Levítico 26:14 - Q'eqchi Bible

¹⁴ “Ab'an wi ink'a' tineerab'i ut ink'a' teepaab' chixjunil li chaq'rab' a'in,

Li Santil hu

¹⁴ Abanan cui la̱ex incꞌaꞌ nequerabi li cꞌaꞌru ninye ut cui incꞌaꞌ nequeba̱nu li naxye saꞌ li chakꞌrab li xinqꞌue e̱re, texinqꞌue chixtojbal e̱ma̱c.

Levítico 26:14 ပူးပေါင်းရင်းမြစ်များ

Lamentaciones 2:17

Li Qaawa' xb'aanu li k'uub'k'u xb'aan; xtz'aqlok ru li raatin yeeb'il chaq junxil. Li Yos xjuk'uk chi ink'a' xril xtoq'ob'aal aawu; ut xk'e li xik' na'ilok aawe chi xq'axb'al aawu ut chi saho'k sa' xch'ool.

Jeremías 17:27

Ab'anan wi ink'a' nikineepaab' re xsantob'resinkil li xwuq li kutan, ut nekeroksi leeriiq sa' li tenamit Jerusalén sa' li kutan a'an, laa'in tink'e chi k'ate'k eb' li rokeb'aal li tenamit; ut li xam a'an tixk'at eb' li xchaq'alil ru ochoch re Jerusalén, ut maajun chik taaruuq chi chupuk re»”.

Levítico 26:18

“Ab'anan wi toj ink'a' ajwi' tex'ab'inq, laa'in texinrahob'tesi wuqub' sutaq wi' chik xb'aan leemaak.

Hebreos 12:25

K'ehomaq reetal, meetz'eqtaana li yo chi aatinak qik'in, xb'aan naq wi ink'a' ke'kole'k li ke'xtz'eqtaana laj ch'olob'ahom yaal arin sa' ruuchich'och', ma toja' ta chik laa'o wi taaqatz'eqtaana li na'aatinak chaq toj sa' choxa?

Hechos 3:23

Yalaq ani ink'a' taapaab'anq re li propeet a'an, isinb'ilaq chi junajwa sa' xyanqeb' li tenamit».

Malaquías 2:2

Wi ink'a' nekex'ab'ink ut ink'a' nekek'e sa' leech'ool li xk'eeb'al inloq'al, texinmajewa ut ink'a' texwosob'tesi, xb'aan naq maajun eere naxk'e xch'ool chinpaab'ankil -chan li Nimajwal Yos-.

Lamentaciones 1:18

Us xb'aanu li Qaawa', xb'aan naq laa'in ink'a' xwaj xpaab'ankil li xchaq'rab'. Ab'ihomaqin chejunilex, ex tenamit, ut ilomaq li rahilal wankin wi'. Chixjunileb' li toj saajeb', jo' winq jo' ixq, xe'chape'k ut xe'k'ame'k chi preexil.

Josué 23:15

Ab'anan kama' xtz'aqlok ru chixjunil li k'aru chaab'il li kixyeechi'i eere li Qaawa' leeYos, jo'kan ajwi' naq li Qaawa' tixtaqla chaq sa' eeb'een li rahilal, toj reetal maajun eere tkanaaq sa' xb'een li xchaq'alil ru ch'och' a'in li xk'ehom eere li Qaawa' leeYos.

Jueces 2:15

Yalaq b'ar neke'xik chi yalok eb' laj Israel, li ruq' li Qaawa' nachalk sa' xb'eeneb' re xrahob'tesinkileb', jo' chanru xyehom li Qaawa' sa' jurament. Makach'in li ra ke'xk'ul!

1 Samuel 12:15

Ab'anan wi ink'a' teerab'i xyaab' xkux li Qaawa', wi teeq'etq'eti eerib' chiru li xtaqlahom, li ruq' li Qaawa' taa'aalo'q sa' eeb'een ut sa' xb'een li awab'ej.

