Levítico 4:26 - Q'eqchi Bible

²⁶ Tixk'at chixjunil li xeeb' sa' xb'een li artal, jo' tz'aqal nab'aanumank re li xeeb'ul li mayej re k'amok ib' sa' usilal rik'in li Yos. Chi jo'kan laj tij tixk'e li mayej re xtojb'al rix li xmaak laj jolominel ut taakuymanq li xmaak.

Li Santil hu

²⁶ Tixcꞌat chixjunil lix xe̱bul saꞌ li artal joꞌ nak quixcꞌat lix xe̱bul li xul li queꞌxmayeja re xcꞌambaleb rib saꞌ usilal riqꞌuin li Ka̱cuaꞌ. Riqꞌuin li mayej li tixcꞌat laj tij, tixtoj rix lix ma̱c laj cꞌamol be ut ta̱cuyekꞌ xma̱c.

Levítico 4:26 ပူးပေါင်းရင်းမြစ်များ

Levítico 4:20

naraj naxye, taab'aanumanq rik'in li ch'ina wakax a'in jo' tz'aqal nab'aanumank re li ch'ina wakax namayejaak chirix li maak. Chi jo'kan laj tij tixk'e li mayej re xtojb'al rix li xmaakeb' li tenamir ut taakuymanq li xmaakeb'.

Números 15:28

Laj tij tixmayeja a'an chiru li Qaawa' re xtojb'al rix li xmaak li xmaakob'k chi ink'a' xk'ehom reetal; ut naq taa'uxq mayejak sa' xk'ab'a' li xmaakob'k, taakuymanq li xmaak.

Levítico 5:10

Rik'in li xkab' xul tixb'aanu jun k'atb'il mayej, jo' chanru yeeb'il. Chi jo'kan laj tij tixk'e li mayej re xtojb'al rix li xmaak li poyanam a'an, ut taakuye'q li maak.

Levítico 4:35

Chirix chik a'an taarisi chixjunil li xeeb', jo' tz'aqal na'isimank re li karneer nayeechi'imank cho'q mayej re k'amok ib' sa' usilal, ut tixk'at li xeeb' sa' xb'een li artal, rochb'een chixjunileb' li k'atb'il mayej sa' xk'ab'a' li Qaawa'. Chi jo'kan laj tij tixk'e li mayej re xtojb'al rix li xmaak li poyanam a'an, ut taakuymanq li xmaak.

Levítico 4:31

Tento naq taarisi ajwi' chixjunil li xeeb', jo' tz'aqal na'isimank re li xul nayeechi'imank cho'q mayej re k'amok ib' sa' usilal rik'in li Yos, ut tixk'at sa' xb'een li artal jo' sununkil b'ook chiru li Qaawa'. Chi jo'kan laj tij tixk'e li mayej re xtojb'al rix li xmaak li poyanam a'an, ut taakuymanq li maak.

Levítico 3:5

Eb' laj tij te'xk'at chixjunil a'in sa' xb'een li artal rochb'een li xul li taak'atmanq sa' xb'een li si' yo xxamlel, jo' k'atb'il mayej sununk xb'ook chiru li Qaawa',

Levítico 6:7

Toja' naq laj tij taamayejaq chiru li Qaawa' re xtojb'al rix li xmaak li poyanam a'an, ut li maak taakuye'q, a' yaal k'aru chi maakil xb'aanu”.

Levítico 5:18

Tento tixchap junaq reheb' li xkarneer li maak'a'aq reek' (ut li xtz'aq laa'at tatb'iroq rix), ut tixk'am rik'in laj tij cho'q mayej chirix li maak, re naq chi jo'kan taawanq xkuyb'al xmaak li poyanam a'an, li xmaakob'k chi ink'a' rajom xch'ool, ut li xmaak taakuye'q.

Levítico 5:16

Li poyanam a'an tento tixtoj li xb'alaq'ik wi' sa' li k'a'aq ru jwal loq'; tixk'e chik junqmay sa' xb'een li o'taqk'aal ut tixq'axtesi chixjunil re laj tij. Chirix a'an, rik'in li karneer taayeechi'imanq chirix li maak, laj tij taamayejaq re xtojb'al rix li xmaak li poyanam a'an, ut taakuye'q li xmaak.

Levítico 5:13

Chi jo'kan laj tij tixk'e li mayej re xtojb'al rix li xmaak li poyanam a'an, ut taakuye'q li xmaak. Ut li k'aru taa'ela'anq, taakanaaq cho'q re laj tij, jo' nab'aanumank rik'in li mayej k'aj”.

Levítico 1:4

ut tixk'e ajwi' li ruq' sa' xb'een xjolom li xul. Chi jo'kan li xul k'ulb'ilaq xb'aan li Qaawa' re naq kuyb'il sachb'ilaq li xmaak li ani xyeechi'ink re.

Levítico 4:19

Taarisi chixjunil li xxeeb'ul li ch'ina wakax ut tixk'at sa' xb'een li artal,

Levítico 12:8

Ut wi li na'b'ej ink'a' taaruuq chi xk'eeb'al junaq karneer, naru tixk'e wiib'aq mukuy malaj wiib'aq k'ook'ob': jun taayeechi'imanq cho'q k'atb'il mayej ut li jun chik cho'q mayej chirix li maak. Toja' naq laj tij tixtoj rix li xmaak li ixq a'an, ut a'in ch'ajob'resinb'il chik taakanaaq.

Levítico 14:18

Li rela' aseeyt tixyul sa' xjolom li ani taach'ajob'resiiq. Jo'ka'in naq laj tij tixtoj rix li xmaak li poyanam a'an.

2 Crónicas 29:24

Eb' laj tij ke'xkamsiheb' li xul ut ke'xmayeja li kik' sa' xb'een li artal re xtz'aamankil xkuyb'al xmaakeb' chixjunileb' laj Israel, xb'aan naq li awab'ej kiyehok naq li k'atok xul ut li mayejak chirix li maak wanq sa' xk'ab'a'eb' chixjunileb' laj Israel.

Levítico 15:15

Laj tij tixyeechi'iheb': jun cho'q mayej chirix li maak ut li jun chik cho'q k'atb'il mayej. Jo'ka'in naq chiru li Qaawa' laj tij tixch'ajob'resi li yaj li na'elk xsam xtz'ejwal.

Levítico 17:11

Xb'aan naq chixjunil li wank xyu'am yo'yo sa' xk'ab'a' li kik' ut laa'in xink'e eere li xkik'el sa' xb'een li artal, re naq rik'in li kik' a'an texruuq laa'ex chi xkolb'al rix leeyu'am, xb'aan naq li kik' natojok li xkolb'al rix li yu'amej.

Levítico 19:22

Rik'in li karneer a'in jo' mayej sa' xk'ab'a' li maak, laj tij tixtz'aama chiru li Qaawa' li xkuyb'al xmaak li winq a'an, ut relik chi yaal naq taakuymanq taasachmanq li maak.

Números 15:25

Chirix chik a'an laj tij taamayejaq re xtojb'al rix li xmaak chixjunil li xkomonileb' laj Israel, ut chi jo'kan taakuymanq li xmaakeb', xb'aan naq yal ink'a' xe'xk'e reetal ut xe'xq'axtesi ajwi' we li k'atb'il mayej ut li xyeechi'omeb' chirix li maak.

Ezequiel 43:22

Sa' xkab' li kutan taamayeja jun teelom chib'aat, li maak'a' reek', re xtz'aamankil xkuyb'al li maak; ut eb' laj tij te'xch'ajob'resi li artal jo' xb'aanumank rik'in li saaj wakax.