Levítico 3:6 - Q'eqchi Bible

⁶ “Wi ani tixyeechi'i re li Qaawa' junaq xkarneer, jo' mayej re k'amok ib' sa' usilal rik'in li Yos, tento tixyeechi'i junaq teelom malaj ixqi karneer li maak'a'aq reek'.

Li Santil hu

⁶ Cui carner li tixqꞌue chokꞌ xmayej re xcꞌambal rib saꞌ usilal riqꞌuin li Ka̱cuaꞌ Dios, tento nak tixqꞌue junak tzꞌakalak re ru, usta te̱lom usta ixki carner.

Levítico 3:6 ပူးပေါင်းရင်းမြစ်များ

Efesios 1:10

re naq tixb'aanu sa' xtz'aqlojik ru li kutan: a'an xxaqab'ankil li Kriist chi xjolomil chixjunil li wank sa' choxa ut li wank sa' ruuchich'och'.

Gálatas 4:4

A'ut naq kixtaw xtz'aqlojik li kutan, li Yos kixtaqla chaq li Ralal, yo'lajenaq rik'in ixq, yo'lajenaq rub'el xwankil li Najter Chaq'rab',

Gálatas 3:28

Maak'a' chik aj judiiy chi moko aj griego; maak'a' chik aj loq'b'il k'anjel chi moko aj ach'ab'anb'il k'anjel; maak'a' chik winq chi moko ixq, xb'aan naq chejunilex laa'ex junex aj chik rik'in li Kristo Jesus.

Hechos 4:27

“Xb'aan naq relik chi yaal, sa' li tenamit a'in, laj Herodes ut laj Poncio Pilaat, rochb'eeneb' laj Israel jo'keb' ajwi' li jalaneb' xpaab'aal, xe'xk'am rib' sa' aatin chi xxikb'al rilb'al li Jesus, laasantil moos sik'b'il ru aab'aan cho'q Kriist.

Isaías 60:7

Chixjunileb' li ketomq re Kedar te'ch'utub'aaq cho'q aawe; ut eb' li karneer re Nebayot te'k'anjelaq chawu, re naq taayeechi'iheb' sa' xb'een lin'artal cho'q mayej jo' li nawulak chiwu. Chi jo'kan laa'in tinnimob'resi li xch'ina'usal li wochoch.

Levítico 1:10

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xkarneer malaj ut xchib'aat, tento naq teelomaq chi maak'a' reek'.

Levítico 1:2

“Aatinan rik'ineb' laj Israel ut ye reheb': Wi ani eere tixk'am chaq we xmayej xul, tento tixk'e jun reheb' li xwakax malaj reheb' li xkarneer.

Levítico 22:20

ab'an moko k'ulb'ilaq ta chiru wi li xul wanq xyajel.

Números 15:5

Taayeechi'i ajwi' jun meet li b'iin rochb'een li k'atb'il mayej malaj li junjunq chi karneer.

Levítico 19:5

“Naq teeq'axtesi re li Qaawa' leemayej re k'amok ib' sa' usilal, b'aanuhomaq jo' chanru tixk'ulub'an li Yos.

Levítico 23:19

“Teeyeechi'i ajwi' junaq chib'aat jo' mayej chirix li maak ut wiib'aq karneer aj junq chihab', jo' mayej re li k'amok ib' sa' usilal.

Números 6:14

ut tixq'axtesi li xmayej re li Qaawa': jun karneer aj jun chihab' chi maak'a'aq reek', cho'q k'atb'il mayej; jun li ixqi karneer aj jun chihab' chi maak'a'aq reek', re xtojb'al rix li xmaak; jun karneer chi maak'a'aq reek', re k'amok ib' sa' usilal rik'in li Qaawa';