Levítico 3:2 - Q'eqchi Bible

² Ani taaq'axtesinq li mayej, tixk'e li ruq' sa' xb'een xjolom li xul tixyeechi'i, ut chirix a'an tixyok' li xkux sa' rokeb'aal li Loq'laj Muheb'aal. Ut eb' laj tij te'xrachrachi li xkik'el chi xsutam li artal.

Li Santil hu

² Li ani tixqꞌue lix mayej cuacax, tento nak tixqꞌue li rukꞌ saꞌ xjolom ut tixcamsi saꞌ li oqueba̱l re li tabernáculo. Ut eb laj tij teꞌxrachrachi lix quiqꞌuel saꞌ xbe̱n li artal ut chixjun sutam.

Levítico 3:2 ပူးပေါင်းရင်းမြစ်များ

Éxodo 29:10

“Chirix chik a'an toxaak'am li saaj wakax chiru xMuheb'aal li ch'utam, ut laj Aharón rochb'eeneb' li ralal xk'ajol te'xk'e li ruq'eb' sa' xb'een xjolom li saaj wakax.

2 Corintios 5:21

Li Kriist ink'a' xnawom ru li maak, ut A'an kik'ehe'k cho'q maak xb'aan li Yos sa' qak'ab'a', re naq sa' xk'ab'a' li Kriist toowanq sa' li tiikil ch'oolej nachalk rik'in li Yos.

Hechos 3:26

Xb'enwa cho'q eere laa'ex li Yos kixwaklesi chi yo'yo li Jesus li xmoos ut kixtaqla chaq cherosob'tesinkil, re naq li junjunq tixkanab' li xmaa'usilal”.

Hechos 3:15

Xekamsi li nak'amok b'e sa' li yu'am. Ab'anan li Yos xwaklesi chi yo'yo sa' xyanqeb' li kamenaq, ut laa'o xqil ut nokoo'aatinak chirix.

Zacarías 12:10

Ut sa' xb'eeneb' li ralal xk'ajol laj David ut eb' li wankeb' Jerusalén tinhoy jun musiq'ej re usilal ut tijok; toja' naq tine'xka'ya laa'in. Ut li xe'xpaynumi chi ch'iich' te'yot'e'q xch'ool ut te'yaab'aq chirix, jo' na'uxk yaab'ak chirix li xb'een alalb'ej malaj chirix li junaj chirib'il.

Isaías 53:6

Chiqajunilo xoosachk jo'eb' li karneer, ak xb'e xb'e xk'am li junjunq. Ut li Qaawa' xk'e chiriiqani li qamaak chiqajunilo.

Levítico 8:22

Chirix chik a'an laj Moisés kixye naq che'xk'am chaq li karneer jun chik, a' li taak'anjelaq re ok cho'q aj tij, ut laj Aharón rochb'eeneb' li ralal xk'ajol ke'xk'e li ruq'eb' sa' xb'een xjolom.

Levítico 1:11

Tento naq tixyok' li xkux sa' xjayal releb'l iq' chi xk'atq li artal, chiru li Qaawa'. Eb' li ralal xk'ajol laj Aharón ut eb' laj tij te'xk'irk'isi li xkik'el li xul chi xsutam li artal.

Éxodo 29:11

Taakamsi li saaj wakax chiru li Qaawa', sa' rokeb'aal li xMuheb'aal li ch'utam.

Éxodo 29:16

Naq akaq xakamsi li karneer, taarachrachi chi kik' chixjunil xsutam li artal.

Levítico 3:3

“Ani taaq'axtesinq li xul re xyeechi'inkil junaq mayej re k'amok ib' sa' usilal rik'in li Yos, tento tixq'axtesi chiru li Qaawa', jo' k'atb'il mayej, li xxeeb'ul li k'amk'ot,

Levítico 3:8

tixk'e li ruq' sa' xb'een li xjolom ut chirix a'an tixyok' li xkux chire li Loq'laj Muheb'aal. Toja' naq eb' laj tij te'xrachrachi li xkik'el li xul chi xsutam li artal.

Números 18:17

Ab'an ink'a' naru xtojb'al rix li xb'een ral li wakax, li karneer malaj li chib'aat, xb'aan naq santob'resinb'il. Taahoy li xkik'el sa' xb'een li artal, ut li xxeeb'ul taak'at cho'q sununkil mayej chiru li Qaawa'.

Éxodo 29:15

“Moqon chik taachap jun reheb' li karneer, ut laj Aharón rochb'eeneb' li ralal xk'ajol te'xk'e li ruq'eb' sa' xb'een xjolom li karneer.

Éxodo 29:19

“Taachap ajwi' li xkab' karneer, ut laj Aharón rochb'eeneb' li ralal te'xk'e li ruq'eb' sa' xb'een xjolom li karneer.

Levítico 17:3

“Yalaq ani sa' xyanqeb' laj Israel tixkamsi junaq teelom wakax, junaq karneer malaj junaq chib'aat chisa' malaj ut chirix li na'ajej,

Levítico 17:4

wi ink'a' tixk'am chaq sa' rokeb'aal li Loq'laj Muheb'aal re xmayejankil re li Qaawa' chiru li xLoq'laj Na'aj, li winq a'an wanq xmaak xb'aan naq xkamsink. Tento taa'isiiq sa' xyanqeb' li rech tenamitul, xb'aan naq xhoy xkik'el li xul.