Levítico 3:17 - Q'eqchi Bible

¹⁷ “A'an a'in jun chaq'rab' twanq chi junajwa cho'q reheb' li jar teep chi tenamit chaalel, yalaq b'ar wanqeb': ink'a' taatzekamanq li xeeb' chi moko li kik'”.

Li Santil hu

¹⁷ Incꞌaꞌ te̱tzaca lix xe̱bul li xul chi moco lix quiqꞌuel. Aꞌin jun li chakꞌrab cua̱nk xcuanquil junelic. Yalak bar cua̱nkex la̱ex li naꞌbej yucuaꞌbej te̱ba̱nu li chakꞌrab aꞌin, joꞌ eb ajcuiꞌ le̱ ralal e̱cꞌajol li teꞌcua̱nk mokon.

Levítico 3:17 ပူးပေါင်းရင်းမြစ်များ

Génesis 9:4

Ka'ajwi' li tib' li toj wank xkik'el ink'a' naru teetzeka, xb'aan naq li kik' a'an xyu'am.

San Mateo 26:28

Xb'aan naq a'an a'in linkik'el re li Sumwank, hoyb'il sa' xk'ab'a' chixjunileb' re xkuyb'al xsachb'al li xmaakeb'.

Deuteronomio 15:23

Ab'anan ink'a' naru taatzeka xkik'el, taahoy b'an chi ch'och' kama' li ha'.

Deuteronomio 12:23

Ab'anan ink'a' naru teetzeka li xkik'el li xul, xb'aan naq li kik' a'an yu'am, ut ink'a' naru teetzeka li yu'am rochb'een li tib'.

Levítico 7:23

“Ye reheb' laj Israel chi jo'ka'in: Ink'a' naru te'xtzeka b'ayaq xxeeb'ul li b'ooyx, xxeeb'ul karneer malaj xxeeb'ul li chib'aat.

Deuteronomio 12:16

Ka'ajwi' li xkik'el li xul ink'a' naru teetzeka; tento teehoy chiru ch'och' jo' naq nekehoy li ha'.

Levítico 17:7

Ut maajun wa chik te'xq'axtesi li xmayejeb' reheb' li maa'us a'an, li ke'xloq'oni chaq. A'an a'in jun chaq'rab' wanq xwankil cho'q reheb' chi junelik q'e kutan.

Levítico 6:18

Chixjunileb' li teelom sa' xyanqeb' li ralal xk'ajol laj Aharón te'ruuq xtzekankil li jo'k'ihal te'tz'aq rik'in li k'atb'il mayej chiru li Qaawa'. Yalaq k'aru taach'e'oq re li mayej a'in, osob'tesinb'il taakanaaq”.

Levítico 3:16

Chirix chik a'an laj tij tixk'at chixjunil a'in sa' xb'een li artal, jo' tzekemq, k'atb'il mayej li sununk xb'ook. Chixjunil li xeeb', rehaq li Qaawa'.

Efesios 5:26

re xsantob'resinkil: kixch'ajob'resi rik'in li ha' ut li raatin,

Efesios 1:7

Sa' xk'ab'a' A'an wank qakolb'al xb'aan li xkik'el, wank xkuyb'al xsachb'al qamaak, sa' xk'ab'a' li xnimal rusilal

Hechos 15:29

naq chekolaq eerib' chiru li tzekemq mayejanb'il reheb' li jalanil yos, chiru li kik', chiruheb' li yatz'b'il xul ut li ko'b'eetak yumb'eetak. Wi teekol eerib' chiru chixjunil a'in, us teeb'aanu. Cherilaq eerib'”.

Ezequiel 44:15

“Ab'an eb' laj Leví, li ralal xk'ajoleb' laj Sadok li ink'a' xe'xkanab' k'anjelak sa' li wochoch naq eb' laj Israel xine'xtz'eqtaana, a'aneb' naru te'ok chi k'anjelak chiwu re xyeechi'inkil we li xxeeb'ul ut li xkik'el li mayej -chan li Qaawa'-.

Ezequiel 33:25

Jo'kan naq ye reheb' chi jo'ka'in: «Jo'ka'in xye li Qaawa': Laa'ex nekextiwok tib' rech xikik xkik'el, nekeloq'oni ruheb' li jalanil yos, nekekamsi leeras eeriitz'in. Ma naru tab'i' teereechani li na'ajej a'in?

