Levítico 27:28 - Q'eqchi Bible

²⁸ “Wi junaq tixmayeja b'ayaq li k'aru re cho'q re li Qaawa', a' yaal k'aru, ma poyanam, ma xul malaj ut ch'och' xmaatanihom rik'in li xna' xyuwa', moko truuq ta xk'ayinkil li ak mayejanb'il chi moko truuq xkolb'al rix; chixjunil li ak mayejanb'il, santob'resinb'ilaq ut rehaq li Qaawa'.

Li Santil hu

²⁸ Abanan li cꞌaꞌak re ru kꞌaxtesinbil re li Ka̱cuaꞌ chi junaj cua incꞌaꞌ naru xcꞌayinquil chi moco naru xlokꞌbal, usta cristian, usta xul, usta chꞌochꞌ, xban nak aꞌan ac kꞌaxtesinbil chi junaj cua re li Ka̱cuaꞌ.

Levítico 27:28 ပူးပေါင်းရင်းမြစ်များ

Éxodo 22:20

“Li taamayejaq chiruheb' li jalanil yos, taaq'axtesiiq sa' ruq' li xb'alb'a.

Levítico 27:21

Naq li ch'och' a'an taakanaaq chi maajun aj eechal re sa' li xchihab'il li ach'ab'ank, taaq'axtesimanq cho'q re li Qaawa' cho'q q'axtesinb'il na'ajej, ut laj tij taa'eechaninq re.

Deuteronomio 25:19

Jo'kan naq chiwanq sa' aach'ool a'in: naq li Qaawa' laaYos akaq xsacheb' ru chixjunileb' li xik' neke'ilok aawe chasutam ut xatroksi sa' li na'ajej tixk'e chaweechani, tento taasachq xk'ab'a' laj Amalek chi junajwa, junsut junrub'el choxa. Misachk sa' aach'ool a'in!

1 Samuel 15:18

Jo'kan utan, wi li Yos xatxtaqla chi yalok ut xye aawe naq tento xsachb'aleb' ru laj Amalek toj reetal te'oso'q chi junajwa, xb'aan naq aj maakeb',

Josué 7:1

Ab'an eb' laj Israel ke'xq'et li xtaqlahom laj Josué. Laj Akán, ralal laj Karmí, ri xmam laj Sabdí, xxikin i laj Séraj, sa' xteepal Judá, kixxok cho'q re li k'aru ak q'axtesinb'il re sache'k. Jo'kan naq k'ajo' naq kijosq'o'k li Qaawa' sa' xb'eeneb' laj Israel.

Josué 6:26

Sa' li kutan a'an laj Josué kixye a'in sa' jurament: “Majewanb'ilaq chiru li Qaawa' li winq li taawakliiq ut tixwaklesi wi' chik li tenamit Jerikó! Rik'in xkamik li xb'een ralal tixtoj rix li xk'ojob'ankil li rub'elankil li tenamit, ut rik'in xkamik li xch'iip tixtoj rix li xyiib'ankil li rokeb'aal”, chan.

Números 18:14

Chixjunil li mayej neke'xyeechi'i we eb' laj Israel, aawehaq.

Gálatas 3:13

Li Kriist koorach'ab' chiru xmaa'usilahom li Chaq'rab' xb'aan naq kixk'e rib' chi maa'usilaak sa' qak'ab'a' laa'o, jo' naxye li Santil Hu: “Maa'usilanb'ilaq chixjunil li t'uyt'u chiru che'”.

Gálatas 3:10

Chek'e reetal: chixjunileb' li k'ojk'ookeb' xch'ool rik'in xk'anjelankil li Chaq'rab' teneb'anb'il li tojb'amaak sa' xb'eeneb', xb'aan naq naxye li Santil Hu: “Maa'usinb'ilaqeb' chixjunileb' li ink'a' neke'xk'e xch'ool chirix chixjunil li tz'iib'anb'il sa' xhuhil li Chaq'rab' chi moko neke'xb'aanu”.

1 Corintios 16:22

Ani ink'a' naxra li Qaawa', tz'eqtaananb'ilaq chi junajwa! Maraná tha.

Romanos 9:3

Nawaj raj naq maa'usilanb'ilaqin ta ut jachjooqin raj rik'in li Kriist xb'aan xraab'aleb' li was wiitz'in, eb' li wech tenamitul li wech kik'elil.

