Levítico 4:25 - Q'eqchi Bible

²⁵ Chirix chik a'an laj tij tixchap rik'in ru'uj ruq' b'ayaq li xkik'el li xul xmayejamank chirix li maak, tixyul chiruheb' li xxukub' li x'artalil li k'atb'il mayej, ut tixhoy li rela' li kik' chi roq li artal.

Li Santil hu

²⁵ Chirix aꞌan, laj tij tixcꞌam caꞌchꞌinak li quicꞌ ut riqꞌuin ruꞌuj rukꞌ tixqꞌue saꞌ xbe̱neb li xucub li cuanqueb saꞌ li artal li nacꞌateꞌ cuiꞌ li mayej. Ut li ta̱elaꞌa̱nk tixhoy saꞌ xto̱n li artal.

Levítico 4:25 ပူးပေါင်းရင်းမြစ်များ

Levítico 4:34

Toja' naq laj tij tixchap rik'in ru'uj ruq' kach'inaq xkik'el li xul xmayejamank chirix li maak ut tixyul chiru xxukub' li x'artalil li k'atb'il mayej, ut chixjunil li rela' li kik' taahoye'q chi roq li artal.

Levítico 4:30

Toja' naq laj tij tixchap rik'in ru'uj ruq' b'ayaq li kik' ut tixyul chiru li xxukub' li x'artalil li k'atb'il mayej, ut chixjunil li rela' li kik' taahoye'q chi roq li artal.

Levítico 4:18

Rik'in li kik' tixyul b'ayaq eb' li xxukub' li artal li wank chiru li Qaawa', sa' li Loq'laj Muheb'aal. Ut chixjunil li rela' li kik' tixhoy chi roq li x'artalil li k'atb'il mayej, a' li wank sa' rokeb'aal li Loq'laj Muheb'aal.

Levítico 4:7

Rik'in li kik' a'an tixyul ajwi' b'ayaq li xxukub'eb' li artal b'arwi' nak'atmank li pom jwal sununk xb'ook, a' li wank chiru li Qaawa', sa' li Loq'laj Muheb'aal, ut li rela' li kik' tixhoy chi roq li x'artalil li k'atb'il mayej, a' li wank sa' rokeb'aal li Loq'laj Muheb'aal.

Levítico 9:9

Aka' chik eb' li ralal ke'xk'am li kik' ut ke'xk'e re, ut laj Aharón kixtz'a li ru'uj ruq' chisa', kixyul chiru xxukub' li artal ut kixhoy li rela' li kik' chi roq li artal.

Hebreos 9:22

xb'aan naq, jo' naxye li Chaq'rab', kach'in chik maa chixjunil nach'ajob'resimank rik'in kik', ut wi ink'a' nahoye'k li kik', maak'a' kuyuk sachok maak.

Romanos 10:4

Xb'aan naq li Kriist a'an li xraqik ut xtz'aqlojik ru li Chaq'rab', re naq tiikob'resinb'ilaq xch'ooleb' chixjunileb' li wankeb' xpaab'aal.

Isaías 40:21

Ma ink'a' tab'i' nekenaw laa'ex? Ma ink'a' eerab'ihom resil? Ma toj maji' naseeraq'imank eere chalen chaq junxil? Ma ink'a' eetawom ru chalen chaq sa' xk'ojlajik li ruuchich'och'?

Levítico 16:18

taa'elq chaq re xch'ajob'resinkil li artal wank chiru li Qaawa'. Tixchap b'ayaq xkik'el li saaj wakax ut xkik'el li chib'aat, ut tixyul chi xxuk ut chi xsutam li artal,

Levítico 8:15

Toja' naq laj Moisés kixyok' xkux li saaj wakax, kixxok li xkik'el rik'in ru'uj ruq', kixrachrachi chi xsutam li artal re xch'ajob'resinkil, ut li rela' li kik' kixhoy chi roq li artal. Chi jo'kan li artal kikanaak chi osob'tesinb'il re xtz'aamankil aran li xkuyb'al li maak.

Levítico 8:10

Chirix a'an laj Moisés kixchap li aseeyt re osob'tesink ut kixkirkiri li Loq'laj Muheb'aal ut chixjunil li k'aru wank chisa', ut chi jo'kan kirosob'tesi.

Hebreos 2:10

Xk'ulub' ajwi' naq li Yos, a'an li xtiklajik ut rosob'l chixjunil, tixk'ameb' sa' xnimal xloq'al naab'aleb' ralal xk'ajol sa' xk'ab'a' li rahilal xkanaak wi' chi tz'aqal re ru li Jesus, a'an laj k'amol b'e sa' li kolb'a ib'.

Levítico 4:24

Toja' naq tixk'e li ruq' sa' xb'een xjolom li teelom chib'aat ut tixyok' li xkux chiru li Qaawa', sa' li na'ajej b'arwi' neke'kamsiik eb' li xul li neke'k'ate'k. Li mayej a'in, a'an mayej chirix li maak.

Éxodo 29:12

Taaxok xkik'el, taayuleb' li xxuk li artal rik'in ru'uj aawuq' ut taahoy chixjunil li kik' chi roq li artal.

Levítico 5:9

Chirix a'an tixrachrachi b'ayaq xkik'el li xul xmayejamank chirix li maak chi xk'atq li artal, ut li kik' taa'ela'anq tixhoy sa' xtoon li artal, xb'aan naq a'an mayej re kuyuk sachok maak.

Levítico 17:11

Xb'aan naq chixjunil li wank xyu'am yo'yo sa' xk'ab'a' li kik' ut laa'in xink'e eere li xkik'el sa' xb'een li artal, re naq rik'in li kik' a'an texruuq laa'ex chi xkolb'al rix leeyu'am, xb'aan naq li kik' natojok li xkolb'al rix li yu'amej.