Levítico 24:9 - Q'eqchi Bible

⁹ Li kaxlan wa a'an rehaq laj Aharón ut eb' li ralal xk'ajol, ut tento te'xwa' sa' junaq loq'laj na'ajej, xb'aan naq q'axal loq' li mayej a'an chiruheb' chixjunil li mayej nak'atmank cho'q re li Qaawa'. A'in jun chaq'rab' xaqxooq xwankil chi junelik”.

Li Santil hu

⁹ Li caxlan cua aꞌin, aꞌan li teꞌxcꞌul laj Aarón ut eb li ralal. Teꞌxcuaꞌ li caxlan cua saꞌ junak santil naꞌajej xban nak aꞌin jun mayej kꞌaxal santo saꞌ xya̱nkeb li cꞌatbil mayej li naqꞌueheꞌ re li Dios. Aꞌin jun chakꞌrab junelic teꞌxba̱nu.

Levítico 24:9 ပူးပေါင်းရင်းမြစ်များ

Levítico 8:31

Toja' naq laj Moisés kixye reheb' laj Aharón ut eb' li ralal: “Chiqomaq li tib' sa' rokeb'aal li Loq'laj Muheb'aal. Tiwomaq aran ajwi', rochb'een li wa wank sa' chakach re li ok cho'q aj tij, jo' tz'aqal kixye we li Qaawa': «Laj Aharón ut eb' li ralal xk'ajol te'xtiw li tib' a'in».

San Lucas 6:4

chanru naq ki'ok sa' rochoch li Yos, kixchap li mayejanb'il wa li maajun naru taawa'oq re, ka'ajwi' eb' laj tij, ut a'an kixtzeka ut kixk'e ajwi' reheb' li rochb'een?

San Marcos 2:26

Ki'ok sa' rochoch li Yos naq wank laj Abiatar cho'q xyuwa'il aj tij, ut kixtzeka li mayejanb'il wa li maajun naru taawa'oq re, ka'ajwi' eb' laj tij; ut kixk'e ajwi' reheb' li rochb'een.

San Mateo 12:4

chanru naq ki'ok sa' rochoch li Yos ut ke'xtzeka li mayejanb'il wa li ink'a' naru tixwa' a'an chi moko eb' li rochb'een, ka'ajwi' eb' laj tij?

Levítico 10:17

—K'a'ut naq ink'a' xetzeka li mayej chirix li maak sa' junaq osob'tesinb'il na'ajej? Q'axal loq' li mayej a'an, ut li Qaawa' kixk'e eere re naq laa'ex tex'iiqaninq re xmaakeb' li komonil ut teetoj rix xmaakeb' chiru li Qaawa'.

Levítico 6:16

Ut li mayej taa'ela'anq, te'xtzeka laj Aharón ut eb' li ralal xk'ajol, chi maak'a'aq xyu ut sa' junaq loq'laj na'ajej, chiru xneb'aalil li Loq'laj Muheb'aal.

1 Samuel 21:6

Toja' naq laj tij kixk'e li mayejanb'il wa re laj David, xb'aan naq aran ka'ajwi' li wa a'an wank, a' li q'axtesinb'il re li Qaawa' ut xokb'il sa' li kutan nak'eemank wi' li ak' wa cho'q reeqaj, sa' li artal.

Levítico 21:22

Naru tixtzeka li wa a'an jo'wi' li k'a'aq chik re ru loq' ut santob'resinb'il,

Malaquías 1:12

“A'ut laa'ex aj tij nekesach inloq'al naq nekeye: «Li xmeex li Qaawa' naru xmuxb'al xloq'al, ut li tzekemq wank aran naru xtz'eqtaanankil».

Levítico 8:3

ut taach'utub'eb' chixjunil li komonil sa' rokeb'aal li Loq'laj Muheb'aal”.

Levítico 24:10

Sa' xyanqeb' laj Israel kiwank jun li winq, aj Israel li xna' ut aj Ejiipt li xyuwa'. Li xna' li winq, a'an xSelomit xk'ab'a', xrab'in laj Dibrí sa' xteepal Dan.

Éxodo 27:21

Laj Aharón rochb'eeneb' li ralal te'iloq re chiru li Qaawa', sa' xMuheb'aal li ch'utam, junpak'al li t'ilkem li wank chi xk'atq li xLoq'laj Kaaxil li Sumwank, chalen ewu toj eq'la. A'in jun chaq'rab' xaqxooq xwankil chi junelik cho'q reheb' li ralal xk'ajol laj Israel.

Levítico 3:17

“A'an a'in jun chaq'rab' twanq chi junajwa cho'q reheb' li jar teep chi tenamit chaalel, yalaq b'ar wanqeb': ink'a' taatzekamanq li xeeb' chi moko li kik'”.

Levítico 6:9

“Ch'olob' chiru laj Aharón ut chiruheb' li ralal xk'ajol li chaq'rab' a'in chirix li k'atb'il mayej: Li xul mayejanb'il tento taakanaaq sa' xb'een li ru xam re li artal chiru chixjunil li q'oqyink, re naq taak'atq.

Levítico 6:11

Chirix chik a'an tixjal li raq' ut tixk'am li cha sa' junaq na'ajej saab'esinb'il chi us, najtaq rik'in li xmuheb'aaleb' li tenamit.

Levítico 10:12

Chirix a'an laj Moisés kixye reheb' laj Aharón ut laj Elehasar jo'wi' laj Itamar, chi xkab'ichaleb' li ralal laj Aharón li toj wankeb' chiru: —Chapomaq li mayej k'aj, rela' li k'atb'il mayej, ut tzekahomaq chire li artal, chi maak'a'aq xyu, xb'aan naq a'an jwal loq'.