Levítico 3:1 - Q'eqchi Bible

¹ “Wi ani tixchap chaq sa' xyanqeb' li xketomq junaq ixqi wakax malaj ut teelom wakax re xyeechi'inkil chiru li Qaawa' jun li mayej re k'amok ib' sa' usilal rik'in li Yos, li xul taayeechi'imanq tento naq maak'a'aq reek'.

Li Santil hu

¹ Cui te̱qꞌue li mayej re xcꞌambal e̱rib saꞌ usilal riqꞌuin li Dios, tento nak te̱mayeja chiru li Dios junak li cuacax tzꞌakal re ru, usta toro, usta ba̱c.

Levítico 3:1 ပူးပေါင်းရင်းမြစ်များ

Números 6:14

ut tixq'axtesi li xmayej re li Qaawa': jun karneer aj jun chihab' chi maak'a'aq reek', cho'q k'atb'il mayej; jun li ixqi karneer aj jun chihab' chi maak'a'aq reek', re xtojb'al rix li xmaak; jun karneer chi maak'a'aq reek', re k'amok ib' sa' usilal rik'in li Qaawa';

Levítico 1:3

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xwakax, tento naq a'anaq jun teelom wakax li maak'a' reek'. Ut tento tixyeechi'i sa' rokeb'aal li Loq'laj Muheb'aal, re naq k'ulb'ilaq xb'aan li Qaawa',

1 Juan 1:3

a' li qilom ut qab'ihom, a'an naqaye resil eere, re naq laa'ex ajwi' wanqex sa' komonil qik'in. Ut laa'o wanko sa' komonil rik'in li Yuwa'b'ej ut li Ralal, a' li Jesukriist.

Hebreos 10:22

Jiloqo b'i' chi xk'atq chi anchal qach'ool, chi anchal qapaab'aal, ch'ajob'resinb'ilaq li qach'ool chiru li ink'a' us ut ch'ajb'ilaqo rik'in saq ru ha'.

Amós 5:22

Wi nekemayeja leek'atb'il xul ut leeyeechi'om, laa'in ink'a' tink'ul; chi moko nawulak chiwu naq nekemayeja leeninqi wakax chirix li k'amok ib' sa' usilal.

Colosenses 1:20

Sa' xk'ab'a' li Kriist ut cho'q re A'an, li Yos kiraj xk'amb'al wi' chik sa' rusilal chixjunil li k'a'aq re ru, rik'in xk'eeb'al sa' tuqtuukilal chixjunil li wank sa' ruuchich'och' ut sa' choxa, sa' xk'ab'a' li xkik'el hoyb'il chiru krus.

Malaquías 1:14

Tz'eqtaananb'ilaq taxaq li nab'alaq'ik, a' li wank jun xchaab'il xul ut naxye naq tixq'axtesi we, ab'anan chirix chik a'an tixmayeja re li Qaawa' li yaj aj xul! Laa'in li Nimajwal Awab'ej, ut nak'eemank inloq'al sa' xyanqeb' li tenamit!”, chan li Qaawa', li Nimajwal Yos.

Malaquías 1:8

ut maak'a' eemaak xb'aan xmayejankil li mutz'eb' aj xul, yeq ra'eb' malaj yajeb'. Ayuqex ut sihomaq chaq a'an re lee'awab'ej! Ma taawulaq tab'i' chiru? Ma tixk'ul tab'i' xch'ool leemaatan? -chan li Nimajwal Yos-.

Ezequiel 45:15

Taaxokmanq junaq karneer sa' xyanqeb' li lajeetqk'aal ch'oolaninb'ileb' chi us, ut teeq'axtesi we cho'q eek'aj mayej, k'atb'il mayej, eeyeechi'om re k'amok ib' sa' usilal jo' ajwi' chirix li maak -chan li Qaawa'-.

Proverbios 7:14

“Laa'in kinyeechi'i inmayej re wank sa' usilal rik'in li Yos, ut anaqwan ak xinmajeya li kinyeechi'i.

1 Crónicas 21:26

ut aran kixxaqab' jun x'artal li Qaawa' ut kixk'e li xk'atb'il mayej jo'wi' li xyeechi'om re li k'amok ib' sa' usilal rik'in li Yos. Chirix chik a'an kixyaab'a xk'ab'a' li Qaawa', ut a'an kixsume rik'in naq kixtaqla chaq xam sa' choxa sa' xb'een li artal re li k'atb'il mayej.

