Levítico 26:32 - Q'eqchi Bible

³² “Nakirirnak li ch'och' tinkanab', ut eb' li xik' neke'ilok eere li te'chalq chi wank aran, te'sachq xch'ool.

Li Santil hu

³² La̱in tinsach ru le̱ naꞌaj. Ut teꞌsach xchꞌo̱leb li xicꞌ nequeꞌiloc e̱re li cuanqueb aran.

Levítico 26:32 ပူးပေါင်းရင်းမြစ်များ

Jeremías 9:11

“Jun tuub' chi pek tinsutq'isi wi' Jerusalén, cho'q xna'ajeb' laj xojb'; nakirirnak tinkanab' chixjunileb' li tenamit sa' xteepal Judá ut maajun chik taakanaaq chisa'”.

Jeremías 25:11

Chixjunil li na'ajej a'in taasachmanq ut putz'inb'il taakanaaq. Ut chiru lajeeb' xkaak'aal chihab' chixjunileb' te'k'anjelaq chiru li awab'ej re Babilonia.

Jeremías 19:8

Joxk' ut xiwajel tinkanab' li tenamit a'in: chixjunileb' li te'nume'q arin te'sachq xna'leb' chi rilb'al a'an ut te'xse'e li xsachik li tenamit.

Jeremías 18:16

Chi jo'kan xe'xsutq'isi li xna'ajeb' jo' li chaqich'och', re naq se'enb'ilaqeb' chi junwaakaj. Yalaq ani taanume'q aran tixb'anb'ani li xjolom chi sachsooq li xch'ool.

Ezequiel 5:15

Tathob'e'q ut tatmajewaaq xb'aaneb' li tenamit sutsuukat wi'. Naq tinraqoq aatin sa' aab'een rik'in linjosq'il ut xninqal rahilal, chixjunileb' te'xtaw xyaalal -chan li Qaawa' Yos-.

Jeremías 25:18

Kink'e chi ruk'eb' laj Jerusalén, eb' laj Judá, jo'wi' kink'e reheb' li awab'ej ut eb' li xninqal ru winq, re xsachb'al ruheb' ut xkanab'ankileb' chi kok'putz' chi junajwa ut chi xiwajelaq rilb'al, chi tz'eqtaananb'ilaqeb' ut majewanb'ilaqeb', jo' wankeb' chalen toj anaqwan.

1 Reyes 9:8

Ut chixjunileb' li te'nume'q chiru li xchaq'alil ru ochoch a'in, naq po'lemaq aj chik, te'sachq xch'ool, te'se'eq ut te'xpatz'i rib' chirib'ileb' rib': «K'a'ut anchal naq li Qaawa' xb'aanu chi jo'kan re li tenamit ut li ochoch a'in?», cha'qeb'.

Deuteronomio 28:37

Ut chixjunileb' li tenamit te'sachq xch'ool chawilb'al; laa'ataq jun jaljookil aatin chiruheb' ut xse'eelaqeb' chixjunileb' li tenamit b'arwi' tatxk'am li Qaawa'.

San Lucas 21:20

“Naq teeril li tenamit Jerusalén sutsuuq xb'aaneb' laj puub', chenawaq naq nach' chik wank li xnimal xsachik.

Habacuc 3:17

Us ta ink'a' chik taatuxmeq li xche'el li iig ut maak'a'aq chik ru li uub'; us ta ink'a' chik taa'uuchinq li oliiw ut li ch'och' ink'a' chik tixk'e qatzekemq; us ta maak'a'aqeb' chik li karneer sa' li xna'ajeb' chi moko wanqeb' chik qawakax sa' li xwa'leb'aaleb',

Daniel 9:18

K'e chaq laaxik chi ab'ink, at inYos. Chak'e reetal li qarahilal ut chawil taxaq chanru wank laatenamit Jerusalén: nakirirnak aj chik li na'ajej nayaab'asimank wi' laak'ab'a'. Moko kaw ta qach'ool xb'aan xtiikilal li qab'aanuhom, rik'in b'an li xnimal aawuxtaan. Jo'kan naq chawab'i taxaq li qatij.

