Levítico 26:36 - Q'eqchi Bible

³⁶ “Jo'k'ihaleb' sa' eeyanq te'kole'q, teb'ink'e chi xiwak ut te'eleliq naq te'rab'i chi t'ane'k junaq xxaq li che'; te'eleliq kama' tawi' naq yooqeb' chi elelik sa' li yalok, ut te't'ane'q chi maajun taa'aanilasinq reheb'.

Li Santil hu

³⁶ Ut eb li incꞌaꞌ teꞌsachekꞌ ru la̱in tinqꞌue xxiuheb saꞌ li naꞌajej li cua̱nkeb cuiꞌ. Teꞌxucuak chiruheb li xicꞌ nequeꞌiloc reheb. Ut teꞌe̱lelik yal xban xya̱b li xak cheꞌ nak na-ecꞌasi̱c xban li ikꞌ. Teꞌa̱linak xban xxiuheb ut teꞌtꞌanekꞌ xban xxiuheb usta ma̱ ani yo̱k chi a̱lina̱nc reheb.

Levítico 26:36 ပူးပေါင်းရင်းမြစ်များ

Ezequiel 21:7

Ut naq eb' a'an te'xpatz' aawe: «K'a'ut naq yookat chi yaab'ak?», taaye reheb': «Ninyaab'ak xb'aan resilal li taak'ulmanq. Naq taawulaq xkutankil a'an, chixjunileb' te'ch'inanq xch'ool ut te'mayoq li raanm; chixjunileb' te'memo'q ut siksootqeb' xb'aaneb' xxiw». K'ehomaq reetal naq ak waye' chaq; relik chi yaal naq taak'ulmanq”, chan li Qaawa'.

Isaías 30:17

Jun mil chi poyanam sa' eeyanq te'eleliq xb'aan jun chi winq ut chejunilex laa'ex tex'eleliq chiruheb' oob' li xik' neke'ilok eere, toj reetal wiib' oxib' aj chik texkanaaq, jo' naq nakanaak chi kumku li che' chiru tzuul malaj jo' jun eetalil sa' xb'een junaq b'ool.

Levítico 26:17

Laa'in tinjosq'o'q eerik'in ut eb' li xik' neke'ilok eere te'xq'ax eeru; te'numtaaq sa' eeb'een eb' li neke'kaqalink eere, ut tento tex'eleliq chi maajun taa'aanilasinq eere.

Ezequiel 21:15

K'ajo' naq te'xiwaq xb'aan li ch'iich', ut naab'aleb' li te'kamsiiq. Sa' li junjunq chi okeb'aal xinxaqab'eb' laj kamsinel chi ch'iich': nalemtz'unk ru li ch'iich' re naq replotq rilb'al, ut q'esnanb'il li re chi us, re kamsink.

Ezequiel 21:12

Jap aawe chi yaab'ak, at kaamel winq, huyhuytqat xb'aan naq taakamsiiq chi ch'iich' lintenamit; ut chixjunileb' li xjolomileb' laj Israel tento te'kamsiiq rochb'eeneb' lintenamit. Jo'kan naq ten li re laach'ool

Isaías 7:4

ut toxaaye re: «K'e reetal ut kawaq aach'ool. Matxiwak ut mich'inank laawaanm xb'aaneb' li wiib' kok' ru'uj si' a'an, a' laj Rasín rochb'eeneb' laj Siria ut li ralal laj Romelías.

Isaías 7:2

Naq li xjunkab'al laj David ke'rab'i resil naq eb' laj Siria xjunajihomeb' rib' rik'ineb' laj Efraín, k'ajo' naq ke'chalk xxiw li awab'ej ut eb' li tenamit, ut ke'ok chi siksotk jo'eb' li che' naq neke'eek'asiik xb'aan li kawil iq' sa' li k'iche'.

Proverbios 28:1

Li ink'a' us xna'leb' na'elelik, us ta maajun na'aanilasink re; ab'an li tiik xch'ool maak'a' naxxiwa, jo' li kaqkoj.

2 Crónicas 14:14

Moqon ke'reechani ajwi' chixjunileb' li tenamit wankeb' chi xsutam Kerar, xb'aan naq li Qaawa' kiroksi xxiweb'. Eb' laj Judá ke'xxok xsa' chixjunileb' li tenamit, xb'aan naq k'ajo' li k'a'aq re ru wank chisa'eb'.

1 Samuel 17:24

Naq eb' laj Israel ke'ril li winq a'an, k'ajo' naq ke'xiwak ut ke'elelik chiru,

Josué 5:1

Chixjunileb' li awab'ej re Amor li wankeb' junpak'al li nima' Jordán, sa' rokeb'l saq'e, ut chixjunileb' li awab'ej re Kanahán li wankeb' sa' xjayal li palaw ke'rab'i resil naq li Qaawa' kixchaqihob'resi li nima' Jordán re naq eb' laj Israel te'nume'q junpak'al. K'ajo' naq ke'ok xxiw ut ke'ch'inank xch'ool chiruheb' laj Israel.

