Levítico 26:31 - Q'eqchi Bible

³¹ po'lem tinkanab' leeninqal tenamit ut tinsacheb' li rochochil leejalanil yos; ink'a' chik taaxik inch'ool chirix leesununkil b'an.

Li Santil hu

³¹ La̱in tinjuqꞌuiheb le̱ tenamit ut tinsacheb chi junaj cua eb li naꞌajej li nequexlokꞌonin cuiꞌ. Ut incꞌaꞌ chic tincꞌul le̱ sununquil ban li nequecꞌat chicuu.

Levítico 26:31 ပူးပေါင်းရင်းမြစ်များ

Nehemías 2:3

ut kinye re li awab'ej: “At awab'ej, sahaq taxaq aach'ool chi junelik! K'a' naq ink'a' rahaq inch'ool? Li tenamit b'arwi' wank xmuqleb'aaleb' linna' linyuwa' xkanaak chi po'lemil ut k'atb'il chik li rokeb'aal”.

Hebreos 10:26

Xb'aan naq ak xqanaw li yaal; ut wi nokoomaakob'k wi' chik chi yal traj qach'ool, maak'a' chik aj e li mayejak chirix li maak,

Ezequiel 9:6

Kamsihomaqeb' li cheekel winq, eb' li saaj al, eb' li tuq'ixq, eb' li kok'al ut eb' li ixq, toj reetal naq maajun chik taakanaaq. Ab'anan meekamsiheb' li wankeb' reetalil chi xpeekemeb', ut tikib'omaq wan wi' linsantil ochoch”. Toja' naq eb' li winq ke'xtikib' xkamsinkileb' li cheekel winq li wankeb' chiru li rochoch li Yos.

Lamentaciones 2:7

Li Qaawa' xtz'eqtaana li x'artal ut xtz'eq chirix xch'ool li xsantil Na'aj. Xkanab' li xsuttz'akil li tenamit sa' ruq'eb' li xik' neke'ilok qe. K'ajo' li japok e sa' rochoch li Yos, chanchan wi' sa' jun ninq'e.

Lamentaciones 1:10

Eb' li xik' neke'ilok re xe'xxok chixjunil li xb'ihomal. Eb' laj Jerusalén xe'ril li maak'a'eb' xpaab'aal chi ok sa' li xloq'laj ochoch li Yos, a'eb' ajwi' li xaye laa'at, at Qaawa', naq ink'a' naru te'ok sa' laaloq'laj ch'utam.

Jeremías 4:7

Ak xwakliik chaq laj sachonel tenamit, jo' jun li kaqkoj x'elk chaq sa' li xsok; chalk re sa' aab'een re xsachb'al laana'aj: nakirirnak te'kanab'aaq eb' laatenamit chi maajunaq chik li poyanam chisa'.

Hechos 6:14

Xb'aan naq xqab'i chi xyeeb'al naq li Jesus, a' laj Nazaret neke'xye, tixjuk' li na'ajej a'in ut tixjal ru li xe'toonil na'leb' kooxchaq'rab'i wi' laj Moisés, chankeb'.

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

Miqueas 3:12

Jo'kan utan, eemaak laa'ex naq Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos.

Ezequiel 24:21

«Ye reheb' laj Israel: Li Qaawa' xye chi jo'ka'in: Ok we chi xsachb'al xwankil li wochoch, li q'axal nawulak cheru ut jwal nekera, a'an li xsahilal ut li xkawilal leech'ool. Te'kamq ajwi' leeralal eek'ajol li kekanab' chaq Jerusalén: te'kamsiiq chi ch'iich'.

Ezequiel 21:15

K'ajo' naq te'xiwaq xb'aan li ch'iich', ut naab'aleb' li te'kamsiiq. Sa' li junjunq chi okeb'aal xinxaqab'eb' laj kamsinel chi ch'iich': nalemtz'unk ru li ch'iich' re naq replotq rilb'al, ut q'esnanb'il li re chi us, re kamsink.

Ezequiel 21:7

Ut naq eb' a'an te'xpatz' aawe: «K'a'ut naq yookat chi yaab'ak?», taaye reheb': «Ninyaab'ak xb'aan resilal li taak'ulmanq. Naq taawulaq xkutankil a'an, chixjunileb' te'ch'inanq xch'ool ut te'mayoq li raanm; chixjunileb' te'memo'q ut siksootqeb' xb'aaneb' xxiw». K'ehomaq reetal naq ak waye' chaq; relik chi yaal naq taak'ulmanq”, chan li Qaawa'.

