Levítico 6:27 - Q'eqchi Bible

²⁷ Yalaq k'aru taach'e'oq re xtib'el li xul taakanaaq chi osob'tesinb'il. Ut wi li aq'ej taanaq kik' chiru, tento taapuch'manq sa' junaq santil na'ajej.

Li Santil hu

²⁷ Cui li tib aꞌin ta̱nak saꞌ xbe̱n cꞌaꞌak re ru, santobresinbil chic ta̱cana̱k li cꞌaꞌak re ru ta̱nak cuiꞌ. Ut cui li quicꞌ ta̱nak chiru li rakꞌeb tento nak teꞌxpuchꞌ saꞌ junak naꞌajej santo.

Levítico 6:27 ပူးပေါင်းရင်းမြစ်များ

Éxodo 29:37

Chiru wuqub' kutan tatmayejaq chi kama'an sa' xb'een li artal ut taasantob'resi; chi jo'kan li artal taakanaaq chi q'axal loq': chixjunil li taach'e'oq re li artal, santob'resinb'ilaq chik a'an.

2 Corintios 7:11

Chek'e reetal k'aru xyoob' sa' eeyanq li xrahil eech'ool jo' naraj li Yos: k'ajo' k'oxlak chiwix! Ut moko ka'aj ta wi' a'an. K'ajo' xpatz'b'al xkuyb'al eemaak, k'ajo' eejosq'il chirix li ink'a' us, k'ajo' eexiw, k'ajo' eek'a'uxl, k'ajo' leerahom, k'ajo' li xrahob'tesinkil laj maak! Laa'ex xek'ut naq tik maak'a' eemaak sa' chixjunil li na'leb' a'in.

2 Corintios 7:1

Ex was wiitz'in raarookex inb'aan, qe laa'o yeechi'inb'il chaq chixjunil a'an. Jo'kan naq qach'ajob'resiiq qib', qisihaq chixjunil li tz'ajnil wank chiqix ut li xtz'ajnil li musiq'ej, qoxloq'iiq li Yos ut qatz'aqob'resiiq ru li qasantilal.

San Mateo 9:21

xb'aan naq kixye sa' xch'ool: “Us ta ka'ajwi' tinch'e' li raq', tinkole'q”.

Hageo 2:12

«Naq junaq aj tij tixk'am li mayejanb'il tib' sa' li raq', wi tixtoch' junaq wa, malaj li yu, malaj li b'iin, aseeyt, malaj k'a'aq chik ru chi tzekemqil, ma santob'resinb'il chik tkanaaq li tzekemq a'an?»”.Eb' laj tij ke'xsume ut ke'xye: “Ink'a'”.

Levítico 11:32

“Taakanaaq ajwi' chi muxb'il li k'a'aq re ru b'arwi' taat'ane'q junaq kamenaq xul xkomoneb' a'an: mare sa' xb'een junaq che', junaq aq'ej, k'a'aq re ru yiib'anb'il rik'in tz'uum, junaq koxtal malaj junaq k'anjelob'aal. Tento xk'eeb'al sa' ha' ut taakanaaq chi muxb'il toj reetal taa'ok li q'oqyink; chirix chik a'an taakanaaq wi' chik chi saq ru.

Levítico 6:18

Chixjunileb' li teelom sa' xyanqeb' li ralal xk'ajol laj Aharón te'ruuq xtzekankil li jo'k'ihal te'tz'aq rik'in li k'atb'il mayej chiru li Qaawa'. Yalaq k'aru taach'e'oq re li mayej a'in, osob'tesinb'il taakanaaq”.

Éxodo 30:29

Chi jo'kan taaq'axtesi we re naq santob'resinb'ilaqeb'; ut chixjunileb' li te'ch'e'oq re, santob'resinb'ilaqeb' ajwi' a'an.

San Mateo 14:36

Ke'xtz'aama chiru naq ka'aj taxaq re li raq' te'xch'e'; ut li jo'k'ihal ke'ch'e'ok re, ke'k'iraje'k.

Levítico 7:19

“Wi wank k'aru natz'ajnink taanaq chiru li tib', ink'a' chik taaruuq xtzekankil; yal rehaq aj chik k'ate'k. “Chixjunileb' li ink'a' muxb'ileb', te'ruuq chi tiwok tib'.

Ezequiel 44:19

Naq te'elq chiru li neb'aal wank chirix kab'l, wankeb' wi' li poyanam, te'risi chirixeb' li aq'ej xe'mayejak wi' ut te'xkanab' sa'eb' li kok' na'ajej wank sa' linsantil ochoch, ut jalan chik li aq'ej te'xk'e chirixeb' re naq linsantilal ink'a' tixb'oneb' li poyanam.