Levítico 26:6 - Q'eqchi Bible

⁶ Tink'e tuqtuukil usilal sa' leena'aj ut sa ajwi' texwarq, xb'aan naq maajun taaxib'esinq eere. Laa'in te'wisi sa' leetenamit eb' li josq' aj xul ut maa'ani taa'ok chi yalok eerik'in.

Li Santil hu

⁶ La̱in texinqꞌue chi cua̱nc saꞌ tuktu̱quil usilal saꞌ le̱ naꞌaj. Sa texcua̱rk xban nak ma̱ ani ta̱seꞌbesi̱nk e̱re. La̱in tincuisi li joskꞌ aj xul saꞌ le̱ tenamit ut ma̱ ani ta̱oc e̱riqꞌuin chi pletic.

Levítico 26:6 ပူးပေါင်းရင်းမြစ်များ

Isaías 35:9

Maak'a'aq chik aran li kaqkoj chi moko te'nume'q li josq' aj xul sa' li b'e a'an; ka'ajeb' wi' li kolb'ileb' te'b'eeq aran.

Sofonías 3:13

Ut eb' li te'kole'q sa' xyanqeb' laj Israel ink'a' chik te'xb'aanu li maa'usilal chi moko te'tik'ti'iq chik; moko te'xye ta chik b'alaq'il aatin. Naru chik te'tzekanq ut te'hilanq chi sa, chi maajun chik taaxib'esinq reheb'”.

Salmos 147:14

xk'ojob' tuqtuukilal sa'atqeb' laanub'ajlil, ut nakatxch'oolani rik'in chaab'il tzekemq.

Jeremías 30:10

“Ab'an laa'at, a Jakob, aj k'anjelat chiwu, matxiwak -chan li Qaawa'-; mich'inank laach'ool, a Israel, xb'aan naq we'kin laa'in. Tinchalq chakolb'al laa'at jo'wi' eb' laawalal aak'ajol, tatwisi chaq sa' li najtil tenamit katintaqla wi' chi tawasiik, ut tatwanq wi' chik sa' tuqtuukilal, sa' sahilal, chi maajun chik taaxib'esinq aawe.

Hageo 2:9

Q'axal nimaq xloq'al li ochoch a'in chiru li xb'een. Ut sa' li na'ajej a'in tink'e li tuqtuukilal. Laa'in li Qaawa' nim inwankil ninye a'in»”.

Oseas 2:18

“Sa' li kutan a'an, sa' xk'ab'a' lintenamit, tink'ojob' jun sumwank rik'ineb' li josq' aj xul, rik'ineb' li neke'xik'ank ut eb' li k'anti'. Twisi sa' li na'ajej a'in li xna' simaj, li q'esnal ch'iich' ut li yalok re naq twanq sa' tuqtuukilal lintenamit.

Ezequiel 34:25

Tink'ojob' jun li sumwank rik'ineb' a'an, re naq sa te'wanq, ut twisiheb' li josq' aj xul sa' li xna'ajeb', re naq eb' linkarneer te'wanq sa' tuqtuukilal sa'eb' li k'aleb'aal ut te'hilanq sa'eb' li k'iche'.

Salmos 29:11

Li Qaawa' naxk'e xwankilal li xtenamit, li Qaawa' narosob'tesi li xtenamit rik'in tuqtuukilal.

Ezequiel 14:15

“Wi laa'in tintaqla chaq eb' li josq' aj xul sa' li na'ajej a'an re xkamsinkileb' li poyanam ut nakirirnak te'xkanab', chi maajun chik winq taanume'q aran xb'aaneb' li josq' aj xul,

Li xHu LAJ JOB 11:19

Maak'a' taaxib'esinq aawe naq yooqat chi hilank, ut naab'aleb' te'chalq chi xpatz'b'al aawe xtenq'ankileb'.

Éxodo 23:29

Ink'a' te'wisi chixjunileb' chi junpaat; ink'a' twisiheb' chawu chiru jun chihab': mare anchal tkanaaq li ch'och' chi maak'a'eb' poyanam ut te'tamq sa' eeyanq li josq' aj xul.

San Juan 14:27

“Li tuqtuukil usilal ninkanab' eerik'in, lintuqtuukil usilal nink'e eere; ink'a' nink'e eere kama' naxk'e li ruuchich'och'. Misachk eech'ool chi k'oxlak, chi moko chexxiwaq.

Zacarías 9:10

A'an tixjuk'eb' chixjunil li k'anjelob'aal li nayalok wi' laj Efraín ut eb' li kawaay re Jerusalén; tixtoqi eb' li simaj na'uxk wi' yalok ut tixpuktesi resilal li tuqtuukilal reheb' li tenamit. Li xwankilal taawulaq chire jun palaw toj chire li jun chik, ut chalen chire li nima' Éwfrates toj sa' xmaril li ruuchich'och'.

Miqueas 4:4

Ut li junjunq taahilanq sa' xmu li rochoch sa' tuqtuukilal, chi maak'a'aq xxiw. A'an a'in xyehom li Qaawa', li Nimajwal Yos.

Ezequiel 14:17

“Ut wi tintaqla chaq li raaxiik' sa' li tenamit a'an ut tinye naq te'kamsiiq eb' li winq ut eb' li xul,

Ezequiel 5:17

Tintaqla chaq li we'ej, li yajel, li raxkamk sa' eeb'een, ut tintaqla ajwi' chaq eb' li josq' aj xul re naq texkanaaq chi maajunaq chik leeralal eek'ajol. Naab'aleb' sa' eeyanq te'kamq sa' li yalok. Laa'in, li Qaawa', xinyehok re eb' li aatin a'in”.

