Levítico 4:31 - Q'eqchi Bible

³¹ Tento naq taarisi ajwi' chixjunil li xeeb', jo' tz'aqal na'isimank re li xul nayeechi'imank cho'q mayej re k'amok ib' sa' usilal rik'in li Yos, ut tixk'at sa' xb'een li artal jo' sununkil b'ook chiru li Qaawa'. Chi jo'kan laj tij tixk'e li mayej re xtojb'al rix li xmaak li poyanam a'an, ut taakuymanq li maak.

Li Santil hu

³¹ Ut ta̱risi lix xe̱bul joꞌ nak nequeꞌrisi lix xe̱bul li xul li nequeꞌxqꞌue chokꞌ xmayej re xcꞌambaleb rib saꞌ usilal riqꞌuin li Dios. Ut laj tij tixqꞌue saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ. Riqꞌuin li mayej li tixcꞌat laj tij, tixtoj rix lix ma̱c li xma̱cob ut ta̱cuyekꞌ lix ma̱c.

Levítico 4:31 ပူးပေါင်းရင်းမြစ်များ

Levítico 4:26

Tixk'at chixjunil li xeeb' sa' xb'een li artal, jo' tz'aqal nab'aanumank re li xeeb'ul li mayej re k'amok ib' sa' usilal rik'in li Yos. Chi jo'kan laj tij tixk'e li mayej re xtojb'al rix li xmaak laj jolominel ut taakuymanq li xmaak.

Levítico 4:35

Chirix chik a'an taarisi chixjunil li xeeb', jo' tz'aqal na'isimank re li karneer nayeechi'imank cho'q mayej re k'amok ib' sa' usilal, ut tixk'at li xeeb' sa' xb'een li artal, rochb'een chixjunileb' li k'atb'il mayej sa' xk'ab'a' li Qaawa'. Chi jo'kan laj tij tixk'e li mayej re xtojb'al rix li xmaak li poyanam a'an, ut taakuymanq li xmaak.

Levítico 1:9

Ani tixyeechi'i k'atb'il xul cho'q xmayej tento tixch'aj rik'in ha' li xk'amk'ot ut li ra' li xul, ut laj tij tixk'at chixjunil sa' xb'een li artal. A'an jun k'atb'il mayej jwal sununk xb'ook chiru li Qaawa'.

Levítico 1:13

Ani tixyeechi'i xk'atb'il mayej tento tixch'aj rik'in ha' li xk'amk'ot ut li ra' li xul, ut laj tij tixk'at chixjunil sa' xb'een li artal cho'q k'atb'il mayej jwal sununk xb'ook chiru li Qaawa'.

Éxodo 29:18

ut taak'at chixjunil li karneer sa' li artal. A'an k'atb'il mayej cho'q re li Qaawa', sununkil b'ook, k'atb'il tzekemq cho'q re li Qaawa'.

Génesis 8:21

Naq li Qaawa' kirutz' xsununkil xb'ook li mayej, kixye sa' xch'ool: “Maajun wa chik tintz'eqtaana li ch'och' xmaakeb' li winq: ak reheb' a'an naq aj maakeb' chalen chaq sa' xkach'inal. Ink'a' chik tinrahob'tesiheb' li wankeb' xyu'am jo' xinb'aanu anaqwan.

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.

Hebreos 10:14

Relik chi yaal naq sa' xk'ab'a' li jun chi mayej kixtz'aqob'resiheb' ru chi junajwa eb' li yo xsantob'resinkileb'.

Hebreos 10:12

Ut li Kriist jun ajwi' chi mayej kixyeechi'i; chirix a'an kik'ojlaak chi junajwa sa' xnim uq' li Yos,

Hebreos 9:12

Ut ki'ok sa' li Santil Na'ajej chi junwaakaj, moko rik'in ta xkik'el teelom chib'aat chi moko rik'in xkik'eleb' kok' wakax, rik'in b'an li xkik'el a'an; ut chi jo'kan kooxkol chi junajwa.

Hebreos 1:3

A'an a'in xrepom li xnimal xloq'al ut xjalam u li xYosilal. A'an nakuutunk re chixjunil rik'in xnimal xwankil li raatin, ut naq ak xch'ajob'resiheb' li tenamit chiru li maak, kik'ojlaak sa' xnim uq' li Nimajwal Yos toj taqe'q.

Efesios 5:2

ut chexwanq sa' li rahok kama' naq kexra li Kriist ut kixq'axtesi rib' sa' qak'ab'a' jo' chaab'il mayej ut loq'laj yeechi'om, sununk xb'ook chiru li Yos.

