Levítico 25:9 - Q'eqchi Bible

⁹ ut sa' li lajeeb' xb'e li xwuq po, sa' xkutankil li kuyuk sachok maak, teek'e chi yaab'asiik li xukub' sa' chixjunil li tenamit.

Li Santil hu

⁹ Ut saꞌ li laje̱b xbe li xcuuk li po re li chihab aꞌan, te̱ya̱basiheb li trompeta saꞌ chixjunil li tenamit. Aꞌan li cutan nak nequexninkꞌei̱c ut nequexmayejac re xtojbal rix le̱ ma̱c.

Levítico 25:9 ပူးပေါင်းရင်းမြစ်များ

Levítico 23:24

“Ye a'in reheb' laj Israel: Li xb'een kutan re li xwuq po, a'anaq li hilob'aal kutan cho'q eere, ut teeb'aanu leeloq'laj ch'utam re inninq'ehinkil rik'in xyaab' tronpeet.

Levítico 23:27

“Li xlaje kutan re ajwi' li xwuq po, a'anaq xkutankil li kuyuk sachok maak. Tento taawanq jun eeloq'laj ch'utam, tex'ayuuniq ut teek'at junaq eemayej sa' xk'ab'a' li Qaawa'.

1 Ts 1:8

Xb'aan naq chalen sa' leekomonil xpuktesimank raatin li Qaawa'; ut leepaab'aal rik'in li Yos xpukank resil moko ka'aj ta wi' Macedonia ut Akaya, sa' chixjunil b'an li na'ajej. Jo'kan naq maak'a' chik naru tqaye.

Romanos 15:19

rik'in xninqal ru eetalil ut sachb'ach'oolej ut rik'in xnimal xwankil li xMusiq' li Yos. Xinraqe'k xpuktesinkil li xChaab'il Esil li Kriist: xintikib' chaq Jerusalén, xinsuti chixjunil li na'ajej toj reetal xinwulak Iliria.

Romanos 10:18

Ab'an laa'in ninpatz': Ma ink'a' tab'i' ke'rab'i? K'a' naq ink'a'? Xb'aan naq naxye li Santil Hu: “Li xyaab' xkuxeb' ki'ab'imank junsut junrub'el choxa, ut toj sa' xmaril li ruuchich'och' kox'elq li raatineb'”.

Salmos 89:15

Li tiikilal ut li yaal a'aneb' li xkuut laa'awab'ejihom, li usilal ut li chaab'ilal aj k'amol b'eheb' chawu.

Números 36:4

Ut naq taawulaq li xchihab'il li Nimla Sahil Ch'oolejil cho'q reheb' laj Israel, li xch'och'eb' a'an taak'eemanq chi junajwa re li jun teep chik ut ink'a' chik taawanq cho'q reechanihomeb' li qana' qayuwa'”.

Números 10:10

Sa' xkutankil li sahil ch'oolej, sa'atqeb' leeninq'e ut sa' xyo'lajikeb' li po, yaab'asihomaq li tronpeet sa' xhonalil xk'atb'al leemayej ut xq'axtesinkil leeyeechi'om re li k'amok ib' sa' usilal rik'in li Yos. Chi jo'kan texjultiko'q re li Qaawa'. Laa'in li Qaawa', leeYos”.

Levítico 27:24

Sa' xchihab'il li ach'ab'ank, li ch'och' taakanaaq wi' chik cho'q re li ani xk'ayink re, naraj naxye sa' ruq' li ani tz'aqal aj eechal re li ch'och'.

Levítico 27:17

Wi a'an tixmayeja li xch'och' sa' xtiklajik xchihab'il li ach'ab'ank, taakanaaq chi xaqxo li xtz'aq jo' yeeb'il;

Levítico 16:30

xb'aan naq sa' li kutan a'an taawanq xtojb'al rix leemaak, ut saqaq chik eeru chiru li Qaawa'.

Levítico 16:20

“Naq ak xraqe'k laj Aharón chi xch'ajob'resinkil li Santil Na'ajej, li Loq'laj Muheb'aal ut li artal, tixtaqla xk'amb'al li chib'aat li toj yo'yo,

Levítico 25:8

“Tento teerajla wuqub' xamaan chi chihab', naraj naxye wuqub' chihab' ut taatamb'resimanq chi wuqutq, taawulaq b'eleeb' roxk'aal chihab',

Josué 6:4

Aj k'amolb'ehaqeb' chiru li Loq'laj Kaax wuqub' chi aj tij li te'k'amoq junjunq xxukub'eb' li karneer cho'q tronpeet. Sa' xwuq li kutan teesuti li tenamit wuqub' sut ut eb' laj tij te'xyaab'asiheb' li xtronpeet.

Isaías 27:13

Sa' li kutan a'an taayaab'asiiq jun nimla pur, ut eb' li ke'xcha'cha'i rib' Asiria jo' ajwi' li ke'k'ame'k Ejiipt te'chalq chi xloq'oninkil ru li Qaawa', arin Jerusalén, sa' li santil tzuul.

Levítico 16:29

“A'an a'in jun chaq'rab' xaqxooq xwankil chi junelik cho'q eere: sa' xlaje xb'e li xwuq li po, tento naq teeb'aanu ee'ayuun; maajun li k'anjel teeb'aanu, jo'keb' laj Israel, jo'keb' ajwi' laj ab'l tenamit li wankeb' sa' eeyanq,

Salmos 89:16

Us xaq re li tenamit li neke'xnaw xloq'oninkil aawu ut neke'b'eek sa' xsaqenkil xnaq' aawu, at Qaawa'.