Levítico 3:5 - Q'eqchi Bible

⁵ Eb' laj tij te'xk'at chixjunil a'in sa' xb'een li artal rochb'een li xul li taak'atmanq sa' xb'een li si' yo xxamlel, jo' k'atb'il mayej sununk xb'ook chiru li Qaawa',

Li Santil hu

⁵ Ut eb li ralal xcꞌajol laj Aarón teꞌxcꞌat li mayej aꞌan saꞌ li artal saꞌ xbe̱n li siꞌ. Ut aꞌanak jun li sununquil cꞌatbil mayej ta̱cuulak chiru li Ka̱cuaꞌ.

Levítico 3:5 ပူးပေါင်းရင်းမြစ်များ

Levítico 6:12

“Li xtiqwal li xam sa' xb'een li artal ink'a' naru taachupq. Laj tij tento tixk'e xsi'il rajlal eq'la ut tixtuqub' chi us sa' xb'een li xam li xul taak'atmanq. Jo'kan ajwi' tixk'at sa' xb'een li artal li xxeeb'ul li mayej re k'amok ib' sa' usilal rik'in li Yos.

1 Pedro 2:5

Laa'ex ajwi', jo'qex li yo'yookil pek, chek'e eerib' chi kab'laak cho'q musiq'ejil ochoch, re naq laa'exaq aj tij sa' santilal, re q'axtesink mayej sa' li Musiq'ej, a' li naxk'ulub'an xch'ool li Yos sa' xk'ab'a' li Jesukriist.

Éxodo 29:13

Taawisi chixjunil li xeeb' li wank chirix li k'amk'ot, li nawank chi xk'atq li saaseb', jo' ajwi' xkab'ichaleb' li xkenq' ut li xeeb' li nawank chirixeb', re naq taak'ate'q sa' li artal.

Ezequiel 44:15

“Ab'an eb' laj Leví, li ralal xk'ajoleb' laj Sadok li ink'a' xe'xkanab' k'anjelak sa' li wochoch naq eb' laj Israel xine'xtz'eqtaana, a'aneb' naru te'ok chi k'anjelak chiwu re xyeechi'inkil we li xxeeb'ul ut li xkik'el li mayej -chan li Qaawa'-.

Ezequiel 44:7

Laa'ex nekeroksi eb' laj ab'l tenamit, li ink'a' xb'aanuhomeb' li sirkunsisyon, li maak'a' reetalil linsumwank sa' li xch'ooleb' chi moko sa' li xtz'ejwaleb', re naq te'wanq sa' linsantil ochoch. Laa'ex nekemux xloq'al naq nekeyeechi'i we lintzekemq, a' li xxeeb'ul ut li xkik'el li mayej, ut nekesach xwankil linsumwank rik'in xb'aanunkil chixjunil li maa'usilal a'in.

2 Crónicas 35:14

Moqon eb' laj Leví ke'xkawresi li Paswa cho'q reheb' ut reheb' ajwi' laj tij, xb'aan naq jwal laatz'eb' ru laj tij xkomoneb' laj Aharón chi mayejak ut chi xyeechi'inkil li xxeeb'ul li xul toj ki'ok q'oqyink. Jo'kan naq eb' laj Leví ke'xk'uub' li mayej cho'q reheb' ut cho'q reheb' laj tij xkomoneb' laj Aharón.

1 Reyes 8:64

Sa' li kutan a'an li awab'ej kixq'axtesi re li Qaawa' li xneb'aalil li rochoch li Yos -a' li wank chiru-. Aran kixyeechi'i li xk'atb'il mayej, chixjunil li xyeechi'om ut li xxeeb'ul li mayej re li k'amok ib' sa' usilal rik'in li Yos, xb'aan naq jwal kach'in li artal yiib'anb'il rik'in q'anch'iich', a' li wank chiru li Qaawa'; jo'kan naq ink'a' ki'ok aran jo'nimal kiyeechi'imank.

