Levítico 26:39 - Q'eqchi Bible

³⁹ Ut eb' li te'kanaaq chi yo'yo sa' eeyanq, te'kamq xb'aaneb' li xmaa'usilaleb' sa' li xna'ajeb' li xik' neke'ilok eere: te'kamq rochb'eeneb' li xna' xyuwa' sa' xk'ab'a' li xmaa'usilaleb'.

Li Santil hu

³⁹ Li joꞌ qꞌuialex li incꞌaꞌ tex-osokꞌ kꞌaxal ra te̱cꞌul ut tacuasinbilakex saꞌ lix naꞌajeb li xicꞌ nequeꞌiloc e̱re xban le̱ ma̱c ut xban lix ma̱queb le̱ naꞌ e̱yucuaꞌ.

Levítico 26:39 ပူးပေါင်းရင်းမြစ်များ

Ezequiel 4:17

Taamajelo'q li tzekemq ut li ha', ut k'ajo'aq xxiweb' naq te'xka'ya rib' chirib'ileb' rib', toj reetal te'oso'q sa' li xmaa'usilaleb'”, chan li Qaawa'.

Ezequiel 33:10

“At kaamel winq, ye reheb' li ralal xk'ajol laj Israel: «Laa'ex nekeye: Oso'jenaqo sa' li maak ut li q'etb'a aatin. Chan ta chik ru naq tookole'q, chankex».

Ezequiel 24:23

b'atb'ooq leejolom sa' t'ikr ut wanq leexaab' cheroq. Miraho'k leech'ool chi moko texyaab'aq; tex'oso'q b'an sa' leemaak ut teeq'oqo aj chik eerib' chejunjunqal.

Ezequiel 6:9

Eb' li te'kole'q tinjultiko'q reheb' sa'eb' li tenamit xe'k'ame'k wi'. Te'jultiko'q reheb' chanru naq xinrahob'tesiheb' xb'aan naq xe'xmux li xpaab'aaleb' ut xkoheb' xch'ool chirixeb' li jalanil yos. Eb' a'an te'xyib' rib' xb'aan li k'iila maa'usilal xe'xb'aanu jo'wi' xb'aan li jo'maajo'il b'aanuhem.

Deuteronomio 28:65

Moko taataw ta xsahil aach'ool sa'eb' li tenamit a'an chi moko wanq xhilaal laawoq, xb'aan naq li Qaawa' taab'aanunq re naq xiw xiw wanqat ut lumluuqat. Tixk'e chi lub'k laawaanm.

Éxodo 20:5

“Maahupub' aawib' chiruheb' chi moko taaloq'oniheb' ru. Xb'aan naq laa'in li Qaawa' laaYos, laa'in jun Yos aj sowen: ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i li xik' neke'ilok we;

Zacarías 10:9

Laa'in xincha'cha'iheb' sa' chixjunileb' li tenamit, ab'an us ta wanqeb' chaq chi najt, tinjultiko'q chaq reheb'; ut sa' jun kutan te'sutq'iiq chaq rochb'eeneb' li ralal xk'ajoleb'.

Oseas 5:15

“Chirix chik a'an tinsutq'iiq wi' chik sa' linna'aj, toj reetal te'xk'e reetal li xmaakeb' ut toline'xsik'. Naq wanqeb' sa' rahilal, relik chi yaal naq toline'xsik'”.

Ezequiel 36:31

Toja' naq taajultiko'q eere leeyib' aj b'aanuhom jo'wi' leek'anjel moko chaab'il ta; texxutaanaq chik xb'aan leemaak ut leemaa'usilal.

Ezequiel 20:43

Aran taajultiko'q eere leenajter yu'am ut chixjunil leeb'aanuhom li xetz'ajni wi' eerib', ut texxutaanaq xb'aan leek'iila maa'usilal xeb'aanu.

Ezequiel 18:19

Mare laa'ex teeye: «K'a'ut naq li alalb'ej ink'a' naxtoj rix xmaak li xyuwa'?». Ink'a', xb'aan naq a'an xb'aanu li us ut li tiikilal, xpaab' ut xk'anjela ru chixjunileb' linchaq'rab'; jo'kan naq ch'olch'o naq taawanq xyu'am.

Lamentaciones 4:9

Q'axal us xaq reheb' li xe'kamsiik chi q'esnal ch'iich' chiruheb' li xe'kamk xb'aan we'ej, xb'aan naq eb' a'in timil timil xe'kamk xb'aan xmajelal li xtzekemqeb'.

Jeremías 31:29

“Chiruheb' li kutan a'an ink'a' chik taayeemanq: «Eb' li na'b'ej yuwa'b'ej xe'xk'ux chaq li uub' rayre ut eb' li alal k'ajolb'ej wankeb' chik xxulum e»;

Jeremías 29:12

Toja' naq teepatz' link'ab'a', tulextijoq chiwu, ut laa'in texwab'i.

