Levítico 26:20 - Q'eqchi Bible

²⁰ Maak'a'aq chik aj e naq teetawasi eerib' xb'aan naq ink'a' chik taa'elq li awimq sa' li ch'och' chi moko te'uuchinq li che' sa' leena'aj.

Li Santil hu

²⁰ Ma̱cꞌaꞌak aj e nak te̱tacuasi e̱rib chi cꞌanjelac xban nak incꞌaꞌ chic ta̱e̱lk li acui̱mk saꞌ le̱ naꞌaj ut incꞌaꞌ chic teꞌu̱chi̱nk li cheꞌ.

Levítico 26:20 ပူးပေါင်းရင်းမြစ်များ

Isaías 49:4

Xb'aan naq laa'in kink'oxla: “Maak'a' aj e naq xinyal inq'e chi k'anjelak, yal xintawasi wib' chi maak'a' rajb'al”. Ab'anan ninb'aanu link'anjel sa' xk'ab'a' li Qaawa' ut linq'ajkamunkil wan chaq rik'in linYos.

Salmos 127:1

B'ich re li taqsink. Xsaalm laj Salomón. Wi li Qaawa' ink'a' naxyiib' li kab'l, maak'a' aj e naq neke'xtawasi rib' laj kab'lanel. Wi li Qaawa' ink'a' naxk'aak'ale li tenamit, maak'a' aj e naq nayo'lek laj k'aak'alehom re.

Deuteronomio 11:17

Wi teeb'aanu chi jo'kan, taachalq xjosq'il li Qaawa' sa' eeb'een; li Yos tixtz'ap li choxa ut maak'a'aq chik li hab'. Toja' naq ink'a' chik taa'elq rawimq li ch'och' ut laa'ex tex'oso'q chi junpaat sa' li chaab'il ch'och' a'an tixk'e eere li Qaawa'.

Habacuc 2:13

Ab'an li Nimajwal Yos ink'a' tixk'e xwankil laak'anjel, ut maak'a' na'ok wi' li k'aru xatawasi wi' aawib', xb'aan naq chixjunil li xab'aanu taa'oso'q chi junwaakaj xb'aan li xam.

Levítico 26:4

laa'in tintaqla eere li hab' sa' xq'ehil, re naq li ch'och' ut eb' li che'k'aam te'uuchinq.

Gálatas 4:11

Nachalk ink'a'uxl eeb'aan: mare anchal maak'a' aj e naq xintawasi wib' chi k'anjelak sa' eek'ab'a'.

1 Corintios 3:6

Laa'in xin'awok, laj Apolo xt'aqresink; ut li xk'iiresink, a'an li Yos.

Hageo 2:16

k'aru kik'ulmank? Naq nekeraj raj xxokb'al junmay iiq chi triiw, lajeeb' ajwi' neketaw; ut naq junaq naxik chi xsik'b'al lajeeb' roxk'aal kuk chi b'iin, ab'an yal junmay ajwi' naxtaw.

Isaías 17:11

Chiru jun kutan xawil chi moqk li awimq, sa' xkab' li kutan xawil chi atz'umak, ab'anan naq taachalq li yajel, taa'tz'umaaq ut q'axal nimaq chik li rahilal taak'ulmanq.

Salmos 107:34

Naxkanab' li chaab'il ch'och' cho'q pek atz'am, xb'aan li xmaa'usilaleb' xch'ool li winq wankeb' aran.

Li xHu LAJ JOB 31:40

chiru linch'och' chi'elq k'ix cho'q ruuchil li triiw, ut chimoq li la cho'q ruuchil li seb'aad. Arin xraqe'k chi aatinak laj Job.

Deuteronomio 28:42

Chixjunileb' laaninqi che' ut li ru rawimq laach'och' ink'a' te'kanab'aaq xb'aaneb' li k'ams, li motzo' ut li teken.

Deuteronomio 28:18

Tz'eqtaananb'ilaqeb' ajwi' laawalal aak'ajol ut li ru rawimq laach'och', eb' li ral laawakax ut eb' li ral laakarneer.

Deuteronomio 32:22

Xb'aan naq yo xxamlel injosq'il ut cham taaxik xtiqwal, toj sa' xchamal li xb'alb'a! Taa'oso'q li ch'och' jo'wi' li awimq wank chiru, ut taak'atq li xtoonaleb' li tzuul.

Isaías 17:10

Xb'aan naq xatz'eqtaana li Yos, laj kolol aawe, ut xsachk sa' laach'ool naq A'an li nak'ehok aakawilal. Jo'kan naq xawaw eb' li ch'ina'usil awimq rik'in jalanil iyaj li chalenaq sa' ab'l tenamit.

Jeremías 12:13

Xe'awok triiw, ut k'ix chik xe'xxok; maak'a' rajb'al naq xe'k'anjelak chi kaw. Te'xutaanaq chi xxokb'al li kach'in ajwi' xb'aan naq k'ajo' li xxamlel linjosq'il”.

Génesis 4:12

Us ta taak'anjela li ch'och', ab'an ink'a' taa'uuchinq; ut taab'eeni aj chik aawib' jo' aj eelel sa' ruuchich'och' chi junelik”.

1 Reyes 18:2

Koho laj Elías rik'in laj Ajab ut kixk'ut rib' chiru. Yo chi us li we'ej aran Samaria.

Oseas 2:11

Tinsach chixjunil li nasaho'k wi' xch'ool, a' li utz'uk, li xninq'ehinkil li xtiklajik li po, li hilob'aal kutan jo'wi' chixjunileb' li ninq'e.