Levítico 27:34 - Q'eqchi Bible

³⁴ A'aneb' a'in li chaq'rab' kixk'e li Qaawa' re laj Moisés sa' xb'een li tzuul Sinaí cho'q reheb' laj Israel.

Li Santil hu

³⁴ Aꞌaneb aꞌin li chakꞌrab li quixqꞌue li Dios reheb laj Israel, li quixqꞌue re laj Moisés saꞌ li tzu̱l Sinaí.

Levítico 27:34 ပူးပေါင်းရင်းမြစ်များ

Levítico 26:46

A'aneb' a'in li chaq'rab', li aatin ut li taqlahom kixaqab'aak xwankil xb'aan li Qaawa' cho'q reheb' laj Israel sa' xb'een li tzuul Sinaí, chi xtz'uumal re laj Moisés.

Números 1:1

Li Qaawa' kiraatina laj Moisés sa' li chaqich'och' re Sinaí, sa' li Loq'laj Muheb'aal, sa' li xb'een kutan re li xkab' po, ak wank chik xkab' chihab' relikeb' chaq laj Israel aran Ejiipt, ut kixye re:

San Juan 1:17

Xb'aan naq li Chaq'rab' k'eeb'il chaq qe sa' xk'ab'a' laj Moisés, a'ut li usilal ut li yaal xk'ulunk sa' xk'ab'a' li Jesus li Kriist.

Deuteronomio 4:45

A'aneb' a'in li aatin ut li chaq'rab' kixye laj Moisés reheb' laj Israel naq ke'elk chaq Ejiipt,

Deuteronomio 4:5

Chek'e reetal: jo' chanru li Qaawa' linYos xye we, jo'kan ajwi' laa'in tink'ut cheru li chaq'rab' tento teepaab' sa' li na'ajej ok eere chi reechaninkil.

Levítico 7:38

Kixk'e li Qaawa' li chaq'rab' a'in re laj Moisés sa' xb'een li tzuul Sinaí, naq eb' laj Israel wankeb' sa' li chaqich'och' ut ke'chaq'rab'iik chi mayejak chiru.

Números 36:13

A'aneb' a'in li chaq'rab' ut li aatin kixk'e li Qaawa' cho'q reheb' laj Israel, chi xtz'uumal re laj Moisés, sa' xtaq'ahil Mohab, chire li nima' Jordán, sa' xjayal Jerikó.

Deuteronomio 29:1

A'aneb' a'in li aatin chirix li Sumwank li kitaqlaak wi' laj Moisés xb'aan li Qaawa' chi xk'ojob'ankil rik'ineb' laj Israel sa' li na'ajej Mohab. A'an a'in li xkomon li Sumwank kixk'ojob' rik'ineb' a'an, sa' li tzuul Horeb.

Números 3:1

A'aneb' a'in li ralal xk'ajol laj Aharón ut laj Moisés, sa'eb' li kutan naq li Qaawa' kiraatina laj Moisés sa' li tzuul Sinaí.

Números 28:6

A'an a'in li junelik mayej kiyeechi'imank chalen chaq junxil sa' li tzuul Sinaí, jo' sununkil mayej nawulak chiru li Qaawa'.

Deuteronomio 1:3

Sa' xtiklajik li xjunlaju po, ka'k'aal chihab'aq relikeb' aran Ejiipt, laj Moisés kixye reheb' laj Israel chixjunil li k'aru chaq'rab'inb'ileb' wi' xb'aan li Qaawa'.