Levítico 7:18 - Q'eqchi Bible

¹⁸ Ut wi ani tixtzeka sa' rox li kutan xtib'el li mayej re k'amok ib' sa' usilal, li mayej a'an ink'a' k'ulb'ilaq chi moko k'eeb'ilaq sa' ajl, ut li tib' a'an tz'eqtaananb'ilaq chi junajwa. Ani taatzekanq re, taakanaaq li maak sa' xb'een.

Li Santil hu

¹⁸ Incꞌaꞌ naru xtzacanquil li tib li ac oxib cutan xmayejanquil. Cui natzaca̱c, li mayej aꞌan incꞌaꞌ ta̱cꞌulekꞌ. Ta̱tzꞌekta̱na̱k xban li Dios. Ut li ani ta̱tzaca̱nk re cua̱nk xma̱c chiru li Dios.

Levítico 7:18 ပူးပေါင်းရင်းမြစ်များ

Números 18:27

A'anaq leemayej, chanchan li neke'xk'e eb' laj Israel sa' xq'ehil li triiw ut li uub'.

Levítico 22:25

Chi moko teek'ul chiru junaq aj ab'l tenamit eb' li xul a'in jo' tzekemq cho'q re leeYos, xb'aan naq wankeb' xyajel ut ink'a' te'k'ulmanq eeb'aan”.

Levítico 11:41

“Maajun xxulel li pim li naxjuku rib' chiru ch'och' teetzeka: a'an tz'eqtaananb'ilaq xul cho'q eere.

1 Pedro 2:24

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex.

Hebreos 9:28

Jo'kan ajwi' li Kriist: jun sut ajwi' kixmayeja rib' re riiqaninkil xmaakeb' li tenamit. Moqon tixk'utb'esi wi' chik rib', maawa' chik re kuyuk sachok maak, re b'an xkolb'aleb' li neke'oyb'enink re.

Romanos 4:11

laj Abrahán kixk'ul li sirkunsisyon jo' reetalil li xtiikilal xch'ool kixmaatani chaq xb'aan li xpaab'aal naq maji'aq xk'ulum li sirkunsisyon. Chi jo'kan a'an xyuwa' chixjunileb' laj paab'anel ink'a' uxb'ileb' wi' li sirkunsisyon, re naq eb' a'an ajwi' k'eeb'ilaqeb' sa' ajl sa' xyanqeb' li tiikeb' xch'ool.

San Lucas 16:15

Ut li Jesus kixye reheb': “Laa'ex tiik leech'ool chiruheb' li tenamit naq nekeb'aanu eerib'. Ab'an li Yos naxnaw leech'ool, xb'aan naq li k'aru wank xloq'al chiruheb' li winq, a'an tz'eqb'eetal chiru li Yos.

Malaquías 1:13

Laa'ex nekeye: «Tawajenaqo chi xb'aanunkil a'in!». Ut nikineetz'eqtaana. Ut toj nekek'oxla naq nasaho'k linch'ool rik'in leek'ulunik chi xmayejankil li elq'anb'il xul, malaj li wakax yeq roq malaj ut yaj.

Malaquías 1:10

Us rajan naq jun taxaq sa' eeyanq tixtz'ap li rokeb'aal li wochoch re naq ink'a' texk'atoq mayej sa' lin'artal chi maak'a' rajb'al! Xb'aan naq moko sa ta linch'ool cherix chi moko tink'ul chik leemayej.

Amós 5:22

Wi nekemayeja leek'atb'il xul ut leeyeechi'om, laa'in ink'a' tink'ul; chi moko nawulak chiwu naq nekemayeja leeninqi wakax chirix li k'amok ib' sa' usilal.

Oseas 8:13

Nawulak chiruheb' li mayejak: mayejaqeb' ut xtzekaaqeb' li tib' mayejanb'il! Ab'an laa'in li Qaawa' ink'a' sa inch'ool rik'ineb': jultik we li maa'usilal xe'xb'aanu, ut tinrahob'tesiheb' xb'aaneb' li maak xe'xb'aanu rik'in xtaqlankileb' wi' chik Ejiipt.

Ezequiel 18:20

Taakamq ka'ajwi' li ani xmaakob'k. Li alalb'ej ink'a' tixtoj rix li xmaak li xyuwa' chi moko li yuwa'b'ej tixtoj rix li xmaak li ralal. Li tiik ru xyu'am tixk'ul xq'ajkamunkil xb'aan xtiikilal li xch'ool, ut li ink'a' us xch'ool taakanaaq li xmaak sa' xb'een.

Jeremías 14:12

Us ta te'ayuuniq, ink'a' twab'i li xyaab' xkuxeb'. Us ta te'xq'axtesi we naab'al li k'atb'il mayej ut li xyeechi'omeb', ink'a' tink'ul chi sa sa' inch'ool, tinsach b'an ru li tenamit a'in rik'in q'esnal ch'iich', rik'in we'ej ut raxkamk”.