Jeremías 3:25

Qakub'siiq b'i' li qawankil xb'aan qaxutaan, ut chookanaaq chi maak'a' chik qaloq'al, xb'aan naq xoomaakob'k chiru li Qaawa' li qaYos, chalen chaq sa' li qasaajilal, laa'o ut eb' li qana' qayuwa'. Ink'a' xoo'ab'ink chiru li Qaawa' li qaYos”.

Nehemías 1:9

Ab'an wi texsutq'iiq chaq wik'in, wi teepaab' ut teek'anjela ru linchaq'rab', tinxik chesik'b'al ut texink'am wi' chik sa' li na'ajej sik'b'il ru inb'aan cho'q inmuheb'aal, us ta ak cha'cha'inb'ilex toj sa' xmaril li choxa», chankat.

Deuteronomio 30:1

“Naq taak'ul chixjunil laawosob'tesinkil ut laatz'eqtaanankil li xinye aawe, wi taatz'il rix sa' laach'ool sa' xyanqeb' chixjunil li tenamit b'arwi' xatxcha'cha'i li Qaawa' laaYos,

Deuteronomio 5:9

Maahupub' aawib' chiruheb' chi moko taaloq'oniheb' ru. Xb'aan naq laa'in li Qaawa' laaYos, laa'in jun Yos aj sowen: ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i li xik' neke'ilok we;

Números 14:18

Li Qaawa' jwal timil najosq'o'k ut q'axal nim xchaab'ilal li xch'ool. Naxkuy li maa'usilal ut li q'etq'etil, us ta ink'a' naxkanab'eb' yal chi jo'kan li wankeb' xmaak, naxk'e b'an chi xtojb'al rix xmaak li yuwa'b'ej sa' xb'eeneb' li alal k'ajolb'ej toj sa' li rox ut xka xteepal riyajil li tenamit.

Éxodo 34:7

Xaqxo linrahom chiru k'iila o'q'ob' chihab' ut ninkuy li maa'usilal, li q'etq'etil ut li maak; ab'an ink'a' ninkanab'eb' laj maak chi maak'a' ta xtojb'aleb' rix li xb'aanuhom, ut ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i”.

Isaías 14:21

Kawresihomaq eerib' chi xkamsinkileb' li ralal xk'ajol xb'aan li xmaakeb' li xna' xyuwa'eb', re naq ink'a' chik te'wakliiq chi numtaak sa' xb'een li ruuchich'och' chi moko te'k'ojob'anq chik tenamit junsut junrub'el choxa”.

Isaías 24:16

Sa' xkaaxukuutil li ruuchich'och' naqab'i li b'ichank: “Chinimaaq xloq'al li jwal tiik xch'ool”. A'ut laa'in xinye: “Toq'ob' xaq wu, toq'ob' xaq wu, xin'oso'k!”. Eb' laj b'alaq' yookeb' chi b'alaq'ik, ut k'ajo' li maa'usilal neke'xb'aanu!

Lamentaciones 1:3

Rahob'tesinb'ileb' ut tawasinb'ileb' laj Judá; xe'k'ame'k sa' jalan chik tenamit chi k'anjelak chi kaw. Xe'chape'k xb'aaneb' li neke'numtaak sa' xb'eeneb', ut maab'ar neke'xtaw xk'ojob'ankil xch'ooleb'.

Deuteronomio 8:20

Jo' naq li Qaawa' tixsacheb' li tenamit sa' laanumik, jo'kan ajwi' naq tex'oso'q laa'ex, xb'aan naq ink'a' xeraj rab'inkil xyaab' xkux li Qaawa' leeYos.

2 Crónicas 34:24

naq li Qaawa' xye chi jo'ka'in: Tintaqla chaq nimla rahilal sa' xb'een li na'ajej a'in ut sa' xb'eeneb' li wankeb' arin. Tintaqla chaq chixjunileb' li majewal tz'iib'anb'ileb' sa' li hu xyaab'asimank xsa' chiru li awab'ej re Judá,

Esdras 9:7

Chalen chaq sa' xkutankileb' li qana' qayuwa' toj anaqwan wanko sa' maak. Xb'aan li qamaa'usilal laa'o ut xmaakeb' li awab'ej ut eb' laj tij xooq'axtesiik sa' ruq'eb' li awab'ej li jalanq xtenamiteb'. Xootiq'e'k, xook'ehe'k sa' tz'alam, xoohob'e'k ut xe'relq'a li k'aru wank qe, ut toj yo a'in anaqwan.