Deuteronomio 32:14

Kixch'oolaniheb' rik'in li xrekesonil li wakax ut xleechul karneer; kixk'e reheb' li xtib'eleb' li saaj karneer ut li ketomq re Basán, eb' li kok' chib'aat ut li chaab'il triiw. Kixk'e li xya'al li uub' cho'q ruk'a'eb'.

Levítico 23:14

Toj taawulaq xkutankil naq teek'am leemayej chiru li Qaawa', ink'a' naru texwa'oq wa, chi moko k'ilenb'il triiw chi moko q'unil triiw. A'in jun chaq'rab' xaqxooq xwankil chi junelik cho'q eere laa'ex ut cho'q reheb' leeralal eek'ajol, yalaq ta b'ar wanqex.

Levítico 7:36

Li Qaawa' kixye naq taak'eemanq reheb' a'in, chalen sa' li kutan kixxaqab'eb' wi' cho'q aj tij. A'in kixchaq'rab'i wi' eb' laj Israel, jo' jun chaq'rab' teneb'anb'il sa' xb'eeneb' chi junelik.

1 Timoteo 4:4

Xb'aan naq chixjunil li xyoob'tesihom li Yos a'an chaab'il ut maajun tzekemq naru xtz'eqtaanankil wi taak'ulmanq rik'in yoxink,

San Mateo 16:24

Toja' naq li Jesus kixye reheb' li xtzolom: —Wi ani naraj intaaqenkil, mixra rib', chixchapaq li xkrus ut chinxtaaqehaq.

Ezequiel 44:7

Laa'ex nekeroksi eb' laj ab'l tenamit, li ink'a' xb'aanuhomeb' li sirkunsisyon, li maak'a' reetalil linsumwank sa' li xch'ooleb' chi moko sa' li xtz'ejwaleb', re naq te'wanq sa' linsantil ochoch. Laa'ex nekemux xloq'al naq nekeyeechi'i we lintzekemq, a' li xxeeb'ul ut li xkik'el li mayej, ut nekesach xwankil linsumwank rik'in xb'aanunkil chixjunil li maa'usilal a'in.

Nehemías 8:10

Laj Esdras kixye ajwi': “Ayuqex ut tzekahomaq li k'aru jwal chaab'il, uk'anqex ut taqlahomaq jun wa'alaq xtzekemqeb' li maak'a' wankeb' re. Xb'aan naq jwal loq' li kutan a'in ut q'axtesinb'il cho'q re li Qaawa' li qaYos. Miraho'k leech'ool, xb'aan naq li sahil ch'oolej li nachalk rik'in li Qaawa' a'an li xkawub' leech'ool”.

Números 19:21

A'an a'in jun chaq'rab' cho'q eere chi junajwa. Li taakirkirinq chi osob'tesinb'il ha', tixpuch' li raq', ut li yal tixch'e' li osob'tesinb'il ha', muxb'ilaq ru chalen toj ewu.

Levítico 16:34

“A'an a'in jun li chaq'rab' xaqxooq xwankil chi junelik cho'q eere: jun sut sa' li chihab' taawanq li mayejak re xtojb'al rix chixjunileb' li xmaakeb' laj Israel”. Ut ki'uxmank jo' chanru kixye li Qaawa' re laj Moisés.

Éxodo 27:21

Laj Aharón rochb'eeneb' li ralal te'iloq re chiru li Qaawa', sa' xMuheb'aal li ch'utam, junpak'al li t'ilkem li wank chi xk'atq li xLoq'laj Kaaxil li Sumwank, chalen ewu toj eq'la. A'in jun chaq'rab' xaqxooq xwankil chi junelik cho'q reheb' li ralal xk'ajol laj Israel.

Levítico 4:1

Li Qaawa' kiraatina laj Moisés ut kixye re:

Levítico 6:22

Jo'ka'in tento tixk'uub' li xmayej li xb'eenil aj tij, ralal k'ajol laj Aharón, a' li taaxaqab'aaq cho'q reeqaj. A'an a'in jun xchaq'rab' li Qaawa' wank xwankil chi junelik: tento taak'atmanq chixjunil.