Jeremías 14:10

Jo'ka'in kixye li Qaawa' chirix li tenamit Israel: “Li tenamit a'in q'axal nawulak chiru xb'eeninkil rib' yalaq b'ar; ink'a' neke'hilank junpaataq. Jo'kan naq moko sa ta sa' inch'ool chirixeb'. Anaqwan ok we chi xjultikankil li xmaakeb' ut tink'eheb' chi xtojb'al rix a'an”.

Isaías 66:3

Ab'anan wankeb' li neke'mayejak teelom wakax, ut neke'xkamsi ajwi' junaq winq; neke'xxeq' junaq karneer, ut neke'xch'ot ajwi' xkux junaq tz'i'; neke'mayejak triiw, ut neke'xyeechi'i ajwi' xkik'el li aaq; neke'k'atok k'ajpom chiwu, ut neke'xloq'oni ajwi' li jalanil yos. Eb' li xe'sik'ok re li jo'maajo'il na'leb' a'in q'axal sa sa' xch'ooleb' chi xb'aanunkil chixjunil a'an.

Isaías 65:4

neke'k'ojlaak sa'eb' li muqleb'aal kamenaq ut neke'xnumsi li q'oqyink sa' muqmuukil na'ajej; neke'xtzeka xtib'el li aaq ut neke'xk'e sa' li xsek'eb' li ink'a' us xtzekankil.

Levítico 22:23

Cho'q mayej li yal taa'alaaq sa' aach'ool xk'eeb'al, truuq taayeechi'i junaq teelom wakax malaj junaq karneer li yeq roq; ab'an wi taayeechi'i a'an re xpaab'ankil junaq yeechi'inb'il aatin, moko taak'ulmanq ta chawu.

Levítico 22:16

chi moko te'xk'e chiriiqani li xmaa'usilaleb' sa' xk'ab'a' xtzekankil li k'a'aq re ru osob'tesinb'il. Laa'in li Qaawa', li ninsantob'resink reheb'”.

Levítico 20:19

“Maamux li ixq riitz'in laana' chi moko li ranab' laayuwa', xb'aan naq aawech'alaleb' ut chekab'ichal teeriiqani leemaa'usilal.

Levítico 20:17

“Wi junaq winq tixk'am cho'q rixaqil li ranab', xrab'in li xyuwa' malaj ut xko' li xna', ut yooqeb' chi xmuxb'al rib'eb', chi xkab'ichaleb' te'kamsiiq chiruheb' li rech tenamitul, xb'aan naq li xmuxb'al li anab'ej a'an jun tz'eqb'eetal aj na'leb': ani xb'aanunk re li maa'usilal a'an, taariiqani junelik li xmaak.

Levítico 17:16

Ab'anan wi ink'a' tixpuch' li raq' ut ink'a' taa'atinq, sa' xb'een taakanaaq li xmaa'usilal”.

Levítico 10:19

Kichaq'ok laj Aharón ut kixye: —K'e reetal, anaqwan eb' a'an xe'xq'axtesi chiru li Qaawa' li xmayejeb' chirix li maak ut li xk'atb'il mayejeb', ut laa'at nakanaw chi us k'aru ink'ulum chaq. Wi ta laa'in xintzeka li mayej chirix li maak sa' li kutan a'in, ma xsaho'k tab'i' sa' xch'ool li Qaawa'?

Levítico 10:17

—K'a'ut naq ink'a' xetzeka li mayej chirix li maak sa' junaq osob'tesinb'il na'ajej? Q'axal loq' li mayej a'an, ut li Qaawa' kixk'e eere re naq laa'ex tex'iiqaninq re xmaakeb' li komonil ut teetoj rix xmaakeb' chiru li Qaawa'.

Levítico 5:17

“Wi ani taamaakob'q rik'in xb'aanunkil k'a'aq re ru ramro xb'aan xchaq'rab' li Qaawa', us ta ink'a' tixk'e reetal, a'an wanq xmaak ut tento taariiqani li maak.

Levítico 7:19

“Wi wank k'aru natz'ajnink taanaq chiru li tib', ink'a' chik taaruuq xtzekankil; yal rehaq aj chik k'ate'k. “Chixjunileb' li ink'a' muxb'ileb', te'ruuq chi tiwok tib'.

Proverbios 15:8

Li Qaawa' xik' naril li xmayejeb' li ink'a' useb' xch'ool; ab'an naxk'ul chi anchal xch'ool li xtijeb' li chaab'ileb' xyu'am.

Levítico 19:5

“Naq teeq'axtesi re li Qaawa' leemayej re k'amok ib' sa' usilal, b'aanuhomaq jo' chanru tixk'ulub'an li Yos.