Levítico 23:2 - Q'eqchi Bible

² “Ye reheb' laj Israel li aatin a'in: A'aneb' a'in li xninq'e li Qaawa' b'arwi' tento teech'utub' eerib' sa' ink'ab'a':

Li Santil hu

² —Ta̱ye reheb laj Israel cꞌaꞌru naxye li chakꞌrab chirixeb li ninkꞌe li teꞌxba̱nu nak teꞌxchꞌutub ribeb chinlokꞌoninquil. La̱at ta̱ye resil reheb nak li ninkꞌe li teꞌxba̱nu, aꞌan kꞌaxal lokꞌ.

Levítico 23:2 ပူးပေါင်းရင်းမြစ်များ

Levítico 23:37

“A'aneb' a'in li xninq'e li Qaawa', b'arwi' taawanq loq'laj ch'utam ut teeq'axtesi chiru li Qaawa' k'atb'il mayej, k'atb'il xul, mayej k'aj, mayej b'iin ut li k'a'aq chik re ru chi mayejil, a' yaal naxye li xkutankil,

Levítico 23:4

“A'aneb' a'in xninq'e li Qaawa' li taawanq wi' loq'laj ch'utam sa' xk'ab'a' li Qaawa' ut tento teech'utub' eerib':

Joel 2:15

Yaab'asihomaq li pur aran Sión, ch'utub'omaq li tenamit ut yehomaq resil li ayuunik.

Oseas 2:11

Tinsach chixjunil li nasaho'k wi' xch'ool, a' li utz'uk, li xninq'ehinkil li xtiklajik li po, li hilob'aal kutan jo'wi' chixjunileb' li ninq'e.

Salmos 81:3

Chexb'ichanq, chetoch' leekok' tun, ch'e'omaq li loq'laj aarp ut li kitaar!

Números 29:39

“A'aneb' a'in li mayej teeyeechi'i re li Qaawa' sa' leeninq'e, jalan wi' li mayej nekeyeechi'i rajlal ut li na'alaak sa' eech'ool, a'eb' leek'atb'il mayej, li ru li awimq, li mayejanb'il b'iin ut li mayejak chirix li k'amok ib' sa' usilal rik'in li Yos”.

Números 10:10

Sa' xkutankil li sahil ch'oolej, sa'atqeb' leeninq'e ut sa' xyo'lajikeb' li po, yaab'asihomaq li tronpeet sa' xhonalil xk'atb'al leemayej ut xq'axtesinkil leeyeechi'om re li k'amok ib' sa' usilal rik'in li Yos. Chi jo'kan texjultiko'q re li Qaawa'. Laa'in li Qaawa', leeYos”.

San Juan 5:1

Chirix chik a'in kiwank xninq'eheb' laj Judiiy, ut li Jesus kitaqe'k Jerusalén.

Nahum 1:15

Waye' chaq sa' xb'eeneb' li tzuul laj yehol resil li tuqtuukilal! Ninq'ehin, at Judá, ut maayejan xb'aan naq ink'a' chik taanume'q aawik'in laj sachonel: xsache'k chi junajwa.

Joel 1:14

Ch'utub'omaq li tenamit ut yehomaq resil li ayuunik. Ch'utub'omaqeb' li cheekel winq ut chixjunileb' li poyanam sa' rochoch li Qaawa' leeYos, ut chextijoq chex'elajinq chiru li Qaawa'.

Lamentaciones 1:4

Jwal ra rilb'aleb' li b'e neke'xik aran Sión: maa'ani chik nachalk chi ninq'ehik. Maa'ani wank chiruheb' li rokeb'aal li tenamit. Neke'yaab'ak eb' laj tij, neke'huyhutk eb' li tuq'ixq, ut q'axal ra xch'ooleb' chixjunileb' laj Jerusalén.

Isaías 33:20

Il Sión, li tenamit nokooninq'ehik wi'. Ka'ya Jerusalén, li tuqtuukil tenamit; chanchanaq jun muheb'aal kaw xaqxo sa' li xna'aj: maajoq'e taa'eek'anq li roqechal sa' li ch'och' chi moko taat'upe'q li k'aam b'ak'b'o wi'.

2 Reyes 10:20

Jo'kan naq kixye: “Chiwanq jun xnimal ninq'e sa' xk'ab'a' laj Bahal”. Ut jo'kan ki'uxmank.

Levítico 23:44

Jo'ka'in naq ki'aatinak laj Moisés rik'ineb' laj Israel, chirix eb' li xninq'e li Qaawa'.

Levítico 23:21

“Sa' ajwi' li kutan a'an tento teeb'aanu junaq loq'laj ch'utam ut maajun junaq kawil k'anjel teeb'aanu. A'in jun chaq'rab' xaqxooq xwankil chi junelik cho'q eere laa'ex ut cho'q reheb' leeralal eek'ajol, yalaq ta b'ar wanqex.

Éxodo 32:5

Naq laj Aharón kiril a'in, kixxaqab' jun li artal chiru li ch'ina wakax ut kixye: “Wulaj taawanq ninq'e sa' xk'ab'a' li Qaawa'”.

Colosenses 2:1

Nawaj teenaw naq q'axal kaw yookin chi k'anjelak cherix laa'ex, chirixeb' ajwi' laj Laodicea ut chirix chixjunileb' li maji' rilomeb' wu,

Colosenses 2:16

Jo'kan utan, maa'ani chiwech'oq eerix rik'in wa'ak uk'ak, chirix ninq'e, xyo'lajik li po malaj chirix li sábado.

Levítico 23:1

Li Qaawa' kiraatina laj Moisés ut kixye re:

1 Crónicas 23:31

jo' ajwi' re xyeechi'inkil chixjunileb' li k'atb'il mayej chiru li Qaawa' sa' li sábado, sa' xyo'lajik li po ut sa'eb' li ninq'e, jo'k'ihaleb' li tz'iib'anb'il chaq xk'ab'a'eb' chi junajwa re k'anjelak chiru li Yos.

Ezequiel 44:24

Naq wanq junaq ch'a'ajkilal, a'anaqeb' laj raqol aatin, ut te'xb'aanu jo' naxye linchaq'rab'. Sa' chixjunileb' linninq'e te'xpaab' lintaqlahom ut li waatin, ut te'roxloq'i linhilob'aal kutan.

2 Crónicas 2:3

Chirix chik a'an laj Salomón kixtaqla xyeeb'al re laj Jirán, awab'ej re Tiro: “B'aanu wik'in li xab'aanu rik'in laj David linyuwa', naq xataqlaheb' chaq naab'al li che' yaw, re kixyiib' jun rochoch b'arwi' kiwank.

Esdras 3:5

Chirix chik a'an ke'xyeechi'i li mayej na'uxmank wulaj wulaj jo'wi' sa' xyo'lajik li po, sa'eb' li loq'laj ninq'e ut chirixeb' jo'k'ihaleb' li ki'alaak sa' xch'ooleb' xk'eeb'al xmayej re li Qaawa'.