Levítico 7:34

xb'aan naq li mayej re k'amok ib' sa' usilal, li neke'xk'e we eb' laj Israel, laa'in xinra li re xmaqab' cho'q chaab'il mayej, ut li ra' xink'uula jo' jun tenq'aal, ut xink'e re laj Aharón ut reheb' li ralal xk'ajol. A'an a'in jun chaq'rab' wank xwankil chi junelik”.

Levítico 10:9

“Naq laa'at malaj eb' laawalal tex'ok sa' li Loq'laj Muheb'aal, ink'a' tex'uk'uq b'iin chi moko ha' nakaltesink. Mare wachik texkamq. A'an jun chaq'rab' li wank xwankil chi junelik, li tento teepaab' laa'ex ut eb' leeralal eek'ajol toj chaalel.

Levítico 10:15

Li ra', a' li tenq'aal, ut li re xmaqab', li chaab'il mayej, taak'ame'q chiru li Qaawa' ut taaq'axtesimanq jo' chaab'il mayej, rochb'een li xeeb' li nayeechi'imank chi k'ate'k. A'an a'in tattz'aq chi junelik, laa'at ut eb' laawalal aak'ajol, jo' xchaq'rab'ihom li Qaawa'.

Levítico 16:29

“A'an a'in jun chaq'rab' xaqxooq xwankil chi junelik cho'q eere: sa' xlaje xb'e li xwuq li po, tento naq teeb'aanu ee'ayuun; maajun li k'anjel teeb'aanu, jo'keb' laj Israel, jo'keb' ajwi' laj ab'l tenamit li wankeb' sa' eeyanq,

Levítico 23:21

“Sa' ajwi' li kutan a'an tento teeb'aanu junaq loq'laj ch'utam ut maajun junaq kawil k'anjel teeb'aanu. A'in jun chaq'rab' xaqxooq xwankil chi junelik cho'q eere laa'ex ut cho'q reheb' leeralal eek'ajol, yalaq ta b'ar wanqex.

Levítico 24:3

sa' li Loq'laj Muheb'aal, junpak'al li t'ilkem li wank chi xk'atq li xLoq'laj Kaaxil li Sumwank. A' laj Aharón taak'uub'anq re, re naq junelik lochlooq chiru li Qaawa', chalen ewu toj eq'la. A'in jun chaq'rab' xaqxooq xwankil chi junelik cho'q eere laa'ex ut cho'q reheb' leeralal eek'ajol.

Éxodo 28:43

Tento naq laj Aharón ut eb' li ralal te'wanq xweexeb' naq te'ok sa' li xMuheb'aal li ch'utam malaj naq te'nach'oq rik'in li artal chi k'anjelak sa' li Loq'laj Na'ajej; chi jo'kan ink'a' te'paltoq ut ink'a' te'kamq. Teneb'anb'ilaq chi junajwa li chaq'rab' a'in sa' xb'een laj Aharón ut eb' li ralal xk'ajol.

Levítico 6:15

Jun reheb' a'an tixchap jun mooch'aq li chaab'il k'aj li ak k'eeb'il cho'q mayej. Tixk'e ajwi' li aseeyt ut chixjunil li pom li na'ok rik'in li mayej, ut tixk'e chi k'atk sa' xb'een li artal cho'q sahil mayej li sununk xb'ook chiru li Qaawa'.

Levítico 19:26

“Meetzeka li k'a'aq re ru wank xkik'el. “Meeb'aanu li q'ehib'k chi moko cheyal xch'olob'ankil rix li k'aru chaalel cheru.

Levítico 24:9

Li kaxlan wa a'an rehaq laj Aharón ut eb' li ralal xk'ajol, ut tento te'xwa' sa' junaq loq'laj na'ajej, xb'aan naq q'axal loq' li mayej a'an chiruheb' chixjunil li mayej nak'atmank cho'q re li Qaawa'. A'in jun chaq'rab' xaqxooq xwankil chi junelik”.

Deuteronomio 12:24

Ink'a' taatzeka, taahoy b'an chiru ch'och' kama' nakahoy li ha'.

2 Crónicas 29:35

Jwal naab'aleb' li k'atb'il mayej ut li xeeb' cho'q re li k'amok ib' sa' usilal rik'in li Yos, jo'wi' li mayej b'iin re rochb'eeninkil li k'atb'il mayej. Jo'ka'in naq ke'xtikib' wi' chik xloq'oninkil ru li Yos sa' rochoch li Qaawa'.