Levítico 26:7 - Q'eqchi Bible

⁷ Laa'ex teeraanilaheb' li xik' neke'ilok eere ut eb' a'an te'kamsiiq chi ch'iich' cheru laa'ex.

Li Santil hu

⁷ La̱ex te̱ra̱linaheb li xicꞌ nequeꞌiloc e̱re ut te̱camsiheb chi chꞌi̱chꞌ.

Levítico 26:7 ပူးပေါင်းရင်းမြစ်များ

Levítico 26:6

Tink'e tuqtuukil usilal sa' leena'aj ut sa ajwi' texwarq, xb'aan naq maajun taaxib'esinq eere. Laa'in te'wisi sa' leetenamit eb' li josq' aj xul ut maa'ani taa'ok chi yalok eerik'in.

Levítico 26:8

Oob' eere laa'ex te'raanilasi o'k'aal ut o'k'aal sa' eeyanq te'raanilasi lajeeb' mil; eb' li xik' neke'ilok eere te'kamsiiq chi ch'iich' cheru laa'ex.

Deuteronomio 32:30

Chanru naq jun chi winq xraanilasiheb' lajeek'aal rox o'q'ob' (1,000) chi winq, ut wiib' chi winq xe'raanilasiheb' k'iila o'q'ob'? Ma ink'a' tab'i' xb'aan naq li Qaawa', laj Ilol reheb', kixkanab'eb' xjuneseb' ut kixq'axtesiheb' sa' ruq' li xik' na'ilok reheb'?

Ester 9:16

Eb' laj Judiiy li wankeb' sa'eb' li jalan chik tenamit sa' li awab'ejihom, ke'xch'utub' rib' sa' li oxlaju xb'e li po Adar re xkolb'aleb' rib' chiruheb' li xik' neke'ilok reheb'; ut ke'xkamsi o'laju mil chi winq, ab'an ink'a' ke'xxok li k'aru wank reheb'.

Levítico 26:36

“Jo'k'ihaleb' sa' eeyanq te'kole'q, teb'ink'e chi xiwak ut te'eleliq naq te'rab'i chi t'ane'k junaq xxaq li che'; te'eleliq kama' tawi' naq yooqeb' chi elelik sa' li yalok, ut te't'ane'q chi maajun taa'aanilasinq reheb'.

Deuteronomio 28:7

“Naq eb' li xik' neke'ilok aawe te'wakliiq chaq sa' aab'een, li Qaawa' tixsacheb' ru: sa' jun ruq'b'e te'elq chaq chak'ulb'al, ut sa' wuqub' chik ruq'b'e te'eleliq chawu.

Josué 23:10

Jun ajwi' eere laa'ex naru chi raanilasinkil lajeek'aal rox o'q'ob' (1,000), xb'aan naq li Qaawa' leeYos nayalok sa' eek'ab'a' jo' xyeechi'om chaq eere sa' jurament.

Jueces 4:16

Ut laj Barak kiraanilasiheb' li b'eleb'aal ch'iich' ut eb' laj puub' toj Jaróset-Hakohín. Chixjunileb' laj puub' re laj Sísara ke'kamsiik chi ch'iich' ut maajun kikanaak chi yo'yo.

Jueces 7:23

Toja' naq eb' laj Israel aj Neftalí, aj Aser ut chixjunileb' laj Manasés ke'xjunaji rib' re xsik'inkil eb' laj Madián.

Jueces 15:15

Chirix chik a'an kixtaw jun xkalam e li b'uur li toje'aq na'oso'k li rix, kixye' li ruq', kixxok ut chiru a'an kixkamsi lajeek'aal rox o'q'ob' (1,000) chi winq:

1 Samuel 14:13

Kitaqe'k laj Jonatán chi k'achlenb'il, ut chirix yo laj tenq' re. Neke't'anlok eb' laj Filistea chiru laj Jonatán, ut tikto laj tenq' re naxchoy xkamsinkileb'.

1 Crónicas 19:15

Naq eb' laj Amón ke'ril eb' laj Aram chi elelik, ke'elelik ajwi' eb' a'an chiru laj Abisay, riitz'in laj Johab, ut ke'ok sa' li xtenamiteb'. Toja' naq laj Johab kisutq'iik wi' chik Jerusalén.

Salmos 81:15

Tikto raj tinsacheb' ru li xik' neke'ilok reheb', tintaqsi raj li wuq' chi xsak'b'al eb' laj xik'il uuchinel reheb'.