Levítico 5:9 - Q'eqchi Bible

⁹ Chirix a'an tixrachrachi b'ayaq xkik'el li xul xmayejamank chirix li maak chi xk'atq li artal, ut li kik' taa'ela'anq tixhoy sa' xtoon li artal, xb'aan naq a'an mayej re kuyuk sachok maak.

Li Santil hu

⁹ Tixchap caꞌchꞌinak lix quiqꞌuel ut tixrachrachi chixcꞌatk li artal. Ut li quicꞌ li ta̱elaꞌa̱nk tixhoy saꞌ xto̱n li artal. Aꞌan li mayej re xtzꞌa̱manquil xcuybal lix ma̱c.

Levítico 5:9 ပူးပေါင်းရင်းမြစ်များ

Levítico 4:34

Toja' naq laj tij tixchap rik'in ru'uj ruq' kach'inaq xkik'el li xul xmayejamank chirix li maak ut tixyul chiru xxukub' li x'artalil li k'atb'il mayej, ut chixjunil li rela' li kik' taahoye'q chi roq li artal.

Levítico 4:30

Toja' naq laj tij tixchap rik'in ru'uj ruq' b'ayaq li kik' ut tixyul chiru li xxukub' li x'artalil li k'atb'il mayej, ut chixjunil li rela' li kik' taahoye'q chi roq li artal.

Levítico 4:18

Rik'in li kik' tixyul b'ayaq eb' li xxukub' li artal li wank chiru li Qaawa', sa' li Loq'laj Muheb'aal. Ut chixjunil li rela' li kik' tixhoy chi roq li x'artalil li k'atb'il mayej, a' li wank sa' rokeb'aal li Loq'laj Muheb'aal.

Levítico 4:7

Rik'in li kik' a'an tixyul ajwi' b'ayaq li xxukub'eb' li artal b'arwi' nak'atmank li pom jwal sununk xb'ook, a' li wank chiru li Qaawa', sa' li Loq'laj Muheb'aal, ut li rela' li kik' tixhoy chi roq li x'artalil li k'atb'il mayej, a' li wank sa' rokeb'aal li Loq'laj Muheb'aal.

Levítico 4:25

Chirix chik a'an laj tij tixchap rik'in ru'uj ruq' b'ayaq li xkik'el li xul xmayejamank chirix li maak, tixyul chiruheb' li xxukub' li x'artalil li k'atb'il mayej, ut tixhoy li rela' li kik' chi roq li artal.

Hebreos 12:24

Xexjilok chi xk'atq li Jesus, li na'okenk chirix li ak' Sumwank; xexjilok rik'in li kik' nokooxch'ajob'resi, li q'axal chaab'il chik na'aatinak chiqix chiru li xkik'el laj Abel.

Hebreos 2:10

Xk'ulub' ajwi' naq li Yos, a'an li xtiklajik ut rosob'l chixjunil, tixk'ameb' sa' xnimal xloq'al naab'aleb' ralal xk'ajol sa' xk'ab'a' li rahilal xkanaak wi' chi tz'aqal re ru li Jesus, a'an laj k'amol b'e sa' li kolb'a ib'.

Isaías 42:21

Li Qaawa' xraj xk'eeb'al xloq'al ut xwankil li xchaq'rab' sa' xk'ab'a' li xtiikilal xch'ool.

Levítico 7:2

Li xul nayeechi'imank chirix li maak tento naq setb'ilaq li xkux sa' li na'ajej b'arwi' neke'kamsiik li k'atb'il mayej, ut li xkik'el tento xrachrachinkil chi xsutam li artal.

Levítico 1:15

Laj tij tixyeechi'i li mayej a'an sa' xb'een li artal: taarisi li xjolom ut tixk'at sa' xb'een li artal naq akaq xraqe'k chi tz'ilonk li xkik'el chi xk'atq li artal.

Levítico 1:5

Tixyok' li xkux li teelom wakax chiru li Qaawa'. Chirix chik a'an eb' li ralal xk'ajol laj Aharón ut eb' laj tij te'xyeechi'i li kik' ut te'xkirkiri chi xsutam li artal li wank sa' rokeb'aal li Loq'laj Muheb'aal.