Deuteronomio 1:44

Chi jo'kan eb' laj Amor, li wankeb' sa' li na'ajej a'an, ke'elk chaq chek'ulb'al, kexraanilasiheb' jo' raj ajwi' ke'xb'aanu li saqk'aw, ut ke'numtaak sa' eeb'een aran Seír toj Jormá.

Génesis 35:5

Chirix chik a'an koheb', ut jun nimla xiw kikub'eek sa' xb'eeneb' li tenamit li wankeb' chi xsutam; jo'kan naq ink'a' ke'xtaaqe eb' li ralal laj Jakob.

Génesis 4:12

Us ta taak'anjela li ch'och', ab'an ink'a' taa'uuchinq; ut taab'eeni aj chik aawib' jo' aj eelel sa' ruuchich'och' chi junelik”.

Levítico 26:35

Jo' najtil taawanq li ch'och' chi yamyo, tixyal xsahil li hilank cho'q reeqaj chixjunileb' li sábado li tento raj xhilank naq xexwank aran laa'ex.

Josué 7:5

Ke'kamsiik tana waqlaju xka'k'aalaq chi winq xb'aaneb' laj Ay, ut eb' li xkomon ke'aanilasiik chirix li tenamit, toj Sebarín, ut ke'sache'k sa' li kub'sink. Jo'kan naq ke'ch'inank xch'ool eb' laj Israel ut ke'ok xxiw.

Li xHu LAJ JOB 13:25

Chanchanin junaq xaq-q'een k'amb'il xb'aan li iq': k'a'ut nakawaj xsachb'al wu? Chanchanin li chaqi-k'im maak'a' na'ok wi': k'a'ut nakab'aanu rahilal we?

Salmos 53:5

Ma ink'a' te'xtaw xyaalal eb' laj b'aanuhom maa'usilal, chixjunileb' li neke'xlow lintenamit jo' nawa'e'k li wa, eb' li ink'a' neke'xpatz' xk'ab'a' li Qaawa'?

Jeremías 37:10

Us ta texnumtaaq sa' xb'eeneb' laj Kaldeha li yookeb' chi yalok eerik'in, ut yal wiib' oxib'eb' aj chik te'kole'q chi tiq'ilkaqeb', ab'an eb' a'an chixjunqaleb' raj te'wakliiq wi' chik sa' li xmuheb'aaleb' ut te'xk'e xxamlel li tenamit a'in”.

Jeremías 46:16

Eb' laasoldaad xe'tichk'ok ut xe't'ane'k chiru ch'och' ut neke'xye chirib'ileb' rib': «Wakliiqo ut sutq'iiqo sa' li qana'aj, sa' li tenamit yo'lajenaqo wi'; eleliqo chiru li xnimal kamsink a'in», chankeb'.

Lamentaciones 1:3

Rahob'tesinb'ileb' ut tawasinb'ileb' laj Judá; xe'k'ame'k sa' jalan chik tenamit chi k'anjelak chi kaw. Xe'chape'k xb'aaneb' li neke'numtaak sa' xb'eeneb', ut maab'ar neke'xtaw xk'ojob'ankil xch'ooleb'.

Lamentaciones 1:6

X'oso'k chixjunil li xch'ina'usal Sión. Eb' li xjolomil li tenamit chanchaneb' chik li kej li ink'a' neke'xtaw xwaheb'. Maak'a' chik xmetz'eweb' naq yookeb' chi elelik chiruheb' li neke'raj xchapb'aleb'.

Lamentaciones 4:19

Eb' li xe'raj qachapb'al q'axal kaw xe'aanilak chiruheb' li t'iw. Xoohe'xsik'i sa' k'iche' ut xe'xk'e qara'lenkil sa' li chaqich'och'.

Salmos 53:6

Ab'an te'xsiksiki rib' xb'aaneb' xxiw, us ta maak'a' taaxib'esinq reheb', xb'aan naq li Yos tixsach xwankil li xik' na'ilok re. Numtajenaq te'k'ute'q xxutaan xb'aan naq li Yos naxtz'eqtaanaheb'.

Salmos 89:43

Xak'e wi' chik xmetz'ew eb' li xik' neke'ilok re rik'in xk'ojob'ankil xch'ooleb' ut xtenq'ankileb'.

Oseas 8:3

A'ut eb' laj Israel xe'xtz'eqtaana li usilal chaab'ilal; jo'kan naq eb' li xik' neke'ilok reheb' te'xkut rib' sa' xb'eeneb'.