Daniel 9:2

laa'in laj Daniel kin'ok chi xtz'ilinkil rix li lajeeb' xkaak'aal chihab' taawanq wi' chi juk'b'il ru li tenamit Jerusalén, jo' kiyehe'k re laj Jeremías xb'aan li Yos.

Lamentaciones 5:18

Li tzuul Sión nakirnak aj chik; juneseb' aj chik li yak neke'b'eek aran.

Lamentaciones 4:12

Eb' li awab'ej ut li tenamit sa' ruuchich'och' maajun sut xe'xk'oxla naq laj rahob'tesinel ut eb' li xik' neke'ilok te'ok ta sa' li tenamit Jerusalén.

Jeremías 44:22

Ab'an li Qaawa' ink'a' chik naxkuy leemaak ut li jo'maajo'il b'aanuhom li ink'a' nawulak chiru; jo'kan naq leena'aj nakirirnak aj chik ut maajun chik wank aran; majewanb'il aj chik ut q'axal xiwajel ru anaqwan.

Jeremías 44:2

“Jo'ka'in xye li Nimajwal Yos, li xYos laj Israel: «Laa'ex xeril rik'in leeru chixjunil li rahilal kinb'aanu re Jerusalén ut sa' chixjunileb' li tenamit sa' xteepal Judá. Anaqwan po'lem aj chik, maajun chik wank aran,

Jeremías 25:38

Jo' junaq kaqkoj li x'elk sa' li xna'aj, jo'kan ajwi' naq li Qaawa' x'elk chi xsachb'al ru li xtenamit, ut li na'ajej xkanaak chi po'lemil, xb'aan naq xlochk xxamlel xjosq'il li Qaawa', ut jun nimla raaxiik' xtaqlaak chaq sa' xb'eeneb'.

Isaías 64:10

Eb' laasantil tenamit neke'kirirnak xe'kanaak, maajun chik wank sa' li tenamit Sión ut Jerusalén xkanaak chi po'lemil.

Isaías 24:1

Ilomaq, li Qaawa' ok re chi xsachb'al li ruuchich'och': tixyamtesi, tixchiq'le ru ut tixcha'cha'i chixjunileb' li poyanam.

Isaías 6:11

Ut laa'in kinpatz' re: “Jo'q'e taak'ulmanq a'an, at inQaawa'?”, chankin. Ut a'an kixye we: “Toj reetal te'juk'manq eb' li tenamit ut maajun chik poyanam wanqeb' chisa'; toj te'oso'q chixjunileb' li winq sa'eb' li ochoch ut nakirirnak te'kanaaq eb' li k'aleb'aal,

Isaías 5:9

Jo'ka'in xwab'i chi xyeeb'al li Nimajwal Yos: “Naab'aleb' li ochoch te'juk'manq. Us ta jwal ninq ut ch'ina'usil kab'l te'wanq aran, maajun chik poyanam taawanq chisa'.

Isaías 5:6

Nakirirnak tinkanab' li ch'och' a'an: ink'a' chik taa'aq'iiq chi moko taasaab'esiiq, chamo'qaq li pim ut chinujaq li k'ix sa' xb'een. Ut tinram chiruheb' li choql re naq ink'a' tixk'e li hab' sa' xb'een.

Jeremías 12:11

Nayamnak ut nakirnak xe'xkanab' chi q'axal toq'ob'aal ru; po'lem xkanaak chixjunil, ab'an maajun naraho'k b'ayaq xch'ool chirix.

Jeremías 33:10

Jo'ka'in kixye li Qaawa': “Laa'ex nekeye naq li na'ajej a'in nayamnak aj chik ru, maajun poyanam chi moko junaq xul wank chisa'. Nekeye ajwi' naq sa' xteepal Judá ut sa'eb' li b'e re Jerusalén maak'a' chik wank aran, chi moko winq chi moko xul. Ab'an sa'eb' li na'ajej a'an toj taa'ab'imanq