Jueces 21:4

Sa' li kutan jun chik eb' laj Israel ke'wakliik eq'la, ke'xyiib' jun li artal ut ke'xyeechi'i k'atb'il mayej ut ke'mayejak re xk'amb'al wi' chik rib' sa' usilal rik'in li Yos.

Jueces 20:26

Toja' naq chixjunileb' laj Israel ut chixjunileb' laj puub' ke'taqe'k wi' chik Betel, ke'yaab'ak chaq ut aran ke'kanaak chiru li Qaawa'. Jun kutan ke'xkuy xsa'eb' toj reetal ki'ewuuk; ke'mayejak re xk'amb'al wi' chik rib' sa' usilal rik'in li Qaawa' ut ke'xyeechi'i ajwi' k'atb'il mayej.

Números 7:17

ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos. A'an a'in li xmayej laj Najsón, ralal laj Aminadab.

Levítico 17:5

Taab'aanumanq chi jo'ka'in re naq eb' laj Israel te'xyeechi'i re li Qaawa' eb' li xul te'xkamsi yal chi jo'kan, ut te'xk'am rik'in laj tij sa' rokeb'aal li Loq'laj Muheb'aal, re naq taayeechi'imanq sa' xk'ab'a'eb' a'an jo' mayej re k'amok ib' sa' usilal.

Éxodo 29:28

Ut a'an tkanaaq cho'q re laj Aharón ut reheb' li ralal: xsihom eb' laj Israel, xb'aan naq q'axtesinb'il mayej; q'axtesinb'il xb'aaneb' laj Israel naq yooqeb' chi yeechi'ink mayej, q'axtesinb'il mayej cho'q re li Qaawa'. A'an jun xchaq'rab' li Qaawa' teneb'anb'il sa' xb'eeneb' laj Israel chi junelik.

Éxodo 24:5

Chirix chik a'an wankeb' saaj al sa' xyanqeb' laj Israel li ke'taqlaak chi xyeechi'inkil k'atb'il xul ut xkamsinkil saaj wakax jo' loq'laj mayej cho'q re li Qaawa'.

Éxodo 20:24

Chayiib' jun lin'artal rik'in ch'och', re naq sa' xb'een taayeechi'i laak'atb'il xul ut laamayej, eb' laakarneer ut eb' laab'ooyx. Sa' chixjunil li na'ajej b'arwi' twaj naq taajultikamanq link'ab'a', tinchalq aawik'in ut tatwosob'tesi.

Levítico 3:6

“Wi ani tixyeechi'i re li Qaawa' junaq xkarneer, jo' mayej re k'amok ib' sa' usilal rik'in li Yos, tento tixyeechi'i junaq teelom malaj ixqi karneer li maak'a'aq reek'.

Levítico 9:18

Laj Aharón kixset ajwi' xkux li teelom wakax ut li karneer li neke'xyeechi'i eb' laj Israel re xk'amb'al rib' sa' usilal rik'in li Yos. Eb' li ralal ke'xk'e re li kik', ut a'an kixrachrachi chi xjunsutam li artal.

Números 7:59

ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos. A'an a'in li xmayej laj Gamaliel, ralal laj Pedasur.

Números 15:8

Ut wi laamayej chiru li Qaawa' a'an jun saaj wakax cho'q aak'atb'il mayej malaj re xk'amb'al wi' chik aawib' sa' usilal rik'in li Yos, sa' xk'ab'a' junaq aayeechi'om,

Deuteronomio 12:27

Aran, sa' xb'een li x'artal li Qaawa' laaYos, taak'at laamayej. Ut li xkik'el laakames taahoy sa' xb'een li x'artal li Qaawa' laaYos; ab'an naru taatzeka li tib'.

Ezequiel 43:27

A'in taa'uxmanq chiru wuqub' kutan, ut chalen chik sa' xwaqxaq li kutan, eb' laj tij te'xtikib' xyeechi'inkil li k'atb'il mayej sa' xb'een li artal jo' ajwi' te'mayejaq chirix li k'amok ib' sa' usilal. Ut laa'in tink'ul leemayej chi anchal linch'ool”, chan li Qaawa'.

Levítico 1:10

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xkarneer malaj ut xchib'aat, tento naq teelomaq chi maak'a' reek'.

Levítico 9:4

Te'xchap ajwi' junaq teelom wakax ut junaq karneer re xkamsinkil chiru li Qaawa' cho'q mayej re k'amok ib' sa' usilal. Xk'amaqeb' ajwi' chaq mayej k'aj puq'b'ilaq rik'in aseeyt, xb'aan naq li Qaawa' tixk'ut rib' chiruheb' sa' li kutan a'in”.