2 Crónicas 7:19

Ab'anan wi' laa'ex tineetz'eqtaana ut ink'a' chik teepaab' li waatin ut linchaq'rab' ink'ehom chepaab', wi texxik chi xloq'oninkil ru jalan chik yos ut teewiq'ib' eerib' chiruheb',

Proverbios 3:33

Li xmajewahom li Qaawa' wank sa' rochoch li naxb'aanu li maa'usilal; ab'an osob'tesinb'il li xjunkab'al li tiik xch'ool.

Jeremías 11:8

Ab'anan ink'a' ke'ab'ink chiwu chi moko kine'xpaab', ke'xq'etq'eti b'an chik rib' chiwu ut ke'ok chi xb'aanunkil li naraj li xjip aj ch'ooleb'. Ink'a' ke'xpaab' li k'aru kinchaq'rab'iheb' wi'; jo'kan naq kinrahob'tesiheb' jo' yeeb'il sa' li Sumwank»”.

Jeremías 26:4

Ye reheb': «Wi ink'a' tineepaab' ut ink'a' teeb'aanu li naxye linchaq'rab' ink'ehom eere,

Jeremías 28:8

Eb' li propeet li ke'wank chaq junxil, naq toj maji' nokooyo'laak chaq laa'o, ke'xye chaq resil li raaxiik', li we'ej ut li raxkamk taawanq sa' naab'aleb' chi tenamit ut xninqal awab'ejihom.

Jeremías 40:2

Li xjolomileb' laj k'aak'alenel kirisi xjunes laj Jeremías ut kixye re: “Li Qaawa' laaYos ak xyehom resil li rahilal a'in sa' xb'een li na'ajej a'in,

Daniel 9:13

Chixjunil li rahilal a'in xchalk sa' qab'een jo' tz'aqal tz'iib'anb'il sa' li xChaq'rab' laj Moisés; ab'an laa'o ink'a' xqayal xtuulanob'resinkil li Qaawa' li qaYos: ink'a' xqakanab' xb'aanunkil li maa'usilal chi moko naqaj xpaab'ankil li yaal.

Oseas 7:12

A' yaal li b'ar te'xikje'q, laa'in tinhel linra'leb'aal sa' xb'eeneb', teb'inchap jo'eb' li xik'anel xul ut tinrahob'tesiheb' xb'aan li maa'usilal xe'xb'aanu.

2 Reyes 22:13

“Ayuqex chi patz'ok rik'in li Qaawa' chiwix laa'in, chirix li tenamit ut sa' xk'ab'a' chixjunileb' laj Judá. Patz'omaq k'aru naraj xyeeb'al eb' li aatin tz'iib'anb'ileb' sa' li hu xtawmank. Nim li xjosq'il li Qaawa' sa' qab'een, xb'aan naq eb' li qaxe' qatoon ink'a' ke'xpaab' li aatin wank sa' li hu a'in chi moko ke'xb'aanu jo' tz'iib'anb'il arin”.

2 Crónicas 34:24

naq li Qaawa' xye chi jo'ka'in: Tintaqla chaq nimla rahilal sa' xb'een li na'ajej a'in ut sa' xb'eeneb' li wankeb' arin. Tintaqla chaq chixjunileb' li majewal tz'iib'anb'ileb' sa' li hu xyaab'asimank xsa' chiru li awab'ej re Judá,

Salmos 81:12

“A'ut lintenamit ink'a' xrab'i xyaab' linkux, eb' laj Israel ink'a' xe'raj ab'ink chiwu.

Jeremías 32:23

A'ut naq eb' a'an ke'ok sa' li na'ajej ut ke'reechani, ink'a' ke'xpaab' laawaatin chi moko ke'xk'e sa' xch'ooleb' li xchaq'rab'inkileb' aab'aan: tik ink'a' ke'xb'aanu li kaye reheb'; jo'kan naq xataqla chaq li rahilal a'in sa' xb'eeneb'.