Levítico 23:24 - Q'eqchi Bible

²⁴ “Ye a'in reheb' laj Israel: Li xb'een kutan re li xwuq po, a'anaq li hilob'aal kutan cho'q eere, ut teeb'aanu leeloq'laj ch'utam re inninq'ehinkil rik'in xyaab' tronpeet.

Li Santil hu

²⁴ —A̱tinan riqꞌuineb laj Israel ut ta̱ye reheb nak li xbe̱n cutan re li xcuuk li po, aꞌan jun hiloba̱l cutan chokꞌ e̱re. Te̱chꞌutub e̱rib ut te̱ya̱basi li trompetas re xjulticanquil nak xticla li po nak teꞌxba̱nu li lokꞌlaj ninkꞌe.

Levítico 23:24 ပူးပေါင်းရင်းမြစ်များ

1 Corintios 15:52

Chiru junpaat, chiru jun mutz'ul, naq taayaab'asiiq li tronpeet sa' roso'jik (xb'aan naq taayaab'asiiq li tronpeet), te'wakliiq chi yo'yo eb' li kamenaq chi ink'a' chik te'q'aaq, ut laa'o toojalano'q.

1 Ts 4:16

A' ajwi' li Qaawa' taakub'eeq chaq sa' choxa sa' xq'ehil, naq jun li arkánjel taataqlanq rik'in xyaab' xkux ut taayaab'asiiq xtronpeet li Yos: toja' naq eb' li xe'kamk sa' xk'ab'a' li Kriist, xb'enwa te'wakliiq chaq chi yo'yo.

Levítico 25:9

ut sa' li lajeeb' xb'e li xwuq po, sa' xkutankil li kuyuk sachok maak, teek'e chi yaab'asiik li xukub' sa' chixjunil li tenamit.

Salmos 98:6

Rik'inatq xyaab' li xolb' ut li tronpeet cheloq'oni ru li Qaawa' li qaRey.

2 Crónicas 5:13

Toja' naq sa' komonil ke'ok chi xyaab'asinkileb' li tronpeet ut chi b'ichank chi junaj xyaab' xkuxeb', re yoxink ut xnimankil xk'ab'a' li Qaawa', rik'in xyaab'asinkileb' li xtronpeet, eb' li xtzojtzoj ut li xkomon xwajb'eb'; yookeb' ajwi' chi xb'ichankil: “Chenima ru li Qaawa', xb'aan naq a'an q'axal chaab'il ut li xrahom wank chi junelik”. Sa' ajwi' li honal a'an li rochoch li Yos kinujak rik'in jun li choql.

Isaías 27:13

Sa' li kutan a'an taayaab'asiiq jun nimla pur, ut eb' li ke'xcha'cha'i rib' Asiria jo' ajwi' li ke'k'ame'k Ejiipt te'chalq chi xloq'oninkil ru li Qaawa', arin Jerusalén, sa' li santil tzuul.

Esdras 3:6

Chalen sa' li xb'een kutan re li xwuq li po ke'xtikib' xyeechi'inkil li k'atb'il mayej re li Qaawa', us ta toj maji' na'ub'elamank li rochoch li Yos.

1 Crónicas 15:28

Chixjunileb' laj Israel ke'xk'am li xLoq'laj Kaaxil li xSumwank li Qaawa', japjookeb' re xb'aan xsahilaleb' xch'ool, yookeb' ajwi' chi xyaab'asinkil li xukub', li tronpeet ut li sursuukil q'anch'iich'; yo ajwi' chi eek'ank li aarp li nim ut li kach'in xyaab'.

Levítico 23:23

Li Qaawa' kiraatina laj Moisés ut kixye re:

Nehemías 8:2

Sa' li xb'een kutan re li xwuq po laj Esdras laj tij kixk'am chaq xHuhil li xChaq'rab' li Qaawa' chiru li komonil, ch'utch'uukeb' aran jo' winq, jo' ixq ut li jo'k'ihaleb' te'ruhanq chi xtawb'al xyaalal.

Salmos 89:15

Li tiikilal ut li yaal a'aneb' li xkuut laa'awab'ejihom, li usilal ut li chaab'ilal aj k'amol b'eheb' chawu.