Levítico 26:19 - Q'eqchi Bible

¹⁹ Tinsach xkawilal leeq'etq'etil ut tinye re li choxa naq ink'a' chik tixtaqla chaq li hab' ut li ch'och' ink'a' chik taa'uuchinq ru.

Li Santil hu

¹⁹ La̱in tincuisi le̱ kꞌetkꞌetil ut incꞌaꞌ chic te̱nimobresi e̱rib. Incꞌaꞌ chic tixqꞌue li hab. Ut ta̱chakik le̱ chꞌochꞌ ut ta̱cacuu̱k joꞌ xcacuil li chꞌi̱chꞌ bronce.

Levítico 26:19 ပူးပေါင်းရင်းမြစ်များ

Deuteronomio 28:23

Sa' xb'een laajolom q'anch'iich'aq li choxa, ut li ch'och' chawub'el a'an raxch'iich'aq.

1 Reyes 17:1

Toja' naq laj Elías, Tisbé xtenamit, sa' xteepal Galahad, kixye re laj Ajab: “Sa' xk'ab'a' li Qaawa', xYos laj Israel, li yookin chi k'anjelak chiru, ninye aawe naq chiruheb' li chihab' a'in maak'a'aq xchu'ke chi moko li hab', wi ink'a' laa'in tinyehoq re”.

San Lucas 4:25

Relik chi yaal ninye eere: naab'aleb' xmalka'an ke'wank Israel chiruheb' li kutan kiwank wi' laj Elías, naq kitz'apmank li choxa chiru oxib' chihab' rik'in waqib' po ut kichalk jun nimla we'ej sa' chixjunil li ruuchich'och';

Sofonías 3:11

“Sa' li kutan a'an ink'a' chik tatxutaanaq chirix li ink'a' us xab'aanu we, at intenamit, naq xaq'etq'eti aawib' chiwu, xb'aan naq twisiheb' aawik'in li q'etq'eteb' jo'wi' li neke'xnimob'resi rib', ut ink'a' chik taanima aawib' sa' linsantil na'aj.

Daniel 4:37

“Ut anaqwan, laa'in laj Nabukodonosor ninnima, ninterq'usi ut ninloq'oni ru li Awab'ej wank sa' choxa, xb'aan naq naxb'aanu chixjunil sa' tiikilal ut tz'aqal yaal, ut naxkub'si xwankil li ani naxq'etq'eti rib'”.

Ezequiel 30:6

«Jo'ka'in xye li Qaawa': Eb' li te'tenq'anq re Ejiipt te'kamq ajwi', ut taa'oso'q li xwankil Ejiipt li naxq'etq'eti wi' rib' chalen chaq Mikdol toj Asuán. Laa'in, li Qaawa', xinyehok re a'in».

Jeremías 13:9

ut kixye we: “Jo'kan ajwi' naq tinsach li xwankil laj Judá ut li xq'etq'etil laj Jerusalén.

Isaías 25:11

Mohab tixye' eb' li ruq' jo' naq li nanumxik naxye'b'e eb' li ruq'; ab'anan us ta tixyal xq'e chi xkolb'al rib', li Qaawa' tixsach ru li xq'etq'etil.

1 Samuel 4:11

Kichapmank ajwi' li xLoq'laj Kaax li Yos, ut ke'kamk laj Jofní ut laj Pinjás, li wiib' chi ralal laj Elí.

Ezequiel 7:24

Laa'in tink'ameb' chaq maa'us aj tenamit sa' xb'een, re naq tole'reechani eb' li ochoch. Tinsach li k'aru neke'xq'etq'eti wi' rib' li ninqeb' xwankil ut taamuxmanq ru li xtijob'aaleb'.

Isaías 26:5

Li Qaawa' xkub'si xwankileb' li q'etq'et; xt'an li tenamit q'axal kaw rib', xjuk' ut xkub'si chaq chi ch'och'el,

Isaías 2:12

Sa' li kutan a'an li Nimajwal Yos taachalq re xkub'sinkileb' xwankil li neke'xnima rib', eb' li q'etq'et ut li ninqeb' xwankil;

1 Samuel 4:3

Naq eb' laj puub' ke'sutq'iik chaq sa' li xmuheb'aaleb', li xcheekelaleb' laj Israel ke'xye chi jo'ka'in: “K'a'ut naq li Qaawa' xooxk'e sa' ruq'eb' laj Filistea anaqwan? Yo'qeb' Siló chi xk'amb'al chaq li xLoq'laj Kaaxil li xSumwank li Qaawa', re naq twanq sa' qayanq ut tooxkol chiruheb' li xik' neke'ilok qe”, chankeb'.

1 Reyes 8:35

“Naq taatz'aponq li choxa ut ink'a' chik tixk'e li hab' xb'aan naq laatenamit xe'maakob'k chawu, wi te'chalq chi tijok sa' li na'ajej a'in ut te'xloq'oni aawu, wi te'yot'e'q xch'ool chirix li maak xe'xb'aanu xb'aan li rahilal xak'e sa' xb'eeneb',

Isaías 28:1

Rahilal chaalel sa' xb'een Samaria li nak'ehok xwankilal ut xnimob'resinkil rib' laj Efraín, ab'anan yal jun ch'uuteb' chi aj kalajenaq. Chanchaneb' jun sahob' u yiib'anb'il rik'in tz'umjenaqil uutz'u'uj, xaqxo sa' xb'een li ru taq'a k'ajo' xq'emal; a'aneb' oso'jenaqeb' chi junwaakaj xb'aan li ha' nakaltesink.

Jeremías 3:3

Aab'aan laa'at naq ink'a' chik naxk'e li hab' sa' xq'ehil; kama'at tz'aqal junaq aj yumb'eet, tik ink'a' nakatxutaanak b'ayaq.

Ezequiel 24:21

«Ye reheb' laj Israel: Li Qaawa' xye chi jo'ka'in: Ok we chi xsachb'al xwankil li wochoch, li q'axal nawulak cheru ut jwal nekera, a'an li xsahilal ut li xkawilal leech'ool. Te'kamq ajwi' leeralal eek'ajol li kekanab' chaq Jerusalén: te'kamsiiq chi ch'iich'.

Deuteronomio 11:17

Wi teeb'aanu chi jo'kan, taachalq xjosq'il li Qaawa' sa' eeb'een; li Yos tixtz'ap li choxa ut maak'a'aq chik li hab'. Toja' naq ink'a' chik taa'elq rawimq li ch'och' ut laa'ex tex'oso'q chi junpaat sa' li chaab'il ch'och' a'an tixk'e eere li Qaawa'.

Ezequiel 33:28

Nayamyotk ut joxk' ch'och' tinkanab' li na'ajej a'in, ut taa'oso'q li xwankilal li naxnima wi' rib'. Eb' li xtzuulul Israel nakirirnak te'kanaaq, ut maajun chik taanume'q aran.