Levítico 7:14 - Q'eqchi Bible

¹⁴ Chisa' chixjunil li mayej, taa'isimanq kach'inaq ut taaq'axtesimanq chiru li Qaawa' jo' loq'laj yeechi'om, ut a'an rehaq chik laj tij li taarachoq xkik'el li mayej re k'amok ib' sa' usilal.

Li Santil hu

¹⁴ Tixqꞌue re li Ka̱cuaꞌ junju̱nk li caxlan cua. Li caxlan cua aꞌan re laj tij li ta̱rachok re lix quiqꞌuel li xul li ta̱mayeja̱k re xcꞌambaleb rib saꞌ usilal riqꞌuin li Dios.

Levítico 7:14 ပူးပေါင်းရင်းမြစ်များ

Números 18:19

Chixjunil li loq'laj mayej te'xyeechi'i we eb' laj Israel, tink'e aawe laa'at, eb' laawalal ut eb' laarab'in. A'an a'in jun chaq'rab' chi junajwa. A'an jun sumwank chi junelik li xink'ojob' rik'in atz'am aawik'in ut rik'ineb' laawalal aak'ajol”, chan li Qaawa'.

Números 31:41

Laj Moisés kixk'e re laj Elehasar laj tij li reechanihom li Qaawa', jo' chanru yeeb'il re xb'aan li Qaawa'.

Números 31:29

Taaq'axtesi re laj Elehasar li xyiijachil, cho'q mayej chiru li Qaawa'.

Levítico 6:26

Laj tij li taayeechi'inq mayej chirix li maak, naru tixtzeka b'ayaq re, ab'an tento tixtzeka chaq sa' junaq loq'laj na'ajej, chiru xneb'aalil li Loq'laj Muheb'aal.

1 Corintios 10:18

K'ehomaq reetal li tenamit Israel. Eb' li neke'tzekank re li namayejaak, ma ink'a' tab'i' neke'tz'aqonk rik'in li artal?

Deuteronomio 18:8

Li junwa'al tixtzeka, juntaq'eetaq rik'in li reheb' li xkomon, ink'a' k'eeb'il sa' ajl li tixk'ul rik'in xk'ayinkil li k'aru wank re.