Levítico 4:35

Chirix chik a'an taarisi chixjunil li xeeb', jo' tz'aqal na'isimank re li karneer nayeechi'imank cho'q mayej re k'amok ib' sa' usilal, ut tixk'at li xeeb' sa' xb'een li artal, rochb'een chixjunileb' li k'atb'il mayej sa' xk'ab'a' li Qaawa'. Chi jo'kan laj tij tixk'e li mayej re xtojb'al rix li xmaak li poyanam a'an, ut taakuymanq li xmaak.

Levítico 4:31

Tento naq taarisi ajwi' chixjunil li xeeb', jo' tz'aqal na'isimank re li xul nayeechi'imank cho'q mayej re k'amok ib' sa' usilal rik'in li Yos, ut tixk'at sa' xb'een li artal jo' sununkil b'ook chiru li Qaawa'. Chi jo'kan laj tij tixk'e li mayej re xtojb'al rix li xmaak li poyanam a'an, ut taakuymanq li maak.

Levítico 1:9

Ani tixyeechi'i k'atb'il xul cho'q xmayej tento tixch'aj rik'in ha' li xk'amk'ot ut li ra' li xul, ut laj tij tixk'at chixjunil sa' xb'een li artal. A'an jun k'atb'il mayej jwal sununk xb'ook chiru li Qaawa'.

Levítico 3:4

xkab'ichal li xkenq', li xeeb' lanlookeb' wi' ut li wank sa' xb'een li xtel ut li xcha'al jwal q'un re li xch'och', li taa'isimanq rochb'eeneb' li kenq'.

Levítico 3:11

Chirix chik a'an laj tij tixk'at chixjunil a'in sa' xb'een li artal, jo' tzekemq, k'atb'il mayej sa' xk'ab'a' li Qaawa'.

Levítico 7:28

Li Qaawa' kiraatina laj Moisés ut kixye re:

Levítico 9:17

Chirix chik a'an kixq'axtesi li mayej k'aj, kixchap jun mooch' ut kixk'at sa' xb'een li artal, jalan wi' chiru li k'atb'il mayej re li eq'la.

Números 15:8

Ut wi laamayej chiru li Qaawa' a'an jun saaj wakax cho'q aak'atb'il mayej malaj re xk'amb'al wi' chik aawib' sa' usilal rik'in li Yos, sa' xk'ab'a' junaq aayeechi'om,

Números 28:3

“Ye ajwi' reheb': A'anaq a'in li k'atb'il mayej teeyeechi'i re li Qaawa': rajlal kutan teemayeja ka'kab' karneer aj junq chihab', maak'a'aq reek'eb', cho'q junelik mayej.

Números 28:12

Teeyeechi'i ajwi' kab'laju liib'r chi k'aj yoq'inb'il rik'in aseeyt, rochb'een li junjunq chi mayej saaj wakax; lajeeb' liib'r chi k'aj yoq'inb'il rik'in aseeyt, rochb'een li junjunq chi mayej chib'aat;

Levítico 1:13

Ani tixyeechi'i xk'atb'il mayej tento tixch'aj rik'in ha' li xk'amk'ot ut li ra' li xul, ut laj tij tixk'at chixjunil sa' xb'een li artal cho'q k'atb'il mayej jwal sununk xb'ook chiru li Qaawa'.

Levítico 1:17

Chirix a'an tixcho' sa' xyi li mukuy, tixchap sa' xxik', ab'an moko tixjach ta chi junwaakaj, ut tixk'at sa' li artal, sa' xb'een li si' li wank sa' li xam. A'an jun k'atb'il mayej sununk xb'ook chiru li Qaawa'.

Números 18:17

Ab'an ink'a' naru xtojb'al rix li xb'een ral li wakax, li karneer malaj li chib'aat, xb'aan naq santob'resinb'il. Taahoy li xkik'el sa' xb'een li artal, ut li xxeeb'ul taak'at cho'q sununkil mayej chiru li Qaawa'.