Levítico 6:7 - Q'eqchi Bible

⁷ Toja' naq laj tij taamayejaq chiru li Qaawa' re xtojb'al rix li xmaak li poyanam a'an, ut li maak taakuye'q, a' yaal k'aru chi maakil xb'aanu”.

Li Santil hu

⁷ Ut laj tij tixcꞌat li mayej aꞌin re xtojbal rix lix ma̱c li ani quixba̱nu junak reheb li ma̱c aꞌin, ut ta̱cuyekꞌ xma̱c.

Levítico 6:7 ပူးပေါင်းရင်းမြစ်များ

Levítico 4:26

Tixk'at chixjunil li xeeb' sa' xb'een li artal, jo' tz'aqal nab'aanumank re li xeeb'ul li mayej re k'amok ib' sa' usilal rik'in li Yos. Chi jo'kan laj tij tixk'e li mayej re xtojb'al rix li xmaak laj jolominel ut taakuymanq li xmaak.

1 Juan 1:9

Ab'an wi naqaxooto li qamaak, li Yos chaab'il ut tiik xch'ool chi xkuyb'al xsachb'al qamaak ut chi qach'ajob'resinkil chiru chixjunil qamaa'usilal.

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.

San Mateo 12:31

“Jo'kan naq ninye eere: yalaq k'aru li maak ut majewank taakuymanq taasachmanq chiruheb' li winq, ab'an li xmajewankil li Musiq'ej ink'a' taakuymanq taasachmanq.

Miqueas 7:18

Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.

Ezequiel 33:19

Ut wi li ink'a' us xna'leb' tixkanab' xb'aanunkil li maak ut tixb'aanu chik li us ut li tiikilal, taawanq xyu'am sa' xk'ab'a' li us xb'aanu.

Isaías 1:18

“Kimqex ut aatinanqo -chan li Qaawa'-. Us ta kaqeb' leemaak kama' li kik' ut li kaqi b'on, ab'an saq chik te'kanaaq jo' li tuuxil isb' ut li ratz'amke.

Levítico 5:18

Tento tixchap junaq reheb' li xkarneer li maak'a'aq reek' (ut li xtz'aq laa'at tatb'iroq rix), ut tixk'am rik'in laj tij cho'q mayej chirix li maak, re naq chi jo'kan taawanq xkuyb'al xmaak li poyanam a'an, li xmaakob'k chi ink'a' rajom xch'ool, ut li xmaak taakuye'q.

Levítico 5:13

Chi jo'kan laj tij tixk'e li mayej re xtojb'al rix li xmaak li poyanam a'an, ut taakuye'q li xmaak. Ut li k'aru taa'ela'anq, taakanaaq cho'q re laj tij, jo' nab'aanumank rik'in li mayej k'aj”.

Levítico 5:10

Rik'in li xkab' xul tixb'aanu jun k'atb'il mayej, jo' chanru yeeb'il. Chi jo'kan laj tij tixk'e li mayej re xtojb'al rix li xmaak li poyanam a'an, ut taakuye'q li maak.

Levítico 4:31

Tento naq taarisi ajwi' chixjunil li xeeb', jo' tz'aqal na'isimank re li xul nayeechi'imank cho'q mayej re k'amok ib' sa' usilal rik'in li Yos, ut tixk'at sa' xb'een li artal jo' sununkil b'ook chiru li Qaawa'. Chi jo'kan laj tij tixk'e li mayej re xtojb'al rix li xmaak li poyanam a'an, ut taakuymanq li maak.

Levítico 4:20

naraj naxye, taab'aanumanq rik'in li ch'ina wakax a'in jo' tz'aqal nab'aanumank re li ch'ina wakax namayejaak chirix li maak. Chi jo'kan laj tij tixk'e li mayej re xtojb'al rix li xmaakeb' li tenamir ut taakuymanq li xmaakeb'.

Éxodo 34:7

Xaqxo linrahom chiru k'iila o'q'ob' chihab' ut ninkuy li maa'usilal, li q'etq'etil ut li maak; ab'an ink'a' ninkanab'eb' laj maak chi maak'a' ta xtojb'aleb' rix li xb'aanuhom, ut ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i”.

Levítico 6:8

Li Qaawa' kiraatina laj Moisés ut kixye re:

Levítico 7:2

Li xul nayeechi'imank chirix li maak tento naq setb'ilaq li xkux sa' li na'ajej b'arwi' neke'kamsiik li k'atb'il mayej, ut li xkik'el tento xrachrachinkil chi xsutam li artal.

Levítico 2:1

“Wi junaq tixk'am chaq xmayej k'aj chiru li Qaawa', tento tixk'am chaq li xchaq'alil ru k'aj triiw, tixk'e aseeyt ut pom sa' xb'een.