰ Nak tixcꞌam lix mayej li ta̱cꞌatma̱nk, riqꞌuin rukꞌ aꞌan tixtaksi li xe̱b ut li re xchꞌo̱l li xul chiru li artal re xkꞌaxtesinquil chiru li Ka̱cuaꞌ.

Levítico 7:30 ပူးပေါင်းရင်းမြစ်များ

Números 6:20

Toja' naq laj tij tixtaqsi sa' ruq' chixjunil a'an, chiru li Qaawa'. A'an jun li loq'laj mayej, taakanaaq cho'q re laj tij, rochb'een li re xch'ool li mayej ut li ra' jun chik. Chirix chik a'an laj nasireo truuq taa'uk'aq b'iin.

Levítico 3:14

“Ani tixyeechi'i li xul, naru tixchap chaq ut tixq'axtesi, jo' k'atb'il mayej sa' xk'ab'a' li Qaawa', chixjunil li xxeeb'ul li k'amk'ot,

Levítico 3:9

“Ani tixyeechi'i li xul cho'q mayej re k'amok ib' sa' usilal rik'in li Yos, tento tixq'axtesi chiru li Qaawa', jo' k'atb'il mayej, li xeeb', chixjunil li xye, li xxeeb'ul li xk'amk'ot,

2 Corintios 8:12

Xb'aan naq wi wank k'aru na'alaak sa' xch'ool anihaq, a'an k'ulb'il chi chaab'il xb'aan li Yos sa' xk'ab'a' li jo'ch'inal jo'nimal wank re; ink'a' napatz'mank li maak'a' wank re.

San Juan 10:18

Maa'ani namaq'ok chiwu linyu'am, laa'in b'an nink'ehok re, xb'aan naq jo'kan x'alaak sa' inch'ool. Wank inwankil chi xq'axtesinkil linyu'am ut wank inwankil chi xk'ulb'al wi' chik. A'an a'in lintaqlankil xink'ul rik'in linYuwa'”.

Salmos 110:3

Aawe li nimajwal wankilal chalen chaq sa' xkutankil laayo'lajik. Sa' li loq'laj muheb'aal, naq toj maji' nahik'e'k, xatinyoob'tesi.

Levítico 9:21

Tikto rik'in li re xmaqab' ut li ra' li wank sa' xseeb'al, kixninq'ehi chiru li Qaawa' li q'axtesink mayej, jo' chanru yeeb'il chaq re laj Moisés xb'aan li Qaawa'.

Levítico 8:27

Chirix a'an kixk'e chixjunil a'in sa' ruq' laj Aharón ut sa' ruq'eb' li ralal xk'ajol, re naq te'xninq'ehi chiru li Qaawa' li xq'axtesinkileb'.

Levítico 8:29

Toja' naq laj Moisés kixxok li re xmaqab' li karneer ut kixninq'ehi chiru li Qaawa' li ok cho'q aj tij. Li xcha'al li karneer li ki'oksimank re ok cho'q aj tij, a'an li kitz'aqk laj Moisés, jo' chanru kiyehe'k re xb'aan li Qaawa'.

Levítico 10:14

Ut li re xmaqab', li chaab'il mayej, ut li ra' (a'an li tenq'aal) tento naq teetzeka sa' junaq saab'esinb'il na'ajej, laa'at ut eb' laawalal aak'ajol malaj laarab'in, xb'aan naq a'an li textz'aq xkomon li mayej re k'amok ib' sa' usilal, xmayejeb' laj Israel.

Números 8:11

Toja' naq laj Aharón tixq'axtesiheb' laj Leví chiru li Qaawa' cho'q xmayejeb' laj Israel. Chi jo'kan eb' laj Leví q'axtesinb'ilaqeb' chi k'anjelak chiru li Qaawa'.

Levítico 9:20

ke'xk'e li xeeb' rochb'een li re xmaqab'. Toja' naq laj Aharón kixk'at li xeeb' sa' xb'een li artal.

Levítico 10:15

Li ra', a' li tenq'aal, ut li re xmaqab', li chaab'il mayej, taak'ame'q chiru li Qaawa' ut taaq'axtesimanq jo' chaab'il mayej, rochb'een li xeeb' li nayeechi'imank chi k'ate'k. A'an a'in tattz'aq chi junelik, laa'at ut eb' laawalal aak'ajol, jo' xchaq'rab'ihom li Qaawa'.

Deuteronomio 18:3

“A'anaq a'in li xk'ulub'eb' laj tij chirixeb' li mayejanb'il wakax malaj karneer yeechi'inb'ileb' xb'aan li tenamit: taak'eemanq reheb' laj tij li xb'een xtel, li xkalam re ut li xpuj.