Levítico 6:26 - Q'eqchi Bible

²⁶ Laj tij li taayeechi'inq mayej chirix li maak, naru tixtzeka b'ayaq re, ab'an tento tixtzeka chaq sa' junaq loq'laj na'ajej, chiru xneb'aalil li Loq'laj Muheb'aal.

Li Santil hu

²⁶ Li mayej li tixqꞌue laj tij re xtzꞌa̱manquil xcuybal xma̱queb, aꞌan ta̱ru̱k tixtzaca li tib aꞌan. Tento nak tixtzaca saꞌ li naꞌajej santo saꞌ li neba̱l re li tabernáculo.

Levítico 6:26 ပူးပေါင်းရင်းမြစ်များ

Oseas 4:8

Neke'xch'oolani rib' rik'in xmaakeb' lintenamit; jo'kan naq neke'rataw naq q'axal chik te'maakob'q li poyanam!

Ezequiel 46:20

ut kixye we: “Sa' li na'ajej a'in eb' laj tij te'xchiq li mayej xul li nayeechi'imank chirix li maak ut re xtojb'al rix xmaakeb' li tenamit; arin te'xchiq ajwi' li k'aj mayej. Chi jo'kan maak'a' taa'isimanq arin ut taak'ame'q chiru li neb'aal wank chirix; chi moko linsantilal tixb'oneb' li poyanam”, chan li winq.

Ezequiel 42:13

Toja' naq li winq kixye we: “Eb' li na'ajej wankeb' sa' xjayal releb'l iq' ut li wankeb' sa' xjayal rokeb'l iq', li neke'ilok chiru li neb'aal, a'an santil na'ajej. Aran eb' laj tij li neke'k'anjelak chiru li Qaawa', te'xtzeka li mayej q'axal sant. Aran ajwi' te'xq'axtesi li loq'laj mayej, jo' li mayej triiw, li mayej chirix li maak ut chirix li q'etok aatin, xb'aan naq a'an santil na'ajej.

Levítico 6:16

Ut li mayej taa'ela'anq, te'xtzeka laj Aharón ut eb' li ralal xk'ajol, chi maak'a'aq xyu ut sa' junaq loq'laj na'ajej, chiru xneb'aalil li Loq'laj Muheb'aal.

Éxodo 40:33

Sa' xraqik kixyiib' li neb'aal chi xsutam li Loq'laj Muheb'aal ut li artal, ut kixt'uyub' li t'ikr sa' rokeb'aal li neb'aal. Ut chi jo'kan laj Moisés kixchoy li xk'anjel.

1 Corintios 9:13

Ma ink'a' nekenaw naq eb' li neke'k'anjelak sa' rochoch li Yos neke'xtzeka li naxmaatani li rochoch li Yos? Ut eb' li neke'k'anjelak chiru li artal, neke'tz'aqk li namayejaak sa' xb'een li artal.

Levítico 6:17

Ink'a' naru te'xk'uub' rik'in k'a'aq re ru nasipob'resink. A'an a'in li tink'e cho'q xtzekemqeb', xkomon li sahil mayej nak'atmank sa' ink'ab'a': a'an jwal loq', kama' ajwi' li mayej nak'eemank chirix li maak ut re xtojb'al rix li maak.

Levítico 6:29

“Li mayej a'in, a'an jwal loq'. Ka'ajwi' eb' laj tij naru te'tzekanq b'ayaq re.

Levítico 7:7

“Li mayej chirix li maak chanchan ajwi' li mayej re xtojb'al rix li maak, ut juntaq'eet li chaq'rab' chirix xkab'ichaleb': li namayejamank taakanaaq cho'q re laj tij li natz'aamank xkuyb'al li maak.