Levítico 26:44 - Q'eqchi Bible

⁴⁴ “Ab'an chirix chixjunil a'in, us ta wanqeb' chaq sa' xtenamiteb' li xik' neke'ilok reheb', laa'in ink'a' te'sachq sa' inch'ool, ink'a' tintz'eqtaanaheb'; moko tinsach ruheb' chi junajwa, chi moko tsachq sa' inch'ool li Sumwank kinb'aanu rik'ineb', xb'aan naq laa'in li Qaawa', li xYoseb'.

Li Santil hu

⁴⁴ Usta xetzꞌekta̱na lin chakꞌrab ut usta cuanquex saꞌ xtenamiteb li xicꞌ nequeꞌiloc e̱re, abanan la̱in incꞌaꞌ texintzꞌekta̱na, chi moco texsachk saꞌ inchꞌo̱l. Incꞌaꞌ tinsach e̱ru xban nak toj cuan saꞌ inchꞌo̱l li contrato quinba̱nu riqꞌuineb le̱ xeꞌto̱nil yucuaꞌ. La̱in li Ka̱cuaꞌ le̱ Dios.

Levítico 26:44 ပူးပေါင်းရင်းမြစ်များ

Romanos 11:2

Li Yos ink'a' xtz'eqtaana li xtenamit li xsik'om chaq ru chi junxilaj. Malaj ink'a' nekenaw li naxye li Santil Hu chirix laj Elías, chanru naq nakoxraatina chaq li Yos re xjitb'aleb' laj Israel?

Nehemías 9:31

Ut sa' xk'ab'a' xnimal laarahom ink'a' kasacheb' chi junajwa chi moko kakanab'eb' xjunes, xb'aan naq laa'at jun Yos aj uxtaan ut chaab'il laach'ool.

Salmos 94:14

Xb'aan naq li Qaawa' ink'a' tixtz'eqtaana li xtenamit, chi moko tixkanab' xjunes li reechanihom.

2 Reyes 13:23

Ab'an li Qaawa' kixtoq'ob'a ut kiruxtaana ruheb', kisutq'iik wi' chik rik'ineb' sa' xk'ab'a' li xsumwank rik'in laj Abrahán, laj Isahak ut laj Jakob, ut ink'a' kiraj xsachb'aleb' ru chi junajwa, chi moko kixtz'eqtaanaheb' chalen toj anaqwan.

Romanos 11:26

Toja' naq taakole'q chixjunil laj Israel, jo' tz'iib'anb'il sa' li Santil Hu: “Aran Sión taachalq chaq laj Kolonel ut a'an taarisi li xmaa'usilal laj Jakob.

Ezequiel 16:60

Ab'an laa'in toj wank sa' inch'ool li sumwank kink'ojob' aawik'in naq toj saajat chaq, ut tinxaqab' xwankil linsumwank chi junajwa.

Jeremías 33:26

tintz'eqtaanaheb' aj raj wi' eb' li ralal xk'ajol laj Jakob ut eb' li ralal xk'ajol laj David, laj k'anjel chiwu. Ut ink'a' raj tinxaqab' junaq li ralal chi awab'ejink sa' xb'eeneb' li ralal xk'ajol laj Abrahán, laj Isahak ut laj Jakob. Xb'aan naq wajom laa'in naq te'sutq'iiq chaq wi' chik sa' li xna'ajeb' ke'k'ame'k wi' chi preexil ut twuxtaana ruheb'”, chan li Qaawa'.

Jeremías 30:11

Laa'in, li Qaawa', ninye li waatin naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.

Jeremías 14:21

Moohaatz'eqtaana sa' xk'ab'a' laarahom, chi moko chatz'eq chirix laach'ool laaloq'laj k'ojarib'aal. Jultikaq aawe laaSumwank qik'in ut maasach xwankil a'an.

Salmos 89:33

tink'eheb' chi xtojb'al li xmaakeb' rik'in che' ut tink'ajtesiheb' ru chi tz'uum xb'aan naq ke'xq'et li waatin.

Levítico 26:11

“Laa'in tink'ojob' linmuheb'aal sa' eeyanq ut ink'a' texintz'eqtaana;

Jueces 2:1

Naq li x'ánjel li Qaawa' ki'elk chaq Kilkal ut koho Betel, kixye reheb' laj Israel: “Laa'in kin'isink chaq eere Ejiipt ut kexwoksi sa' li ch'och' inyeechi'om reheb' leena' leeyuwa' naq kinye reheb': «Maajaruj tinq'et linSumwank eerik'in.

Génesis 17:7

Tink'ojob' chi junajwa linSumwank aawik'in, jo' ajwi' rik'ineb' laawalal aak'ajol li te'wanq moqon. Laa'inaq laaYos ut xYoseb' ajwi' laawalal aak'ajol chi junelik.

Nehemías 9:17

Ink'a' ke'raj paab'ank chi moko xjultikankil eb' li sachb'ach'oolej kab'aanu sa' xyanqeb'; ke'xkawub'resi b'an xch'ooleb' ut ke'xxaqab' jun aj k'amol b'e re te'sutq'iiq wi' chik Ejiipt sa' li munil. Ab'anan laa'at li Yos aj kuyul maak, chaab'il laach'ool ut aj uxtaanat; ink'a' nakatjosq'o'k sa' junpaat ut k'ajo' laarahom. Ink'a' kakanab'eb' xjunes.

Salmos 103:13

Jo' junaq yuwa'b'ej naxraheb' li ralal xk'ajol, jo'kan ajwi' li Qaawa' naxtoq'ob'a ruheb' li neke'paab'ank re.

Jeremías 24:5

“Laa'in li Qaawa', xYos laj Israel, ninye chi jo'ka'in: Laa'in twusila ruheb' laj Judá, li kiwisiheb' sa' li na'ajej a'in re naq ke'k'ame'k sa' xtenamiteb' laj Kaldeha. Jo'qeb' chaab'il iig cho'q we.

Jeremías 31:20

“Laj Efraín a'an jun alalb'ej jwal loq' cho'q we laa'in, a'an li walal q'axal raaro inb'aan. Us ta ninq'us chi kaw, ab'an junelik wank sa' inch'ool; namayok li waanm chirix, nawil xtoq'ob'aal ru ut jwal ninra -chan li Qaawa'-.