Levítico 23:28 - Q'eqchi Bible

²⁸ Mexk'anjelak chiru li kutan a'an, xb'aan naq a'an xkutankil li kuyuk sachok maak, b'arwi' laa'ex teek'am wi' chik eerib' sa' usilal rik'in li Qaawa' leeYos.

Li Santil hu

²⁸ Ma̱ jun li cꞌanjel te̱ba̱nu chiru li cutan aꞌan xban nak aꞌan jun cutan re xtojbal rix le̱ ma̱c. Te̱ba̱nu chi joꞌcan re nak li Ka̱cuaꞌ le̱ Dios tixcuy le̱ ma̱c.

Levítico 23:28 ပူးပေါင်းရင်းမြစ်များ

Zacarías 3:9

Xink'e chiru laj Josué jun li pek wank wuqub' pak'al ru; laa'in ajwi' tintz'iib'a ru -chan li Nimajwal Yos-, ut chiru yal jun kutan tinsach li xmaakeb' li ruuchich'och'.

Levítico 16:34

“A'an a'in jun li chaq'rab' xaqxooq xwankil chi junelik cho'q eere: jun sut sa' li chihab' taawanq li mayejak re xtojb'al rix chixjunileb' li xmaakeb' laj Israel”. Ut ki'uxmank jo' chanru kixye li Qaawa' re laj Moisés.

1 Juan 5:6

A'an a'in li kik'ulunk rik'in ha' ut rik'in kik': a' li Jesukriist. Moko ka'aj ta wi' rik'in ha', rik'in b'an ha' ut kik'. Ut li nayehok naq yaal, a'an li Musiq'ej, xb'aan naq li Musiq'ej a'an li yaal.

1 Juan 4:10

Rik'in a'in nawank li rahok: moko rik'in ta naq laa'o xoorahok re li Yos, rik'in b'an naq A'an kirahok qe ut kixtaqla chaq li Ralal cho'q kames-mayej chirix li qamaak.

1 Juan 2:2

A'an li kames-mayej chirix li qamaak, ut moko ka'aj ta wi' chirix li qamaak, chirix aj b'an wi' xmaakeb' chixjunil li ruuchich'och'.

Hebreos 10:14

Relik chi yaal naq sa' xk'ab'a' li jun chi mayej kixtz'aqob'resiheb' ru chi junajwa eb' li yo xsantob'resinkileb'.

Hebreos 10:10

Ut rik'in li rajom xch'ool li Yos santob'resinb'ilo chiqajunilo sa' xk'ab'a' naq li Jesukriist kixmayeja rib' chi junwaakaj.

Hebreos 9:26

Wi ta kixmayeja rib' naab'al sut, tento raj naq naab'al sut kixk'ul li rahilal chalen sa' xk'ojlajik chaq li ruuchich'och'. Ab'an a'an jun sut ajwi' kixk'ut rib', sa' xtz'aqlojik ru li kutan, re xsachb'al xwankil li maak rik'in xmayejankil rib'.

Hebreos 9:12

Ut ki'ok sa' li Santil Na'ajej chi junwaakaj, moko rik'in ta xkik'el teelom chib'aat chi moko rik'in xkik'eleb' kok' wakax, rik'in b'an li xkik'el a'an; ut chi jo'kan kooxkol chi junajwa.

Daniel 9:24

«Ak xaqxo lajeeb' xkaak'aal xamaan sa' xb'een laatenamit ut sa' xb'een Jerusalén b'arwi' wankat. Aajel ru a'an, re naq taaraqe'q li maa'usilal ut li q'etb'a aatin, jo'wi' re naq te'tojmanq rix chixjunileb' li maak, re xxaqab'ankil xwankil li tiikilal chi junajwa ut xsantob'resinkil wi' chik li Rochoch li Yos re naq taatz'aqloq ru li moy u xawil ut li xyehom li propeet.

Isaías 53:10

Li Qaawa' xraj xrahob'tesinkil ut xtawasinkil rik'in rahilal, ut laj k'anjel tiik xch'ool xmayeja rib' re xtojb'al rix li maak. Jo'kan naq taanajto'q roq li xyu'am, toxrileb' li ralal xk'ajol ut sa' xk'ab'a' A'an taatz'aqloq ru li rajom li Yos.

Levítico 23:27

“Li xlaje kutan re ajwi' li xwuq po, a'anaq xkutankil li kuyuk sachok maak. Tento taawanq jun eeloq'laj ch'utam, tex'ayuuniq ut teek'at junaq eemayej sa' xk'ab'a' li Qaawa'.

Levítico 16:30

xb'aan naq sa' li kutan a'an taawanq xtojb'al rix leemaak, ut saqaq chik eeru chiru li Qaawa'.

Levítico 16:33

ut tixch'ajob'resi li Santil Na'ajej, li Loq'laj Muheb'aal ut li artal, ut tixtoj rix xmaakeb' laj tij jo'wi' li xmaakeb' chixjunil li komonil.