Levítico 4:18 - Q'eqchi Bible

¹⁸ Rik'in li kik' tixyul b'ayaq eb' li xxukub' li artal li wank chiru li Qaawa', sa' li Loq'laj Muheb'aal. Ut chixjunil li rela' li kik' tixhoy chi roq li x'artalil li k'atb'il mayej, a' li wank sa' rokeb'aal li Loq'laj Muheb'aal.

Li Santil hu

¹⁸ Chirix aꞌan tixqꞌue caꞌchꞌinak li quicꞌ saꞌ xbe̱n li xucub li cuanqueb saꞌ li artal li cuan chiru li Ka̱cuaꞌ saꞌ li tabernáculo. Li relaꞌ li quicꞌ tixhoy saꞌ xto̱n li artal li nacꞌatman cuiꞌ li mayej li cuan saꞌ li oqueba̱l re li tabernáculo.

Levítico 4:18 ပူးပေါင်းရင်းမြစ်များ

Levítico 4:7

Rik'in li kik' a'an tixyul ajwi' b'ayaq li xxukub'eb' li artal b'arwi' nak'atmank li pom jwal sununk xb'ook, a' li wank chiru li Qaawa', sa' li Loq'laj Muheb'aal, ut li rela' li kik' tixhoy chi roq li x'artalil li k'atb'il mayej, a' li wank sa' rokeb'aal li Loq'laj Muheb'aal.

Levítico 4:25

Chirix chik a'an laj tij tixchap rik'in ru'uj ruq' b'ayaq li xkik'el li xul xmayejamank chirix li maak, tixyul chiruheb' li xxukub' li x'artalil li k'atb'il mayej, ut tixhoy li rela' li kik' chi roq li artal.

Levítico 4:30

Toja' naq laj tij tixchap rik'in ru'uj ruq' b'ayaq li kik' ut tixyul chiru li xxukub' li x'artalil li k'atb'il mayej, ut chixjunil li rela' li kik' taahoye'q chi roq li artal.

Levítico 4:34

Toja' naq laj tij tixchap rik'in ru'uj ruq' kach'inaq xkik'el li xul xmayejamank chirix li maak ut tixyul chiru xxukub' li x'artalil li k'atb'il mayej, ut chixjunil li rela' li kik' taahoye'q chi roq li artal.

Levítico 5:9

Chirix a'an tixrachrachi b'ayaq xkik'el li xul xmayejamank chirix li maak chi xk'atq li artal, ut li kik' taa'ela'anq tixhoy sa' xtoon li artal, xb'aan naq a'an mayej re kuyuk sachok maak.

Levítico 6:30

Ab'an ink'a' naru xtzekankil junaq xul li xmayejamank chirix li maak, wi li xkik'el xk'ame'k sa' Loq'laj Muheb'aal re xtz'aamankil xkuyb'al li maak sa' li Santil Na'ajej. Li mayej a'an tento taak'atmanq chixjunil.

2 Crónicas 29:22

Toja' naq ke'xkamsi eb' li saaj wakax, ut eb' laj tij ke'xxok li xkik'eleb' ut ke'xkirkiri chiru li artal; chirix chik a'an ke'xkamsi eb' li ninqi karneer ut chiru li xkik'eleb' kikirkiriik li artal; ke'xkamsi ajwi' eb' li kok' karneer ut ke'xkirkiri ajwi' li artal chiru li xkik'eleb'.

Éxodo 29:12

Taaxok xkik'el, taayuleb' li xxuk li artal rik'in ru'uj aawuq' ut taahoy chixjunil li kik' chi roq li artal.

Éxodo 30:10

Jun sut chiru li chihab' laj Aharón tixtz'aama xkuyb'aleb' xmaak li tenamit, sa' xb'eeneb' li xxuk li artal a'in; rik'in xkik'el li mayejanb'il xul tixtz'aama aran xkuyb'aleb' li xmaak li tenamit jun sut chiru li chihab': jo'kan taa'uxmanq chi junelik. Q'axal q'axtesinb'ilaq re li Qaawa' li artal a'in”.

Levítico 8:15

Toja' naq laj Moisés kixyok' xkux li saaj wakax, kixxok li xkik'el rik'in ru'uj ruq', kixrachrachi chi xsutam li artal re xch'ajob'resinkil, ut li rela' li kik' kixhoy chi roq li artal. Chi jo'kan li artal kikanaak chi osob'tesinb'il re xtz'aamankil aran li xkuyb'al li maak.

Levítico 9:9

Aka' chik eb' li ralal ke'xk'am li kik' ut ke'xk'e re, ut laj Aharón kixtz'a li ru'uj ruq' chisa', kixyul chiru xxukub' li artal ut kixhoy li rela' li kik' chi roq li artal.