Levítico 5:16 - Q'eqchi Bible

¹⁶ Li poyanam a'an tento tixtoj li xb'alaq'ik wi' sa' li k'a'aq ru jwal loq'; tixk'e chik junqmay sa' xb'een li o'taqk'aal ut tixq'axtesi chixjunil re laj tij. Chirix a'an, rik'in li karneer taayeechi'imanq chirix li maak, laj tij taamayejaq re xtojb'al rix li xmaak li poyanam a'an, ut taakuye'q li xmaak.

Li Santil hu

¹⁶ Tento nak tixtoj li mayej li joꞌ qꞌuial chic incꞌaꞌ xqꞌue ut tixtoj ajcuiꞌ li ju̱nk may ral li ju̱nk ciento (20%) li incꞌaꞌ quixtoj. Tixqꞌue re laj tij ut laj tij tixmayeja li carner re xtojbal rix lix ma̱c li cui̱nk li quiqꞌuehoc re li mayej. Ut ta̱cuyekꞌ lix ma̱c.

Levítico 5:16 ပူးပေါင်းရင်းမြစ်များ

Números 5:7

Jo'kan naq tento tixxooto li xmaak xb'aanu; tixtoj rix rik'in tumin ut oob' jachal chik xkomon tixk'e.

Levítico 22:14

“Wi ani natzekank re li k'a'aq re ru osob'tesinb'il chi moko rajom xch'ool, tento tixk'e reeqaj re laj tij ut tixk'e chik xtz'aqob'.

Levítico 27:31

Wi ani traj reechaninkil b'ayaq li xlaajetqil, tento tixk'e ajwi' junqmay chik ral li o'k'aal sa' xb'een li xtz'aq.

Levítico 27:27

Wi ut a'an jun tz'ajnil xul, li winq a'an taaruuq reechaninkil wi' chik, a' yaal naxye li xtz'aq ak xaqab'anb'il, ut tento ajwi' tixk'e junqmay chik ral li o'k'aal sa' xb'een li tz'aq a'an. Ab'an wi ink'a' taakolmanq rix, taaruuq ajwi' xk'ayinkil a' yaal jo'nimal xtz'aq.

Levítico 27:15

Ab'an wi li xq'axtesi li rochoch re li Qaawa' traj wi' chik reechaninkil, tento tixtoj sa' xb'een xtz'aq li ochoch, junqmay chik ral li o'k'aal sa' xb'een li xtz'aq ak xaqab'anb'il, ut taareechani wi' chik li ochoch.

Levítico 27:13

ut wi taa'ajmanq xxokb'al wi' chik li xul, tento xk'eeb'al li junqmay chik sa' xb'een o'k'aal li xtz'aq ak xaqab'anb'il.

Levítico 5:10

Rik'in li xkab' xul tixb'aanu jun k'atb'il mayej, jo' chanru yeeb'il. Chi jo'kan laj tij tixk'e li mayej re xtojb'al rix li xmaak li poyanam a'an, ut taakuye'q li maak.

Hechos 26:20

kohin b'an xb'enwa rik'ineb' laj Damaask; chirix chik a'an rik'ineb' laj Jerusalén ut sa' chixjunil xsutam Judea jo' ajwi' rik'ineb' li maawa'eb' aj Judiiy, chi xyeeb'al naq che'xyot' xch'ool che'xjal xk'a'uxl. Xinye ajwi' reheb' naq che'sutq'iiq rik'in li Yos ut che'wanq jo' xk'ulub' wi' li yot'b'ach'oolej jalb'ak'a'uxl.

San Lucas 19:8

Toja' naq laj Zakeo kixaqliik ut kixye re li Qaawa': —Chakuy inmaak, at Qaawa'. Tink'e li xyiijachil linjunkab'lal reheb' li neb'a', ut wi wank junaq xwelq'a k'aru re, kaahib' wa chik xk'ihal a'an naq tinq'ajsi re.

Salmos 69:4

Xinlub'k chi xjapb'al we; taaxamo'q xsa' linkux, taa'oso'q xsa' li wu xb'aan royb'eninkil linYos.

Levítico 5:13

Chi jo'kan laj tij tixk'e li mayej re xtojb'al rix li xmaak li poyanam a'an, ut taakuye'q li xmaak. Ut li k'aru taa'ela'anq, taakanaaq cho'q re laj tij, jo' nab'aanumank rik'in li mayej k'aj”.

Levítico 5:6

ut tixk'am chaq chiru li Qaawa' junaq ixqi karneer malaj junaq ixqi chib'aat, cho'q mayej chirix li maak. Chi jo'kan laj tij tixk'e li mayej re xtojb'al rix li xmaak li poyanam a'in.

Levítico 4:26

Tixk'at chixjunil li xeeb' sa' xb'een li artal, jo' tz'aqal nab'aanumank re li xeeb'ul li mayej re k'amok ib' sa' usilal rik'in li Yos. Chi jo'kan laj tij tixk'e li mayej re xtojb'al rix li xmaak laj jolominel ut taakuymanq li xmaak.

Éxodo 22:1

“Wi junaq winq trelq'a junaq b'ooyx malaj junaq karneer ut tixkamsi malaj tixk'ayi, tento tixtoj oob' chi b'ooyx jo' reeqaj li jun ut kaahib' chi karneer jo' reeqaj li jun.

Levítico 7:2

Li xul nayeechi'imank chirix li maak tento naq setb'ilaq li xkux sa' li na'ajej b'arwi' neke'kamsiik li k'atb'il mayej, ut li xkik'el tento xrachrachinkil chi xsutam li artal.

Números 5:8

Ut wi li winq maak'a' rech'alal re tixk'ul xtojb'al li maak, chixjunil taak'eemanq re li Qaawa' jo'wi' re laj tij; ut tixk'e ajwi' karneer li tixmayeja laj tij re xtojb'al rix li maak.

1 Samuel 6:3

Ke'chaq'ok eb' a'an ut ke'xye: “Wi laa'ex teeraj xq'ajsinkil li xLoq'laj Kaax li xYos laj Israel, meeq'axtesi chi yamyo xsa', yeechi'ihomaq b'an mayej re xtojb'al rix leemaak. Chi jo'kan texk'iraaq ut teenaw k'a'ut naq ink'a' naxkanab' eerahob'tesinkil”.

Levítico 4:20

naraj naxye, taab'aanumanq rik'in li ch'ina wakax a'in jo' tz'aqal nab'aanumank re li ch'ina wakax namayejaak chirix li maak. Chi jo'kan laj tij tixk'e li mayej re xtojb'al rix li xmaakeb' li tenamir ut taakuymanq li xmaakeb'.