Salmos 85:8

Chak'ut taxaq chiqu laawuxtaan ut choohaatenq'a taxaq, at Qaawa'!

Salmos 4:8

At Qaawa', naab'al chik xsahil linch'ool xak'e we chiru xchamal xsasal li xtriiweb' ut li x'ak' b'iineb'.

1 Crónicas 22:9

Ab'anan k'e reetal, taayo'laaq jun laawalal ut a'anaq jun li winq re tuqtuukil usilal. Laa'in tink'e tuqtuukilal rik'in chixjunileb' li xik' neke'ilok re sa' chixjunil li na'ajej. Jo'kan naq aj Salomón tixk'ab'a'in. Sa'eb' li kutan a'an laa'in tink'e tuqtuukilal ut usilal reheb' laj Israel.

2 Reyes 2:24

Laj Eliseo kixsutq'isi rib', kikanaak chi xka'yankileb' ut kixmajewaheb' sa' xk'ab'a' li Qaawa'. Toja' naq sa' li k'iche' ke'elk chaq wiib'eb' li tz'uqtz'un, ut ke'xt'upi wiib' roxk'aaleb' xkomoneb' li saaj aleb'.

Romanos 5:1

Jo'kan utan, tiikob'resinb'il chik li qach'ool xb'aan li paab'aal, ut wanko sa' tuqtuukil usilal rik'in li Yos sa' xk'ab'a' li Qaawa' Jesukriist.

Hechos 12:6

Haye'k re xhonalil naq taak'ute'q laj Pedro chiruheb' li tenamit xb'aan laj Herodes, ut sa' ajwi' li q'oqyink a'an yo chi wark sa' xyiheb' wiib'eb' aj puub', b'ak'b'o rik'in wiib' chi kareen. Wankeb' ajwi' aj k'aak'alenel chire li tz'alam,

Ezequiel 14:21

“Laa'in, li Qaawa', ninye chi jo'ka'in: Q'axal ra wi' chik cho'q reheb' laj Jerusalén naq tintaqla sa' xb'eeneb' li kaahib' chi rahilal jwal xiwajel: li raaxiik', li we'ej, eb' li josq' aj xul ut li raxkamk, ut tink'eheb' chi kamk li winq jo'wi' eb' li xul.

Jeremías 31:26

Toja' naq ajaamil wu ut kiwulak chiwu linmatk'.

Isaías 45:7

Laa'in ninyoob'ank re li kutan ut li aak'ab', ninb'aanu li usilal jo'wi' li rahilal. Laa'in li Qaawa' ninb'aanunk re chixjunil a'in.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Salmos 3:5

Ninyaab'a xk'ab'a' li Qaawa', ut a'an nikinxsume chalen chaq toj sa' li xloq'laj tzuul.

Proverbios 6:22

A'an tk'amoq aab'e naq tatb'eeq; tatxk'aak'ale naq tatsotlaaq; ut taaseeraq'iq aawik'in naq taa'ajq aawu.

Proverbios 3:24

Maak'a' taaxiwa naq tatyoklaaq; ut naq akaq xatsotlaak, sa tatwarq.

Li xHu LAJ JOB 5:23

Eb' li pek sa' li awimq ut li josq' aj xul te'wanq sa' amiiwil aawik'in.

Levítico 26:22

Tintaqla chaq eb' li josq' aj xul sa' eeb'een li te'xtiweb' leeralal eek'ajol, te'xt'upi leewakax. Moko k'ihex ta chik texwanq ut nakirirnak taakanaaq li b'e.

Levítico 26:7

Laa'ex teeraanilaheb' li xik' neke'ilok eere ut eb' a'an te'kamsiiq chi ch'iich' cheru laa'ex.

Levítico 26:25

Texinrahob'tesi rik'in q'esnal ch'iich' li taa'eeqajunq chirix li Sumwank; laa'ex texxik sa'atqeb' leetenamit re xkolb'al eerib', ab'an laa'in tintaqla chaq li raxkamk sa' eeyanq ut laa'ex texq'axtesiiq sa' ruq'eb' li xik' neke'ilok eere.

Levítico 25:18

Paab'omaq linchaq'rab', chek'uula sa' leech'ool lintaqlahom ut k'anjelahomaq ru, re naq sa wanqex sa' li tenamit a'in.

Levítico 25:19

Taa'uuchinq li ch'och', ut laa'ex texwanq sa' xyaalal chisa' ut teetzeka li ru toj reetal taak'ojlaaq eech'ool.

2 Crónicas 20:30

Chalen sa' li kutan a'an li x'awab'ejom laj Josafat kiwank sa' tuqtuukilal, xb'aan naq li Qaawa' li xYos kixk'eheb' chi wank sa' xyaalal chixjunileb' li wankeb' chi xsutam.

Salmos 144:14

Kawaqeb' ta rib' li qaketomq, maak'a'aq ta chik xhopoxil ut xpahalal li qatenamit, chi moko chiwanq japok e sa' li qak'ayiil.

Isaías 35:8

Ut taawanq jun nimb'e li tixk'ab'a'in: “Loq'laj B'e”. Ink'a' te'nume'q aran li ink'a' neke'xpaab' li Qaawa', chi moko eb' li maak'a' xna'leb' te'xb'eeni rib' chisa'.

Ezequiel 34:27

Te'uuchinq eb' li che', li loq'laj ch'och' tixk'e li awimq; ut eb' a'an te'wanq sa' li xna'ajeb' sa' tuqtuukilal. Naq laa'in tinkol lintenamit sa' ruq'eb' li xe'tawasink ut xe'munink reheb', aran te'xnaw naq laa'in li Qaawa'.

Oseas 2:20

Tatink'am wik'in rik'in chaab'ilal ut aran taanaw naq laa'in li Qaawa' laaYos.