Levítico 23:40 - Q'eqchi Bible

⁴⁰ Sa' xb'een li kutan teexok ru li chaab'il che', jo'wi' li xxaq kala', xxaq xninqal che' ut xxaq li kok' chik che' nak'iik chire li nima', ut chiru wuqub' kutan taasaho'q eech'ool rik'in li Qaawa' leeYos.

Li Santil hu

⁴⁰ Saꞌ li xbe̱n cutan te̱sicꞌ li rukꞌ li cheꞌ chꞌinaꞌus rilbal, li naxqꞌue ru. Te̱sicꞌ ajcuiꞌ rukꞌeb li cheꞌ palmera ut li cuan nabal rukꞌ. Ut te̱sicꞌ ajcuiꞌ li rukꞌ li cheꞌ li cuanqueb chire li cocꞌ rok haꞌ. Ut ta̱sahokꞌ saꞌ e̱chꞌo̱l chiru li Ka̱cuaꞌ le̱ Dios chiru cuukub cutan.

Levítico 23:40 ပူးပေါင်းရင်းမြစ်များ

Apocalipsis 7:9

Chirix chik a'an kin'ilok, ut kink'e reetal naq k'ajo' xk'ihaleb' li tenamit! Maa'ani naruhank chi rajlankileb': chalenaqeb' chaq sa' chixjunileb' xteepal li xtenamit sa' ruuchich'och', yalaq chanru neke'ilok ut neke'aatinak, xaqxookeb' chiru li nimajwal k'ojarib'aal ut chiru li Karneer, tiqtookeb' rik'in saqi aq' ut wank xxaq mokooch sa' ruq'eb'.

Filipenses 4:4

Junelik chexsaho'q rik'in li Qaawa'. Ninye wi' chik eere: naq chexsaho'q!

Romanos 5:11

Ut moko ka'aj ta wi' rik'in a'an, naqanima aj b'an wi' qib' rik'in li Yos sa' xk'ab'a' li Qaawa' Jesukriist li xqataw wi' li usilal anaqwan.

San Juan 16:22

Jo'kan ajwi' laa'ex ra sa' eech'ool anaqwan, ab'anan tolwil wi' chik eeru ut taasaho'q leech'ool, ut li xsahil eech'ool maa'ani truuq taamaq'oq cheru.

San Juan 12:13

jo'kan naq ke'xchap xxaq mokooch ut ke'elk chi xk'ulb'al, japjookeb' re chi xyeeb'al: —Chinimaaq xloq'al li Yos! Usilaatinanb'il taxaq li yo chi chalk sa' xk'ab'a' li Qaawa', a' li xreyeb' laj Israel!

San Mateo 21:8

Li xnimal xk'ihaleb' li tenamit ke'xhelatq li raq'eb' sa' li b'e; wankeb' ke'q'ujuk chaq ruq' che' ut ke'xhelatq sa' li b'e.

Isaías 35:10

Eb' li kolb'ileb' xb'aan li Qaawa' te'sutq'iiq chaq, te'ok Sión yooqeb' chi b'ichank, ut chi xnaq' ruheb' taak'utunq li xsahilaleb' xch'ool chi junelik. Nimla sahilal taa'ochb'eeninq reheb' ut maak'a'aq chik li yaab'ak ut li rahil ch'oolej sa' xyanqeb'.

1 Pedro 1:8

Laa'ex ink'a' eerilom ru li Jesukriist, ab'an nekera. Us ta ink'a' nekeril ru anaqwan, ab'an nekepaab', k'ajo' naq nasaho'k leech'ool: makach'in li xnimal ut li xloq'al li sahil ch'oolejil a'an!

Filipenses 3:3

Eb' li tz'aqal xk'ulumeb' li sirkunsisyon a'ano laa'o, li naqaloq'oni ru li Yos jo' naraj li xMusiq', naqanima qib' sa' xk'ab'a' li Kristo Jesus ut ink'a' k'ojk'o li qach'ool ka'ajwi' rik'in li naqab'aanu qajunes.

Isaías 66:10

“Sahoqex rik'in Jerusalén, chejunilex li nekexrahok re, chiwanq sahil ch'oolej sa' eeyanq. Wotzomaq li xsahilal xch'ool eerochb'een, jo'k'ihalex li xexyaab'ak chirix.

Salmos 92:12

Laa'in xwil naq sachsookeb' chik eb' li xik' neke'ilok we; xwab'i naq yookeb' chi yaab'ak eb' li xe'raj raj numtaak sa' inb'een.

Levítico 23:39

“Sa' li o'laju xb'e li xwuq po, naq akaq xexok ru leerawimq, chiru wuqub' kutan texninq'ehiq sa' xk'ab'a' li Qaawa'. Texhilanq sa' xb'een li kutan ut sa' xwaqxaq li kutan.

Levítico 23:41

Rajlal chihab', sa' li xwuq po, chiru wuqub' kutan, texninq'ehiq sa' xk'ab'a' li Qaawa'. A'in jun chaq'rab' xaqxooq xwankil chi junelik cho'q eere laa'ex ut cho'q reheb' leeralal eek'ajol.

Deuteronomio 12:7

Aran textzekanq chiru li Qaawa' leeYos ut taasaho'q leech'ool, eerochb'een leejunkab'al, sa' xk'ab'a' chixjunil li k'anjel xexrosob'tesi wi' li Qaawa' leeYos.

Salmos 137:2

naq t'uyt'uukeb' chaq li qa'aarp sa' ruq'eb' li che' chire li ha'.

Isaías 44:4

Te'k'iiq jo' li pim sa' li chaab'il ch'och', jo'kaqeb' li che' chire li nima'.

Deuteronomio 12:12

Aran taasaho'q eech'ool chiru li Qaawa' eerochb'eeneb' leeralal eek'ajol, eb' laj k'anjel cheru jo' winq ut ixq, jo' ajwi' eb' laj Leví li wankeb' sa' eeyanq, xb'aan naq ink'a' xk'ulumeb' li xna'ajeb'.