Levítico 23:17 - Q'eqchi Bible

¹⁷ ut teek'am chaq sa' leerochoch ka'kab'aq li kaxlan wa, yiib'anb'ilaq rik'in xyu chaab'il k'aj triiw ut chiqb'ilaq chi wanq numenaq waqxaqib' liib'r li junjunq, jo' xb'een ru li awimq ut chaab'il mayej cho'q re li Qaawa'.

Li Santil hu

¹⁷ Saꞌ le̱ rochoch te̱cꞌam chak cuib li caxlan cua chokꞌ e̱mayej chiru li Ka̱cuaꞌ. Li junju̱nk chi caxlan cua aꞌan yi̱banbil riqꞌuin numenak cuakxakib libra li cha̱bil cꞌaj ut cua̱nk xchꞌamal. Laj tij tixtaksi saꞌ rukꞌ chiru li Ka̱cuaꞌ chokꞌ re le̱ mayej re li xbe̱n ru le̱ trigo.

Levítico 23:17 ပူးပေါင်းရင်းမြစ်များ

Levítico 23:10

“Ye a'in reheb' laj Israel: Naq akaq xex'ok sa' li ch'och' tink'e eere laa'in, naq teesik' ru leetriiw, tento sa' eeb'een xk'eeb'al re laj tij jun joob'aq li triiw jo' xb'een ru leerawimq.

Números 28:26

“Sa' li kutan teemayeja wi' li xb'een ru leerawimq chiru li Qaawa', sa' xNinq'eheb' li Xamaan, taawanq leeloq'laj ch'utam. Maajun taak'anjelaq.

Levítico 7:13

Rochb'een li mayej re b'anyoxink ut li k'amok ib' sa' usilal rik'in li Yos, taaq'axtesimanq ajwi' kaxlanwa wank xyu.

Éxodo 34:26

“Taak'am sa' rochoch li Qaawa' laaYos li xchaab'ilal li xb'een ru laawawimq li na'elk sa' laach'och'. “Maachiq li ch'ina chib'aat sa' xya'al xtu' li xna'”.

Éxodo 34:22

“Taaninq'ehi li xNinq'eheb' li Xamaan, naraj naxye li xninq'e li xb'een ru laawawimq; jo'kan ajwi' li xNinq'e li Q'olok sa' xraqik li chihab'.

Éxodo 23:19

“Taak'am sa' rochoch li Qaawa' laaYos li xchaab'ilal li xb'een ru laawawimq. “Maachiq li ch'ina chib'aat sa' xya'al xtu' li xna'.

Apocalipsis 14:4

A'aneb' a'in li ink'a' ke'xmux rib'eb' rik'in ixq xb'aan naq wankeb' chi xjunxaqalil: neke'xtaaqe li Karneer yalaq b'ar. Eb' a'in kolb'ileb' sa' xyanqeb' li winq jo'keb' xb'een u cho'q re li Yos ut li Karneer.

Santiago 1:18

A'an sa' xch'ool x'alaak qayoob'tesinkil rik'in li Aatin re li yaal, re naq laa'ohaq jo' xb'een ru li awimq sa' li xyoob'tesihom.

1 Corintios 15:20

Ab'anan ink'a'! Li Kriist kiwakliik chi yo'yo sa' xyanqeb' li kamenaq jo' xb'een mayej sa' xyanqeb' li xe'xk'uula rib'.

Romanos 8:23

Laa'o ajwi' li qak'ulum li xb'een ru li Musiq'ej nokoo'ayaynak sa' li qach'ool, naq yooko chi xyo'oninkil naq li Yos tooxk'ul jo' tz'aqal ralal xk'ajol ut taakole'q li qach'och'el qasululel.

San Mateo 13:33

Jun chik li jaljookil ru aatin kixye reheb': “Li xnimajwal wankilal li choxa chanchan kach'in xyu li kaxlan wa. Jun li ixq kichapok re ut koxk'e sa' jun aroow chi k'aj, toj reetal kisipook chixjunil”.

Números 15:17

Li Qaawa' kixye ajwi' re laj Moisés:

Levítico 2:12

Naru teeq'axtesi chiru li Qaawa' li xyu xq'emal li kaxlan wa jo'wi' xya'al li kab' cho'q eemayej, jo' xb'een ru leerawimq; ab'anan ink'a' naru xyeechi'inkil jo' k'atb'il mayej sununk xb'ook chiru li Qaawa'.

Éxodo 23:16

“Taanima ajwi' ru li xninq'e li q'olok, li xninq'e li xb'een ru laak'anjel ut li k'aru xawaw sa' laach'och'; jo'kan ajwi' taaninq'ehi li xokok sa' xraqik li chihab', naq taaxok sa' laach'och' chixjunil li ru laak'anjel.

Éxodo 22:29

“Matb'ayk chi xyeechi'inkil we li xchaab'ilal laaq'olom ut laa'uub'. Chak'e we li xb'een aawalal.

Levítico 23:18

Rochb'een li kaxlan wa teeyeechi'i wuqub' chi karneer aj junq chihab'eb' ut maak'a'aq reek', jun ral wakax ut wiib' chib'aat cho'q chaab'il mayej sa' xk'ab'a' li Qaawa', k'atb'il mayej sununk xb'ook cho'q re A'an. A'inaq xkomon leek'aj mayej ut li b'iin.

Nehemías 10:37

Kiqak'uub' ajwi' xk'amb'al sa'eb' li xk'uuleb'aal li rochoch li Yos, cho'q reheb' laj tij, li q'em yiib'anb'il rik'in li xb'een ru li triiw, jo' ajwi' li xchaab'ilal chixjunil ru li che', li b'iin ut li aseeyt. Ut li junjunq sa' xlajeetqil ru li qawimq taaqaq'axtesi reheb' laj Leví, xb'aan naq eb' a'an neke'xokok re li xlajeetqil chixjunil li naruuchin li qach'och'.

Números 18:12

Chixjunil li chaab'il aseeyt, li uub' ut li triiw, li xb'een ruheb' li awimq taayeechi'imanq re li Qaawa', aawehaqeb'.

Números 18:13

Jo'kan ajwi' chixjunil li xb'een ru li awimq li na'elk chiru li ch'och' ut neke'xk'e re li Qaawa', tink'eheb' aawe. Chixjunileb' li ink'a' muxb'ileb' sa' laawochoch naru te'xtzeka.