San Mateo 3:17

Ut ki'ab'iik jun xyaab' kuxej kichalk chaq sa' choxa, kixye: “A'an a'in li walal raaro inb'aan; rik'in a'in nasaho'k inch'ool”.

Isaías 53:10

Li Qaawa' xraj xrahob'tesinkil ut xtawasinkil rik'in rahilal, ut laj k'anjel tiik xch'ool xmayeja rib' re xtojb'al rix li maak. Jo'kan naq taanajto'q roq li xyu'am, toxrileb' li ralal xk'ajol ut sa' xk'ab'a' A'an taatz'aqloq ru li rajom li Yos.

Isaías 42:21

Li Qaawa' xraj xk'eeb'al xloq'al ut xwankil li xchaq'rab' sa' xk'ab'a' li xtiikilal xch'ool.

Li xHu LAJ JOB 42:8

Jo'kan utan chapomaq wuqub' chib'aat ut wuqub' karneer ut ayuqex rik'in laj Job laj k'anjel chiwu. Aran yeechi'ihomaq eb' li xul a'an cho'q k'atb'il mayej sa' eek'ab'a' laa'ex; ut laj Job laj k'anjel chiwu taatijoq cherix. Laa'in twab'i li xtij ut maak'a' tinb'aanu eere, us ta eek'ulub' xtojb'al rix leemaak xb'aan naq ink'a' xeye li yaal chiwix jo' xb'aanu laj Job”.

Esdras 6:10

re naq te'yeechi'inq sununkil mayej chiru li xYos li choxa ut te'tijoq chirix xyu'am li awab'ej ut eb' li ralal xk'ajol.

Levítico 8:21

kixch'aj rik'in ha' li xk'amk'ot ut eb' li ra' li karneer, ut kixk'at chixjunil sa' xb'een li artal cho'q k'atb'il mayej, sununkil b'ook chiru li Qaawa', jo' chanru kiyehe'k re xb'aan li Qaawa'.

Levítico 4:19

Taarisi chixjunil li xxeeb'ul li ch'ina wakax ut tixk'at sa' xb'een li artal,

Levítico 1:17

Chirix a'an tixcho' sa' xyi li mukuy, tixchap sa' xxik', ab'an moko tixjach ta chi junwaakaj, ut tixk'at sa' li artal, sa' xb'een li si' li wank sa' li xam. A'an jun k'atb'il mayej sununk xb'ook chiru li Qaawa'.

Levítico 2:2

Chirix a'an tixk'am rik'ineb' laj tij li ralaleb' laj Aharón, ut jun reheb' a'an tixchap jun mooch'aq li k'aj triiw rochb'een aseeyt ut pom, ut tixk'at sa' xb'een li artal cho'q k'atb'il mayej, sahil mayej, sununk xb'ook chiru li Qaawa'.

Levítico 2:9

Aran laj tij tixchap b'ayaq li mayej re naq tixk'at sa' xb'een li artal jo' sahil mayej li sununk xb'ook chiru li Qaawa'.

Levítico 5:6

ut tixk'am chaq chiru li Qaawa' junaq ixqi karneer malaj junaq ixqi chib'aat, cho'q mayej chirix li maak. Chi jo'kan laj tij tixk'e li mayej re xtojb'al rix li xmaak li poyanam a'in.

Levítico 5:10

Rik'in li xkab' xul tixb'aanu jun k'atb'il mayej, jo' chanru yeeb'il. Chi jo'kan laj tij tixk'e li mayej re xtojb'al rix li xmaak li poyanam a'an, ut taakuye'q li maak.

Levítico 14:18

Li rela' aseeyt tixyul sa' xjolom li ani taach'ajob'resiiq. Jo'ka'in naq laj tij tixtoj rix li xmaak li poyanam a'an.

Levítico 15:15

Laj tij tixyeechi'iheb': jun cho'q mayej chirix li maak ut li jun chik cho'q k'atb'il mayej. Jo'ka'in naq chiru li Qaawa' laj tij tixch'ajob'resi li yaj li na'elk xsam xtz'ejwal.

Levítico 19:22

Rik'in li karneer a'in jo' mayej sa' xk'ab'a' li maak, laj tij tixtz'aama chiru li Qaawa' li xkuyb'al xmaak li winq a'an, ut relik chi yaal naq taakuymanq taasachmanq li maak.

Números 15:25

Chirix chik a'an laj tij taamayejaq re xtojb'al rix li xmaak chixjunil li xkomonileb' laj Israel, ut chi jo'kan taakuymanq li xmaakeb', xb'aan naq yal ink'a' xe'xk'e reetal ut xe'xq'axtesi ajwi' we li k'atb'il mayej ut li xyeechi'omeb' chirix li maak.