Levítico 25:23 - Q'eqchi Bible

²³ “Li ch'och' ink'a' naru xk'ayinkil chi junajwa: li ch'och' a'an we laa'in ut laa'ex yal aj numelex chisa', chanchanex wula'.

Li Santil hu

²³ Incꞌaꞌ naru te̱cꞌayi li chꞌochꞌ chi junaj cua xban nak cue la̱in. La̱ex yal numelex arin. Chanchanex cuulaꞌ.

Levítico 25:23 ပူးပေါင်းရင်းမြစ်များ

1 Pedro 2:11

Ex inrahom, laa'ex maawa'ex aj arin, yal b'an aj numelex. Nintz'aama cheru naq mex'okenk chi xb'aanunkil li naxrahi li tz'ejwalej, li xik' naril li aanmej.

Salmos 39:12

Naq nakak'ajtesi ru li winq xb'aan li xmaak, nakatij ut nakachaab'ilob'resi li xna'leb'. Chanchan naxb'aanu li xmaxel li che' naq nakaq'aares li k'aru nawulak chiru. Li xyu'am li winq yal jun apunk ajwi'.

Ezequiel 48:14

Li ch'och' a'in ink'a' naru xk'ayinkil, xsiib'al re anihaq chi moko xjalb'al ru, xb'aan naq q'axtesinb'il cho'q re li Qaawa'.

Salmos 24:1

Xsaalm laj David. Li Qaawa' a'an laj eechal re li choxach'och' ut chixjunil li wank chisa'.

1 Crónicas 29:15

Xb'aan naq chawu laa'at chanchano li jalaneb' xtenamit ut yal aj numelo, kama'eb' chixjunil li qaxe'toon. Li qayu'am arin sa' ruuchich'och' chanchan jun li mu, li maak'a' royb'enihom.

Deuteronomio 32:43

“Ex tenamit, chexsaho'q eerochb'een li xtenamit li Yos, xb'aan naq A'an tixk'e reeqaj li xkik'eleb' laj k'anjel chiru, taa'eeqajunq sa' xb'eeneb' li xik' neke'ilok re, ab'an tixkuy xmaakeb' li xtenamit ut taarisi li maa'usilal sa' li xna'ajeb'”.

Éxodo 19:5

Jo'kan b'i', wi relik chi yaal teerab'i xyaab' inkux ut teepaab' linSumwank, laa'exaq weechanihom sa' xyanq chixjunileb' li tenamit, xb'aan naq we chixjunil li ruuchich'och'.

Joel 3:2

Tinch'utub'eb' chixjunil li tenamit ut tink'ameb' sa' xtaq'ahil Josafat. Aran tinraqoq aatin sa' xb'eeneb' chirix laj Israel, xb'aan naq ke'xcha'cha'i lintenamit ut li weechanihom, sa' chixjunil li ruuchich'och', ut ke'xjek'i linna'aj chirib'ileb' rib'.

Joel 2:18

Toja' naq li Qaawa' kiraho'k xch'ool chirix li xtenamit; kixtoq'ob'a ruheb' li ralal xk'ajol

Oseas 9:3

Eb' laj Efraín te'sutq'iiq wi' chik Ejiipt ut aran Asiria te'xtzeka li k'aru ink'a' us xtzekankil. Ink'a' chik te'wanq sa' li xch'och' li Qaawa'.

Salmos 85:1

Re li xjolomileb' laj b'ichanel. Xsaalm eb' li ralal xk'ajol laj Koré.

2 Crónicas 7:20

relik chi yaal naq texwisi sa' li ch'och' xink'e eere, twisi sa' xnaq' wu li ochoch a'in li xinsantob'resi sa' ink'ab'a', ut taakanaaq cho'q se'leb'aal sa' xyanqeb' chixjunileb' li tenamit.

Levítico 25:10

Teexaqab' li lajeeb' roxk'aal chihab' cho'q santil chihab': a'anaq jun chihab' re li ach'ab'ank. Chiru li chihab' a'an teeye resil li rach'ab'ankileb' chixjunil li wankeb' sa' xsutam li tenamit. Li junjunq taasutq'iiq wi' chik rik'ineb' li xkomon ut toxreechani wi' chik li xch'och'.

Isaías 8:8

Tox'okaq toj Judá, kama' li b'ut'iha', ut taawulaq toj chi xkuxeb' li poyanam: chanchanaq li t'iw helho li xxik' li tixtz'ap chixjunil laatenamit, a Emmanuel”.

Salmos 119:19

Yal aj numelin arin sa' ruuchich'och'; maamuq chiwu laataqlahom.

1 Reyes 21:3

Ab'an laj Nabot kixye re laj Ajab: “Ramro chiwu xb'aan li Qaawa' xk'ayinkil aawe li xweechani rik'in linyuwa'”.

Génesis 47:9

Kichaq'ok laj Jakob ut kixye: “Lajeeb' xwuqk'aal (130) chihab' li wokik chi b'eek laa'in yalaq b'ar. Naab'al rahilal xink'ul sa' linyu'am ut ink'a' k'iheb' linchihab' jo' li xchihab'eb' linxe'toonil yuwa' naq ke'wank sa' ruuchich'och'”.

Génesis 23:4

“Laa'in chalenaqin chaq sa' jalan tenamit ut yal aj numelin sa' eeyanq. K'ayimaq we junaq muqleb'aal sa' eeyanq re naq toxinxok linkamenaq ut tinmuq aran”, chan.

Éxodo 2:22

Ut a'in kiwank jun xk'uula'al, aj Kersón kik'ehe'k cho'q xk'ab'a', xb'aan naq kixye laj Moisés: “Jalan intenamit; wankin sa' ab'l aj ch'och'”, chan.

Levítico 25:24

Jo'kan utan, sa' chixjunil li na'ajej wankex wi' cho'q eereechanihom, li najter eechal re naru tixloq' wi' chik cheru.

Salmos 39:13

“At Qaawa', chak'ul taxaq lintij, chawab'i taxaq naq japjo we chayaab'ankil; maatz'apxiki aawib' naq yookin chi yaab'ak. Xb'aan naq yal aj numelin chawu, yal aj ula'in aawe, jo'keb' ajwi' chixjunil linna' linyuwa'.