Levítico 25:10 - Q'eqchi Bible

¹⁰ Teexaqab' li lajeeb' roxk'aal chihab' cho'q santil chihab': a'anaq jun chihab' re li ach'ab'ank. Chiru li chihab' a'an teeye resil li rach'ab'ankileb' chixjunil li wankeb' sa' xsutam li tenamit. Li junjunq taasutq'iiq wi' chik rik'ineb' li xkomon ut toxreechani wi' chik li xch'och'.

Li Santil hu

¹⁰ Te̱qꞌue xlokꞌal li xlaje roxcꞌa̱l li chihab (50) xban nak li chihab aꞌan santobresinbil ut re jun sahil chꞌo̱lejil. Saꞌ li chihab aꞌan te̱ye resil nak chixjunileb le̱ lokꞌbil mo̱s teꞌcana̱k libre re nak teꞌsukꞌi̱k riqꞌuineb li rechꞌalal. Ut te̱ye ajcuiꞌ resil nak eb li queꞌxcꞌayi xchꞌochꞌeb teꞌre̱chani cuiꞌchic.

Levítico 25:10 ပူးပေါင်းရင်းမြစ်များ

Jeremías 34:8

Li Qaawa' ki'aatinak rik'in laj Jeremías, naq laj Sedesías kixk'e rib' sa' aatin rik'in chixjunileb' laj Jerusalén, re naq te'xkanab' chi ach'ab'anb'il eb' li xmuneb'.

Isaías 63:4

A'in li xkutankil li raqok aatin li wank sa' inch'ool; xwulak xq'ehil li eeqajunk ut xkolb'al lintenamit.

1 Pedro 2:16

Chexk'anjelaq jo'eb' li wankeb' chi ach'ab'anb'il, ut ink'a' jo'eb' li wankeb' chi ach'ab'anb'il re chik xb'aanunkil li maa'usilal; jo'kaqex b'an li xmoos li Yos.

Gálatas 5:13

Ex was wiitz'in, xexb'oqe'k re wank chi ach'ab'anb'il. Ab'anan sa' xk'ab'a' naq wankex chi ach'ab'anb'il mex'ok chi xb'aanunkil li naraj li tz'ejwalej, chera b'an eerib' ut chetenq'a eerib' cherib'il eerib'.

Levítico 25:13

“Chiru li santil chihab' a'in chejunilex laa'ex toxeereechani wi' chik leech'och'.

Éxodo 20:2

“Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Gálatas 4:25

xb'aan naq li tzuul Sinaí wank aran Arabia. Lix Agar a'an reetalil li Jerusalén wank anaqwan, k'ayinb'il chi k'anjelak kama' ajwi' eb' li ralal xk'ajol.

2 Corintios 3:17

Xb'aan naq li Qaawa' a'an li Musiq'ej, ut b'ar wank xMusiq' li Qaawa', aran wank li wank chi ach'ab'anb'il.

San Lucas 1:74

naq kixyeechi'i qach'ab'ankil sa' ruq'eb' li xik' neke'ilok qe ut took'anjelaq chiru chi maak'a'aq qaxiw,

Salmos 146:7

A'an naraqok aatin chirixeb' li rahob'tesinb'ileb' ut naxk'e xwaheb' li te'tz'okaaq. Li Qaawa' narach'ab' li wankeb' sa' tz'alam,

Isaías 49:9

re xyeeb'al reheb' li wankeb' sa' tz'alam: «Elenqex chaq», ut li wankeb' chaq sa' aak'ab': «K'utomaq eerib'». Sa' chixjunileb' li b'e te'xtaw chaab'il pach'aya' jo'wi' xwaheb' li ketomq chiru chixjunileb' li tzuul.

Esdras 1:3

Jo'kan utan, chejunilex li xkomonex li xtenamit li Yos naru texxik Jerusalén, sa' xteepal Judá, re xkab'lankil li rochoch li Qaawa', xYos laj Israel, a' li Yos li wank Jerusalén. A' taxaq li Qaawa' leeYos chitenq'anq eere.

Levítico 25:11

Li lajeeb' roxk'aal chihab' a'anaq jun santil chihab' re li ach'ab'ank: ink'a' truuq tex'awq chi moko teexok li triiw li taayo'laaq xjunes rib', chi moko teesaab'esi leerawimq uub' ut teexok li ru,

Levítico 25:54

“Ut wi ink'a' xkole'k chiruheb' li chihab' a'an, taakanaaq chi ach'ab'anb'il sa' xchihab'il li ach'ab'ank, rochb'eenaqeb' li ralal xk'ajol,

Ezequiel 46:17

Ab'an wi tixsi xch'och' junaq reheb' laj k'anjel chiru, a'an rehaq laj k'anjel toj tixtaw xq'ehil li ach'ab'aak; chirix chik a'an taakanaaq wi' chik cho'q re laj jolominel ut cho'q reheb' li ralal xk'ajol.

Levítico 25:41

Toja' naq truuq tixkanab' laawochoch rochb'eenaqeb' li ralal xk'ajol re naq taasutq'iiq sa' xyanqeb' li xkomon ut sa' li xna'ajeb' li xna' xyuwa'.

Jeremías 34:10

Chixjunileb' li xjolomileb' li tenamit ut chixjunileb' li poyanam li ke'xk'ulub'a ru li aatin a'in, ke'xkanab' chi ach'ab'anb'il li xmuneb' ut ink'a' chik ke'xmin ruheb' chi k'anjelak chiruheb'.