Levítico 7:21 - Q'eqchi Bible

²¹ “Wi junaq poyanam tixch'e' k'a'aq re ru muxb'il (a' yaal k'aru xtz'ajnil poyanam malaj xtz'ajnil xul, malaj k'a'aq chik re ru ink'a' us) ut chirix a'an tixtzeka xtib'el li mayej re k'amok ib' sa' usilal li ak q'axtesinb'il re li Qaawa', li poyanam a'an tento taa'isiiq sa' li xtenamit”.

Li Santil hu

²¹ Cui ani tixmux rib riqꞌuin xchꞌeꞌbal li muxbil ru, usta cristian usta xul li tixchꞌeꞌ, ut tixtzaca li tib li mayejanbil re xcꞌambal rib saꞌ usilal riqꞌuin li Dios, li jun aꞌan ta̱isi̱k saꞌ xya̱nkeb li rech aj Israelil.

Levítico 7:21 ပူးပေါင်းရင်းမြစ်များ

Ezequiel 4:14

Ut laa'in kinye: “At Qaawa', at inYos, maajun wa inmuxum wib' chiru linyu'am toj anaqwan; maajun sut intzekahom li xtib'el li xul yal nakamk malaj kamsinb'il xb'aan junaq josq' aj xul, ut maajun wa xintzeka li muxb'il tzekemq”, chankin.

Levítico 12:1

Li Qaawa' kiraatina laj Moisés ut kixye re:

Levítico 11:20

“Chixjunileb' li kok' utz' li wankeb' xxik' ut kaahib'eb' li roq, tz'eqtaananb'ilaqeb' eeb'aan.

Deuteronomio 14:10

Ab'an ink'a' teetiw li maak'a'eb' xxik' ut xsol rixeb': a'anaq tz'ajn aj xul cho'q eere.

Deuteronomio 14:3

“Maatzeka li k'aru tz'eqtaananb'il xb'aan li Qaawa'.

Levítico 22:4

“Maajun reheb' li ralal xk'ajol laj Aharón taaruuq chi xtzekankil li loq'laj mayej wi wank li yajel saqlep chirix malaj ut naxya'ali rib' li xtz'ejwal, toj b'an tixch'ajob'resi rib'. “Ani taach'e'oq re k'a'aq re ru muxb'il ru yal sa' xk'ab'a' junaq kamenaq malaj tixch'e' junaq li naxya'ali rib' li xtz'ejwal,

Levítico 18:29

Ani taab'aanunq re yalaq k'aru chi yib' aj na'leb' xkomon a'in, taa'isimanq sa' xyanqeb' li rech tenamitul.

Levítico 17:14

xb'aan naq chixjunil li wank xyu'am yo'yo sa' xk'ab'a' li kik'. Jo'kan naq xinye eere naq ink'a' teetzeka li kik', xb'aan naq a'an li xyu'ameb' chixjunileb' li yo'yookeb', ut yalaq ani taatzekanq re, tento taa'isiiq sa' xyanqeb' laj Israel.

Levítico 17:10

“Laa'in tinjosq'o'q rik'in chixjunileb' laj Israel malaj aj ab'l tenamit li wanqeb' sa' eeyanq wi te'tzekanq kik' a' yaal chanru. Laa'in te'wisi sa' xyanqeb' li rech tenamitul.

Levítico 7:27

Li poyanam li taatzekanq yalaq k'aru chi kik'ul, taa'isimanq sa' xyanqeb' li rech tenamitul”.

Levítico 7:25

“Yalaq ani taatzekanq re li xxeeb'ul li xul taayeechi'imanq chiru li Qaawa' cho'q k'atb'il mayej, taa'isiiq sa' li xtenamit.

Levítico 7:20

“Ab'anan wi junaq poyanam xmuxum rib' ut tixtzeka xtib'el li mayej re li k'amok ib' sa' usilal li ak q'axtesinb'il chiru li Qaawa', li poyanam a'an taa'isiiq sa' li xtenamit.

Éxodo 12:19

Chiru wuqub' kutan ink'a' taawanq sa' leerochoch li nasipob'resink re li wa: chixjunileb' laj ab'l tenamit malaj yo'lajenaqeb' sa' eeyanq li te'wa'oq k'a'aq re ru wanq xyu, te'sache'q sa' xkomonileb' laj Israel.

Éxodo 12:15

“Chiru wuqub' kutan texwa'oq wa ink'a' yuub'il. Chalen li xb'een kutan isinb'ilaq sa' leerochoch li nasipob'resink re li wa. Yalaq ani taawa'oq wa yuub'il, chalen sa' li xb'een kutan toj sa' li xwuq, taasache'q sa' xyanqeb' laj Israel.

Génesis 17:14

Li ink'a' tixk'ul li sirkunsisyon, a' li teelom li ink'a' taasete'q xtz'uumal li xtz'ejwal, a'an taa'isiiq sa' xyanqeb' li xkomon xb'aan naq xq'et li qaSumwank”.

Levítico 7:22

Li Qaawa' kiraatina laj Moisés ut kixye re:

Levítico 22:3

“Ye reheb' naq, chalen anaqwan ut chi junelik, wi muxb'il ru junaq reheb' leeralal eek'ajol naq taa'ok chi xk'eeb'al li loq'laj mayej neke'xq'axtesi we eb' laj Israel, laj tij a'an tento taa'isiiq chiwu. Laa'in li Qaawa'.

Números 19:22

Ut chixjunil li taach'e'eq xb'aan junaq muxb'il ru, muxb'ilaq chik ru taakanaaq; ut li ani taach'e'oq re li muxb'il ru, muxb'ilaq ru chalen toj ewu”.

1 Samuel 20:26

Sa' li kutan a'an maak'a' kixye laj Saúl, xb'aan naq kixk'oxla: “Mare wank k'aru xk'ulum laj David. Mare muxb'il ru ut maji' naxch'ajob'resi rib'”.

Levítico 19:8

li ani taatzekanq re, taariiqani li xmaak ut taa'isiiq sa' xyanqeb' li rech tenamitul sa' xk'ab'a' xmuxb'al li q'axtesinb'il chiru li Qaawa'.

Levítico 20:3

Laa'in tinjosq'o'q sa' xb'een li winq a'an ut twisi sa' xyanqeb' li rech tenamitul, xb'aan naq xmux linLoq'laj Na'ajej ut xtz'eqtaana linsantil k'ab'a' rik'in xq'axtesinkil li ralal re laj Molok.

Levítico 23:29

Yalaq ani ink'a' taa'ayuuniq sa' li kutan a'an, taa'isiiq sa' xyanqeb' li rech tenamitul.

Ezequiel 33:25

Jo'kan naq ye reheb' chi jo'ka'in: «Jo'ka'in xye li Qaawa': Laa'ex nekextiwok tib' rech xikik xkik'el, nekeloq'oni ruheb' li jalanil yos, nekekamsi leeras eeriitz'in. Ma naru tab'i' teereechani li na'ajej a'in?