Levítico 4:24 - Q'eqchi Bible

²⁴ Toja' naq tixk'e li ruq' sa' xb'een xjolom li teelom chib'aat ut tixyok' li xkux chiru li Qaawa', sa' li na'ajej b'arwi' neke'kamsiik eb' li xul li neke'k'ate'k. Li mayej a'in, a'an mayej chirix li maak.

Li Santil hu

²⁴ Tixqꞌue li rukꞌ saꞌ xjolom li chiba̱t ut tixcamsi saꞌ li naꞌajej li nequeꞌcamsi̱c cuiꞌ chiru li Ka̱cuaꞌ li xul li nequeꞌcꞌateꞌ. Li mayej aꞌin, aꞌan re xtzꞌa̱manquil xcuybal lix ma̱c li nacꞌamoc be chiruheb li tenamit.

Levítico 4:24 ပူးပေါင်းရင်းမြစ်များ

Isaías 53:6

Chiqajunilo xoosachk jo'eb' li karneer, ak xb'e xb'e xk'am li junjunq. Ut li Qaawa' xk'e chiriiqani li qamaak chiqajunilo.

Levítico 16:15

Toja' naq tixkamsi li chib'aat jo' mayej chirix xmaakeb' li tenamit ut tixk'am li kik' chirix li t'ilkem; aran chisa' tixrachrachi chaq sa' xb'een ut chiru li tz'apleb', kama' xb'aanu rik'in xkik'el li saaj wakax.

Levítico 7:2

Li xul nayeechi'imank chirix li maak tento naq setb'ilaq li xkux sa' li na'ajej b'arwi' neke'kamsiik li k'atb'il mayej, ut li xkik'el tento xrachrachinkil chi xsutam li artal.

Levítico 6:25

“Ch'olob' chiru laj Aharón ut chiruheb' li ralal xk'ajol li chaq'rab' a'in chirix li mayejak chirix li maak, tento taasetmanq li xkux chiru li Qaawa', sa' li na'ajej b'arwi' neke'kamsiik li xul li te'k'atmanq. Q'axal loq' li mayej a'in.

Levítico 3:13

tixk'e li ruq' sa' xb'een li xjolom, ut chirix a'an tixyok' li xkux chire li Loq'laj Muheb'aal. Toja' naq eb' laj tij te'xrachrachi li xkik'el li xul chi xsutam li artal.

Levítico 3:8

tixk'e li ruq' sa' xb'een li xjolom ut chirix a'an tixyok' li xkux chire li Loq'laj Muheb'aal. Toja' naq eb' laj tij te'xrachrachi li xkik'el li xul chi xsutam li artal.

Levítico 3:2

Ani taaq'axtesinq li mayej, tixk'e li ruq' sa' xb'een xjolom li xul tixyeechi'i, ut chirix a'an tixyok' li xkux sa' rokeb'aal li Loq'laj Muheb'aal. Ut eb' laj tij te'xrachrachi li xkik'el chi xsutam li artal.

Levítico 1:11

Tento naq tixyok' li xkux sa' xjayal releb'l iq' chi xk'atq li artal, chiru li Qaawa'. Eb' li ralal xk'ajol laj Aharón ut eb' laj tij te'xk'irk'isi li xkik'el li xul chi xsutam li artal.

Levítico 1:5

Tixyok' li xkux li teelom wakax chiru li Qaawa'. Chirix chik a'an eb' li ralal xk'ajol laj Aharón ut eb' laj tij te'xyeechi'i li kik' ut te'xkirkiri chi xsutam li artal li wank sa' rokeb'aal li Loq'laj Muheb'aal.

Éxodo 29:38

“A'an a'in li taamayeja sa' xb'een li artal rajlal kutan, chi junelik: ka'kab' kok' karneer, jun chihab' xyo'lajikeb'.

Levítico 14:13

Tento tixkamsi li karneer sa' li na'ajej b'arwi' na'uxk xsetb'al xkuxeb' li xul chirixeb' li maak ut re li k'atb'il mayej. Li mayej chirix li maak taakanaaq cho'q re laj tij; jo'kan ajwi' li mayej re xtojb'al rix li maak, xb'aan naq a'an q'axal loq'.

2 Reyes 12:16

Li tumin namayejamank re xtojb'al rix li maak jo' ajwi' chirix li maak, ink'a' nak'eemank sa' rochoch li Qaawa', reheb' b'an laj tij nakanaak.

Levítico 1:4

ut tixk'e ajwi' li ruq' sa' xb'een xjolom li xul. Chi jo'kan li xul k'ulb'ilaq xb'aan li Qaawa' re naq kuyb'il sachb'ilaq li xmaak li ani xyeechi'ink re.

Levítico 6:18

Chixjunileb' li teelom sa' xyanqeb' li ralal xk'ajol laj Aharón te'ruuq xtzekankil li jo'k'ihal te'tz'aq rik'in li k'atb'il mayej chiru li Qaawa'. Yalaq k'aru taach'e'oq re li mayej a'in, osob'tesinb'il taakanaaq”.

Levítico 6:22

Jo'ka'in tento tixk'uub' li xmayej li xb'eenil aj tij, ralal k'ajol laj Aharón, a' li taaxaqab'aaq cho'q reeqaj. A'an a'in jun xchaq'rab' li Qaawa' wank xwankil chi junelik: tento taak'atmanq chixjunil.

2 Crónicas 29:23

Moqon chik ke'xjilosi eb' li teelom chib'aat re xmayejankileb' chirix li maak; ke'xk'am wan wi' li awab'ej ut eb' li ch'utch'uukeb' aran, ut eb' a'an ke'xk'e li ruq'eb' sa' xb'eeneb'.