Levítico 4:17 - Q'eqchi Bible

¹⁷ tixtz'a li ru'uj ruq' sa' li kik' ut wuqub' sut tixrachrachi chiru li Qaawa', sa' xjayal li xt'ilkemil li Santil Na'ajej.

Li Santil hu

¹⁷ Tixtzꞌa li ruꞌuj rukꞌ saꞌ li quicꞌ ut chiru li Ka̱cuaꞌ tixrach cuukub sut nachꞌ riqꞌuin li tꞌicr li naramoc re li Lokꞌlaj Santil Naꞌajej.

Levítico 4:17 ပူးပေါင်းရင်းမြစ်များ

Levítico 4:5

Chirix chik a'an tixxok b'ayaq xkik'el li ch'ina wakax ut tixk'am sa' li Loq'laj Muheb'aal.

Levítico 4:16

Chirix chik a'an li xb'eenil aj tij tixk'am b'ayaq xkik'el li wakax sa' li Loq'laj Muheb'aal,

Levítico 16:14

Tixchap ajwi' kach'inaq xkik'el li saaj wakax ut rik'in ru'uj ruq' tixrachrachi sa' xb'een li tz'apleb', sa' xjayal releb'l saq'e. Chirix a'an wuqub'aq sut tixrachrachi chi kik' li xtz'apleb' li Loq'laj Kaax.

Números 19:4

Toja' naq laj Elehasar laj tij tixch'ik li ru'uj ruq' sa' xkik'el li wakax ut rik'in a'an wuqub' wa tixkirkiri chi kik' li rokeb'aal li Loq'laj Muheb'aal.

Levítico 8:11

Rik'in ajwi' li aseeyt a'an, kixrachrachi li artal wuqub' sut, ut kixyul li artal ut chixjunil li nak'anjelak chiru; jo'kan ajwi' li xna'aj li ha' ut li xk'ochleb'aal, re rosob'tesinkileb'.

Levítico 14:7

Toja' naq wuqub' sut tixkirkiri sa' kik' li ani taach'ajob'resimanq chiru li saqlep, ut tixch'olob' naq a'an ink'a' chik muxb'il ru. Ut li yo'yookil xik'anel xul taa'ach'ab'aaq.