Levítico 6:17 - Q'eqchi Bible

¹⁷ Ink'a' naru te'xk'uub' rik'in k'a'aq re ru nasipob'resink. A'an a'in li tink'e cho'q xtzekemqeb', xkomon li sahil mayej nak'atmank sa' ink'ab'a': a'an jwal loq', kama' ajwi' li mayej nak'eemank chirix li maak ut re xtojb'al rix li maak.

Li Santil hu

¹⁷ Nak teꞌxyi̱b li caxlan cua aꞌin incꞌaꞌ teꞌxqꞌue xchꞌamal. La̱in xinqꞌue li mayej aꞌin chokꞌ reheb xban nak aꞌan li tento teꞌtzꞌak. Li mayej aꞌin kꞌaxal lokꞌ joꞌ xlokꞌal li cuib chi mayej li nequeꞌxqꞌue re xtzꞌa̱manquil xcuybal lix ma̱queb.

Levítico 6:17 ပူးပေါင်းရင်းမြစ်များ

Levítico 6:25

“Ch'olob' chiru laj Aharón ut chiruheb' li ralal xk'ajol li chaq'rab' a'in chirix li mayejak chirix li maak, tento taasetmanq li xkux chiru li Qaawa', sa' li na'ajej b'arwi' neke'kamsiik li xul li te'k'atmanq. Q'axal loq' li mayej a'in.

Levítico 2:11

“Meek'e xyu junaq leemayej yiib'anb'il rik'in k'aj triiw li teeq'axtesi chiru li Qaawa'. Maajun paay ru xyu li xq'emal li kaxlan wa chi moko li xya'al kab' taak'atmanq jo' mayej chiru li Qaawa'.

Levítico 2:3

Li rela' li mayej taakanaaq cho'q re laj Aharón ut eb' li ralal xk'ajol, cho'q loq'laj tzekemq, xkomon li mayej jwal loq' li nak'atmank sa' xk'ab'a' li Qaawa'.

Levítico 7:1

“Jwal loq' li mayej re xtojb'al rix li maak. A'an a'in li chaq'rab' chirix a'an:

Levítico 6:29

“Li mayej a'in, a'an jwal loq'. Ka'ajwi' eb' laj tij naru te'tzekanq b'ayaq re.

1 Pedro 2:22

A'an ink'a' kimaakob'k chi moko ki'ab'iik b'alaq'il aatin sa' xtz'uumal re.

Levítico 7:6

ut chixjunileb' laj tij naru te'xtzeka, ab'an sa' junaq osob'tesinb'il na'ajej, xb'aan naq li k'a'aq re ru a'in, jwal loq'.

Éxodo 40:10

Taayul ajwi' li aseeyt chiru li artal reheb' li k'atb'il mayej, jo' ajwi' chiru chixjunileb' li xk'anjelob'aal. Taaq'axtesi we li artal re naq santob'resinb'ilaq chik.

Éxodo 29:37

Chiru wuqub' kutan tatmayejaq chi kama'an sa' xb'een li artal ut taasantob'resi; chi jo'kan li artal taakanaaq chi q'axal loq': chixjunil li taach'e'oq re li artal, santob'resinb'ilaq chik a'an.

Levítico 6:26

Laj tij li taayeechi'inq mayej chirix li maak, naru tixtzeka b'ayaq re, ab'an tento tixtzeka chaq sa' junaq loq'laj na'ajej, chiru xneb'aalil li Loq'laj Muheb'aal.

Levítico 7:7

“Li mayej chirix li maak chanchan ajwi' li mayej re xtojb'al rix li maak, ut juntaq'eet li chaq'rab' chirix xkab'ichaleb': li namayejamank taakanaaq cho'q re laj tij li natz'aamank xkuyb'al li maak.

Levítico 10:16

Toja' naq laj Moisés kixpatz' b'ar wank li chib'aat namayejamank chirix li maak, ut kixk'e reetal naq ak k'atb'il chik. K'ajo' naq kijosq'o'k sa' xb'een laj Elehasar ut laj Itamar, ralaleb' laj Aharón li toj wankeb' chiru, ut kixye reheb':