San Mateo 25:41

“Toja' naq tixye ajwi' reheb' li wanqeb' sa' xtz'e uq': «Elenqex chiwu, maa'usilanb'ilex. Ayuqex sa' li xam li ink'a' nachup, kawresinb'il cho'q re laj tza ut eb' laj k'anjel chiru.

1 Samuel 15:3

Ayu anaqwan ut rahob'tesiheb' laj Amalek. Chaq'axtesiheb' chi oso'k rochb'eeneb' chixjunil li reechanihomeb'. Maawil xtoq'ob'aal ruheb', chakamsi b'an chixjunileb', jo' winq ut ixq, eb' li kok'al ut eb' li k'uula'al, eb' li b'ooyx ut eb' li karneer, eb' li kameey ut eb' li b'uur»”.

Jueces 21:18

Ab'an laa'o ink'a' naru tqak'eheb' li qarab'in cho'q rixaqileb', xb'aan naq chiqajunilo laa'o aj Israel xqaye sa' jurament naq tz'eqtaananb'ilaqeb' li te'xk'e xrab'ineb' cho'q rixaqileb' laj Benjamín”.

Jueces 21:5

Ke'xye chirib'ileb' rib': “Ani sa' xyanqeb' chixjunileb' li xteepal laj Israel ink'a' xwulak Mispá, naq xqach'utub' qib' sa' xk'ab'a' li Qaawa'?”. Xb'aan naq ak yeeb'il sa' jurament naq te'kamsiiq li ink'a' te'wulaq sa' li loq'laj ch'utam.

Josué 7:25

Ut aran kixye laj Josué: “K'a' naq xak'am chaq li nimla rahilal a'in sa' qab'een? A' ajwi' li rahilal a'in chikanaaq sa' aab'een sa' li kutan a'in”, chan. Ut laj Akán kiteniik chi pek rochb'een chixjunileb' li xkomon aj Israel; chirix chik a'an ke'k'ate'k.

Levítico 27:27

Wi ut a'an jun tz'ajnil xul, li winq a'an taaruuq reechaninkil wi' chik, a' yaal naxye li xtz'aq ak xaqab'anb'il, ut tento ajwi' tixk'e junqmay chik ral li o'k'aal sa' xb'een li tz'aq a'an. Ab'an wi ink'a' taakolmanq rix, taaruuq ajwi' xk'ayinkil a' yaal jo'nimal xtz'aq.

Levítico 27:29

Ut moko truuq ta ajwi' xkolb'al rix junaq poyanam ak teneb'anb'il kamk sa' xb'een: tento taakamq.

Deuteronomio 7:26

Maawoksi sa' laawochoch junaq k'a' re ru yib'eetal ru, re naq ink'a' majewanb'ilaqat jo'eb' a'an; tz'eqtaananb'ilaqeb' b'an chawu xb'aan naq teneb'anb'il li oso'k sa' xb'een chixjunil a'an.

Ezequiel 44:29

Naru te'xtzeka li k'aru nayeechi'imank cho'q we jo' ajwi' li namayejaak chirix li maak ut re xtojb'al rix li xmaakeb' li tenamit. Jo'ch'inal jo'nimal li te'xyeechi'i we eb' laj Israel, a'anaq reheb' laj tij.

Ezequiel 48:14

Li ch'och' a'in ink'a' naru xk'ayinkil, xsiib'al re anihaq chi moko xjalb'al ru, xb'aan naq q'axtesinb'il cho'q re li Qaawa'.

Levítico 21:22

Naru tixtzeka li wa a'an jo'wi' li k'a'aq chik re ru loq' ut santob'resinb'il,

2 Crónicas 31:14

Laj Koré, ralal laj Imná, xkomoneb' laj Leví, li na'ilok re li okeb'aal li wank sa' xjayal releb'l saq'e, kikanaak chi xk'ulb'al, rilb'al ut xk'uulankil li mayej na'alaak sa' xch'ooleb' li poyanam xk'eeb'al re li Yos; ut a'an ajwi' li najek'ink re li mayej q'axtesinb'il re li Qaawa' ut li k'a'aq re ru jwal loq'.