Levítico 23:10 - Q'eqchi Bible

¹⁰ “Ye a'in reheb' laj Israel: Naq akaq xex'ok sa' li ch'och' tink'e eere laa'in, naq teesik' ru leetriiw, tento sa' eeb'een xk'eeb'al re laj tij jun joob'aq li triiw jo' xb'een ru leerawimq.

Li Santil hu

¹⁰ —Tat-a̱tinak riqꞌuineb laj Israel ut ta̱ye reheb chi joꞌcaꞌin: Nak tex-oc saꞌ li naꞌajej li tinqꞌue e̱re, nak te̱sicꞌ li xbe̱n ru le̱ racui̱mk, te̱cꞌam jun jo̱b riqꞌuin laj tij chokꞌ le̱ mayej.

Levítico 23:10 ပူးပေါင်းရင်းမြစ်များ

Éxodo 34:26

“Taak'am sa' rochoch li Qaawa' laaYos li xchaab'ilal li xb'een ru laawawimq li na'elk sa' laach'och'. “Maachiq li ch'ina chib'aat sa' xya'al xtu' li xna'”.

Éxodo 23:19

“Taak'am sa' rochoch li Qaawa' laaYos li xchaab'ilal li xb'een ru laawawimq. “Maachiq li ch'ina chib'aat sa' xya'al xtu' li xna'.

Apocalipsis 14:4

A'aneb' a'in li ink'a' ke'xmux rib'eb' rik'in ixq xb'aan naq wankeb' chi xjunxaqalil: neke'xtaaqe li Karneer yalaq b'ar. Eb' a'in kolb'ileb' sa' xyanqeb' li winq jo'keb' xb'een u cho'q re li Yos ut li Karneer.

Santiago 1:18

A'an sa' xch'ool x'alaak qayoob'tesinkil rik'in li Aatin re li yaal, re naq laa'ohaq jo' xb'een ru li awimq sa' li xyoob'tesihom.

Deuteronomio 16:9

“Taawajla wuqub' chi xamaan. Chalen sa' xtiklajik li q'olok triiw taatikib' rajlankil li wuqub' chi xamaan.

Números 28:26

“Sa' li kutan teemayeja wi' li xb'een ru leerawimq chiru li Qaawa', sa' xNinq'eheb' li Xamaan, taawanq leeloq'laj ch'utam. Maajun taak'anjelaq.

Ezequiel 44:30

Li k'aru jwal chaab'il re li xb'een ru li awimq ut re chixjunil li namayejaak, rehaqeb' laj tij. Ut naq laa'ex teeyiib' li q'em, tento teek'e reheb' li xb'een taa'elq. Chi jo'kan li wosob'tesihom wanq junelik sa' eeb'een sa' leerochoch.

Números 15:2

“Ye reheb' laj Israel: Naq toxex'okaq sa' li ch'och' texink'e wi' chi wank,

Levítico 23:17

ut teek'am chaq sa' leerochoch ka'kab'aq li kaxlan wa, yiib'anb'ilaq rik'in xyu chaab'il k'aj triiw ut chiqb'ilaq chi wanq numenaq waqxaqib' liib'r li junjunq, jo' xb'een ru li awimq ut chaab'il mayej cho'q re li Qaawa'.

Éxodo 34:22

“Taaninq'ehi li xNinq'eheb' li Xamaan, naraj naxye li xninq'e li xb'een ru laawawimq; jo'kan ajwi' li xNinq'e li Q'olok sa' xraqik li chihab'.

Éxodo 23:16

“Taanima ajwi' ru li xninq'e li q'olok, li xninq'e li xb'een ru laak'anjel ut li k'aru xawaw sa' laach'och'; jo'kan ajwi' taaninq'ehi li xokok sa' xraqik li chihab', naq taaxok sa' laach'och' chixjunil li ru laak'anjel.

Éxodo 22:29

“Matb'ayk chi xyeechi'inkil we li xchaab'ilal laaq'olom ut laa'uub'. Chak'e we li xb'een aawalal.

Romanos 11:16

Ut wi sant li xb'een ru li awimq, sant ajwi' chixjunil. Jo'wi' anchal wi sant li xxe' li che', santeb' ajwi' li ruq'.

Josué 3:15

Ab'anan naq eb' laj tij ke'ok sa' li nima' ut li roqeb' ke'xch'e' li ha' chire li nima' Jordán (sa' xq'ehil li q'olok nab'ut'irk li nima' Jordán),

Levítico 14:34

“Naq akaq xex'ok sa' xteepal Kanahán, sa' li ch'och' tink'e cho'q eereechanihom, wi laa'in tintaqla li saqlep sa' junaq ochoch sa' leetenamit,

Levítico 23:9

Li Qaawa' kiraatina laj Moisés ut kixye re:

Levítico 23:11

Ut naq ak xnume'k li sábado, laj tij tixq'axtesi chiru li Qaawa' jo' jun xnimal ru mayej, re naq k'ulb'ilaq cheru.

Li xHu LIX RUT 1:22

Jo'ka'in naq lix Nohemí ki'elk chaq aran Mohab, rochb'een lix Rut, li ralib' aj Mohab: ke'sutq'iik ut ke'wulak Belén sa' xtiklajik li xxokb'al ru li seb'aad.