Ezequiel 6:6

Yalaq b'ar wanqex, eb' leetenamit ut eb' leetijob'aal te'juk'manq ut joxk' te'kanaaq. Eb' li artal te'kanaaq chi po'lemil ut eb' li jalanil yos te'toqiiq; taaputz'iiq eb' li xjalam u li jalanil yos, ut nakirirnak taakanaaq eb' li na'ajej nekek'at wi' leepom. Jo'ch'inal jo'nimal xeyiib' rik'in leeruq', taasachmanq chi junajwa.

Lamentaciones 1:1

Toq'ob' xaq ru li tenamit Jerusalén! Xnimal ru tenamit naq kiwank sa' xyanqeb' chixjunil li tenamit, ut k'ajo'eb' li poyanam ke'wank chisa'; ab'an anaqwan xkanaak sa' junaatalil, chanchan aj chik jun xmalka'an xkanaak. Junxil Jerusalén nataqlank sa' xb'eeneb' li tenamit, ut anaqwan a'an chik minb'il ru chi k'anjelak.

Jeremías 52:13

Kixk'at li rochoch li Qaawa', li rochoch li awab'ej ut chixjunileb' li ochoch wankeb' Jerusalén.

Jeremías 26:9

K'a'ut naq xaye sa' xk'ab'a' li Qaawa' naq li ochoch a'in taakanaaq jo' Siló, ut Jerusalén taajuk'manq chi maajun chik poyanam taakanaaq chisa'?”. Ut chixjunileb' li poyanam ke'xtuub' rib' sa' rochoch li Yos chi xsutb'al laj Jeremías.

Jeremías 26:6

laa'in tinkanab' li ochoch a'in jo' kinkanab' Siló, ut tink'e Jerusalén chi tz'eqtaanaak xb'aaneb' chixjunil li tenamit sa' ruuchich'och'»”.

Jeremías 22:5

Ab'anan, wi' ink'a' nekepaab' leeq'usb'al inb'aan, li xchaq'alil ru ochoch a'in po'lem taakanaaq wi'»”, chan li Qaawa'.

Jeremías 9:11

“Jun tuub' chi pek tinsutq'isi wi' Jerusalén, cho'q xna'ajeb' laj xojb'; nakirirnak tinkanab' chixjunileb' li tenamit sa' xteepal Judá ut maajun chik taakanaaq chisa'”.

Isaías 66:3

Ab'anan wankeb' li neke'mayejak teelom wakax, ut neke'xkamsi ajwi' junaq winq; neke'xxeq' junaq karneer, ut neke'xch'ot ajwi' xkux junaq tz'i'; neke'mayejak triiw, ut neke'xyeechi'i ajwi' xkik'el li aaq; neke'k'atok k'ajpom chiwu, ut neke'xloq'oni ajwi' li jalanil yos. Eb' li xe'sik'ok re li jo'maajo'il na'leb' a'in q'axal sa sa' xch'ooleb' chi xb'aanunkil chixjunil a'an.

Isaías 1:7

Leena'aj xkanaak chi po'lemil ut eb' leetenamit yookeb' chi k'atk. Eb' li xik' neke'ilok eere a'aneb' chik neke'tzekank ru leerawimq. Nakirnak aj chik chixjunil jo' naq kisache'k ru li tenamit Sodoom.

Nehemías 2:17

Toja' naq kinye reheb': “Laa'ex ajwi' nekek'e reetal li rahilal wanko wi', xb'aan naq po'lem xkanaak Jerusalén ut eb' li rokeb'aal k'atb'ileb' xb'aan li xam. Kimqex ut qawaklesiiq wi' chik li xsuttz'akil Jerusalén, re naq ink'a' chik toose'eq xb'aaneb' chixjunileb'”, chankin.

2 Crónicas 36:19

Ke'xk'at ajwi' li rochoch li Qaawa', ke'xjuk' li xsuttz'akil Jerusalén, ke'xk'e xxamlel li xninqaleb' ru ochoch ut ke'xputz'i chixjunil li k'a'aq re ru jwal loq'.

Génesis 8:21

Naq li Qaawa' kirutz' xsununkil xb'ook li mayej, kixye sa' xch'ool: “Maajun wa chik tintz'eqtaana li ch'och' xmaakeb' li winq: ak reheb' a'an naq aj maakeb' chalen chaq sa' xkach'inal. Ink'a' chik tinrahob'tesiheb' li wankeb' xyu'am jo' xinb'aanu anaqwan.

2 Reyes 22:19

chirix li na'ajej a'in ut eb' li xpoyanamil li te'sache'q ru ut te'majewaaq. Xyot'e'k laach'ool, xakub'si laawankil chiru li Qaawa', xaq'ich laawaq' ut xatyaab'ak chiwu. Jo'kan naq laa'in xwab'i li k'aru xaye, chan li Qaawa'.

Isaías 6:11

Ut laa'in kinpatz' re: “Jo'q'e taak'ulmanq a'an, at inQaawa'?”, chankin. Ut a'an kixye we: “Toj reetal te'juk'manq eb' li tenamit ut maajun chik poyanam wanqeb' chisa'; toj te'oso'q chixjunileb' li winq sa'eb' li ochoch ut nakirirnak te'kanaaq eb' li k'aleb'aal,

Isaías 63:18

Yal jun k'amok ajwi' eb' li xik' neke'ilok qe xe'reechani laasantil tenamit ut xe'okje'k sa' laaloq'laj ochoch.

Jeremías 44:2

“Jo'ka'in xye li Nimajwal Yos, li xYos laj Israel: «Laa'ex xeril rik'in leeru chixjunil li rahilal kinb'aanu re Jerusalén ut sa' chixjunileb' li tenamit sa' xteepal Judá. Anaqwan po'lem aj chik, maajun chik wank aran,

Jeremías 44:6

Jo'kan naq kilochk xxamlel linjosq'il ut q'axal kinjosq'o'k sa' xb'eeneb' li tenamit re Judá ut sa'atqeb' li b'e re Jerusalén. Ke'juk'mank ut nakirirnak ke'kanaak chalen toj anaqwan.

Daniel 2:46

Toja' naq laj Nabukodonosor, li awab'ej, kiwiq'laak chiru laj Daniel, kixhupub' rib' chiru ch'och' ut kixye naq chik'eemanq xsimaatan jo'wi' xsununkil b'an.

Amós 7:9

Te'juk'manq eb' li xtijob'aal laj Isahak, te'sachmanq li xmuheb'aaleb' laj Israel, ut tinwakliiq chi yalok rik'ineb' li ralal xk'ajol laj Jerobohán”.

Sofonías 3:6

Jo'ka'in xye li Qaawa': “Xinsach ruheb' li tenamit, xinjuk'eb' li najt xteramil ochoch; nakirirnak xinkanab'eb' li b'e, chi maajun chik nanume'k aran. Xsache'k chixjunil li na'ajej ut maak'a' chik yu'am aran.

Nehemías 1:3

Kine'xchaq'b'e: “Eb' li ink'a' koheb' chi preexil ut ke'kanaak sa' xteepal Judá, wankeb' anaqwan sa' rajb'al ru ut naab'al li rahilal yookeb' xk'ulb'al. Juk'inb'il li tz'ak sutsu wi' Jerusalén, ut k'atb'il li xtz'apb'al rokeb'aal li tenamit”, chankeb'.

Isaías 64:9

Mi q'axal at josq'o'k, at Qaawa', chi moko junelik taak'e sa' laach'ool li qamaak. Chak'e reetal naq laa'o laatenamit chiqajunilo.

Jeremías 4:26

Kin'ilok wi' chik ut kiwil naq joxk' aj chik ru li chaab'il ch'och', juk'b'ileb' chik chixjunileb' li tenamit xb'aan li Qaawa', xb'aan xxamlel li xjosq'il.

Jeremías 4:27

Jo'ka'in kixye li Qaawa': “Chixjunil li ruuchich'och' taasachmanq, ab'an moko taa'oso'q ta chixjunil.

Lamentaciones 2:6

Jo' junaq aj elq' xweqi li xloq'laj ochoch ut kok'putz' xkanab' li na'ajej na'uxk wi' ch'utlaak. Ink'a' chik na'uxk ninq'ehik aran Sión chi moko neke'roxloq'i li sábado. Sa' xxamlel li xjosq'il li Qaawa' xk'e chi sache'k li awab'ej ut eb' laj tij.

Ezequiel 12:20

Te'juk'manq chixjunileb' li tenamit, ut joxk' taakanaaq li na'ajej. Toja' naq teenaw naq laa'in li Qaawa'»”.